'ജനിതക കത്രിക' (CRISPR gene editing) സാങ്കേതിക വിദ്യ ഉപയോഗിച്ച്, ലബോറട്ടറിയിൽ ഒരുക്കിയ കോശങ്ങളിൽ നിന്ന് എച്ച്ഐവി വൈറസ് വേർതിരിച്ചെടുക്കാൻ ഗവേഷകർക്ക് കഴിഞ്ഞു. ഇത് മെഡിക്കൽ സയൻസിന് വലിയ നേട്ടമാണ്. നിലവിലുള്ള ചികിത്സകൾക്ക് എച്ച്ഐവി നിയന്ത്രിക്കാൻ കഴിയും, പക്ഷേ ഇത് പൂർണമായും ഇല്ലാതാക്കാൻ കഴിയില്ല. പുതിയ ഗവേഷണം, ഇപ്പോഴും അതിൻ്റെ പ്രാരംഭ ഘട്ടത്തിലാണെങ്കിലും, വൈറസിനെ പൂർണമായും ഇല്ലാതാക്കാമെന്നുള്ള പ്രതീക്ഷ നൽകുന്നു.
ആത്യന്തികമായി ശരീരത്തെ വൈറസിൽ നിന്ന് പൂർണമായും മോചിപ്പിക്കാൻ കഴിയുമെന്ന് ശാസ്ത്രജ്ഞർ പ്രതീക്ഷിക്കുന്നു. എന്നാൽ സുരക്ഷയും ഫലപ്രാപ്തിയും ഉറപ്പാക്കാൻ കൂടുതൽ പരീക്ഷണങ്ങൾ ആവശ്യമാണെന്ന് നോട്ടിംഗ്ഹാം സർവകലാശാലയിലെ സ്റ്റെം സെൽ, ജീൻ തെറാപ്പി സാങ്കേതികവിദ്യകളുടെ അസോസിയേറ്റ് പ്രൊഫസറായ ഡോ. ജെയിംസ് ഡിക്സൺ പറയുന്നു.
എന്താണ് എച്ച്ഐവി?
എച്ച്ഐവി ശരീരത്തിൻ്റെ പ്രതിരോധ സംവിധാനത്തിലുള്ള കോശങ്ങളെ നശിപ്പിക്കുന്നു. ഏത് അണുബാധയെയും ചെറുക്കാനുള്ള ശരീരത്തിൻ്റെ കഴിവ് ദുർബലമാകുമെന്നതാണ് ഈ രോഗത്തിന്റെ അപകടം. ബീജം, യോനി, ഗുദ സ്രവങ്ങൾ അല്ലെങ്കിൽ രക്തം അല്ലെങ്കിൽ മുലപ്പാൽ പോലെയുള്ള രോഗബാധിതനായ വ്യക്തിയുടെ ശരീരത്തിൽ നിന്ന് പുറത്തുവരുന്ന ദ്രാവകത്തിലൂടെയാണ് ഈ വൈറസ് പടരുന്നത്. എന്നിരുന്നാലും, ഇത് വിയർപ്പ്, ഉമിനീർ, മൂത്രം എന്നിവയിലൂടെ പകരില്ല. എച്ച്ഐവി കണ്ടെത്താനുള്ള ഏക മാർഗം പരിശോധനയാണ്.
< !- START disable copy paste -->