Kadakan Movie | സ്ഥിരം ശൈലിയിൽ നിന്ന് മാറിയ 'കടകൻ' പുതുമയോടെ കാണാം

സിനിമയിലെ മ്യൂസിക് ആണ് നമ്മളെ പിടിച്ചിരുത്തുന്നതിലെ പ്രധാന ഐറ്റം. അതിനിണങ്ങിയ കാസ്റ്റിംഗും. നല്ല നാടൻ തല്ലും ആക്ഷൻ രംഗങ്ങളും പടത്തിലുടനീളം ഉണ്ട്. ഹകീം ഷാ എന്ന നടൻ്റെ മികച്ച പ്രകടനമാണ് സിനിമയിൽ കാണുന്നത്. നമ്മുടെ ഇൻഡസ്ട്രിയിലെ ഒരു അണ്ടർ റേറ്റഡ് ആക്ടർ ആണ് പുള്ളി. കടസീല ബിരിയാണി, പ്രണയ വിലാസം ഒക്കെ കണ്ടാൽ അറിയാം തികച്ചും രണ്ട്‌ എൻഡിൽ നിൽക്കുന്ന കഥാപാത്രങ്ങൾ. അതുകൊണ്ടാണ് കടകന്റെ ട്രയ്‌ലർ ഇറങ്ങിയപ്പോൾ മുതൽ കാത്തിരുന്നത്. നല്ല കിടു കഥാപാത്രം. ലുക്കിലും നോക്കിലും വരെ ടെറർ ആയിട്ടുണ്ട്.

ഫൈറ്റ് രംഗങ്ങൾ ആണ് പുള്ളി അധികവും പൊളിച്ചത്. ഇൻട്രോ സീൻ പുള്ളിക്ക് കിട്ടിയ നല്ല ഒരു വെൽക്കം ആയിരുന്നു, അവിടുന്ന് തുടങ്ങിയ ഫൈറ്റ് ക്ലൈമാക്സ് വരെയുണ്ട്. ഹക്കീം അണ്ടർ റേറ്റഡ് ആയൊരു പ്രോമിസിംഗ് നടൻ ആണ്. വളരെ നല്ല പ്രകടനം ആണ് കാഴ്ച വെച്ചത്. ഒരു രക്ഷയുമില്ല.. ആദ്യ സിനിമയുടെ യാതൊരു പരുങ്ങലുമില്ലാത്ത സംവിധാന മികവ് എടുത്ത് പറയണം. മനോഹരമായ ഫ്രെയിമുകൾ സിനിമയുടെ ക്വാളിറ്റി കൂട്ടുന്നുണ്ട്. മാസ് സീനുകളിൽ വരുന്ന ബി ജി എം ആണ് സിനിമയുടെ ഭംഗി. ക്യാമറ ഭംഗി ചോരാത്ത എഡിറ്റിംഗ്. മൊത്തത്തിൽ ഒരു ത്രില്ലിംഗ് എക്സ്പീരിയൻസ് ആണ് കടകൻ.

ഇതേ എക്സ്പീരിയൻസ് അത് പോലെ കിട്ടണമെങ്കിൽ തിയറ്ററിൽ തന്നെ പോയി കാണണം. പടം കൊള്ളാം. രാജമാണിക്യത്തിൽ ഒക്കെയുള്ള വില്ലൻ ആണ് വില്ലൻ ആയി എത്തുന്നത്. അതും കിടു തന്നെ. നല്ല നാടൻ തല്ലും ആക്ഷൻ രംഗങ്ങളും പടത്തിലുടനീളം ഉണ്ട്. കാസ്റ്റിംഗും സൂപ്പർ. ഹരിശ്രീ അശോകൻ, മണികണ്ഠൻ ആർ ആചാരി, ജാഫർ ഇടുക്കി തുടങ്ങിയവരൊക്കെയാണ് മറ്റ് താരങ്ങൾ. ഇവരുടെ പെർഫോമൻസ് തകർത്തു എന്ന് നിസംശയം പറയാം. 2024 മലയാള സിനിമക്ക് നല്ല കാലം ആണെന്ന് തോന്നുന്നു. ഇറങ്ങുന്ന പടങ്ങളെല്ലാം അത്യാവശ്യം നല്ല ക്വാളിറ്റി ഉണ്ട്. കടകൻ സിനിമയും ആ കൂട്ടത്തിലേക്ക് കയറിയിട്ടുണ്ട്. ഫെബ്രുവരിയിലെ പോലെ മാർച്ചിലും മലയാള സിനിമ മുന്നോട്ട് കുതിക്കും എന്ന് പ്രതീക്ഷ നൽകുന്ന ചിത്രം. എല്ലാവരും തീയേറ്ററിൽ തന്നെ പോയി സിനിമ കാണുക.

Keywords:  Movies, Entertainment, Cinema, Kadakan, Review, Hakkim Shah, Sajil Mampad, Director, Nilambur, Village, Sand, Smuggle, Triller, Music, Casting, Action, Underrated, Industry, Kadaseela Biriyani, Trailer, Kadakan Movie Review.