ഇതേ തുടർന്ന്, നടക്കാതെ പോയ ഫുട്ബോൾ മത്സരത്തിൽ ജപ്പാൻ 3-0ന് വിജയിച്ചതായി ശനിയാഴ്ച ഫിഫ പ്രഖ്യാപിക്കുകയായിരുന്നു. വിജയത്തോടെ സിറിയയും മ്യാൻമറും ഉൾപ്പെടുന്ന ഗ്രൂപ്പിൽ ജപ്പാൻ ആദ്യ രണ്ട് സ്ഥാനങ്ങളിലൊന്ന് ഉറപ്പാക്കി. നാല് മത്സരങ്ങൾക്ക് ശേഷം 12 പോയിൻ്റുമായി ജപ്പാൻ ഇപ്പോൾ ലോകകപ്പ് യോഗ്യതാ മത്സരങ്ങളുടെ മൂന്നാം റൗണ്ടിലേക്കും 2027 ലെ ഏഷ്യൻ കപ്പിലേക്കും യോഗ്യത നേടി.
ഈ മാസം ടോക്യോയിൽ നടന്ന മറ്റൊരു യോഗ്യതാ മത്സരത്തിൽ ജപ്പാൻ 1-0 ന് ഉത്തര കൊറിയയെ പരാജയപ്പെടുത്തിയിരുന്നു. താരങ്ങൾക്ക് കളിക്കാനുള്ള സുപ്രധാന അവസരം നഷ്ടമായെങ്കിലും ഇതൊരു നല്ല മുന്നേറ്റമായാണ് താൻ കാണുന്നതെന്ന് ജപ്പാൻ കോച്ച് ഹാജിം മൊറിയാസു പ്രസ്താവനയിൽ പറഞ്ഞു. ജപ്പാനുമായി നയതന്ത്ര ബന്ധങ്ങളൊന്നുമില്ലാത്ത ഉത്തര കൊറിയ, ജപ്പാനിലെ പകർച്ചവ്യാധികളെക്കുറിച്ചുള്ള ആശങ്കകൾ കാരണമാണ് മത്സരത്തിൽ നിന്ന് പിന്മാറിയതെന്ന് സൂചനയുണ്ട്.
Keywords: News, News-Malayalam-News, World, Sports, Football, Japan, World Cup, North Korea, Japan handed 3-0 win after North Korea call off World Cup qualifier.