Mango Leaf | മാവിലകൾ ഒട്ടും മോശക്കാരനല്ല! അടങ്ങിയിരിക്കുന്നത് അതിശയകരമായ ഒരുപാട് ആരോഗ്യ ഗുണങ്ങള്‍

  
ആൻ്റിഓക്‌സിഡൻ്റുകൾ, ഫൈറ്റോ ന്യൂട്രിയൻ്റുകൾ, ആൽക്കലോയിഡുകൾ, ബീറ്റാ കരോട്ടിൻ, ഫ്‌ളേവനോയിഡുകൾ തുടങ്ങിയ വിറ്റാമിനുകളും ധാതുക്കളും, വിറ്റാമിൻ എ, ബി, സി എന്നിവയും മാവിലകളിൽ ധാരാളമായി അടങ്ങിയിട്ടുണ്ട്. ഇതുകൂടാതെ, ടെർപെനോയിഡുകളും പോളിഫെനോൾ സംയുക്തങ്ങളും അടങ്ങിയിട്ടുണ്ട്. നിങ്ങൾ പതിവായി മാവിലകൾ കഴിക്കുകയാണെങ്കിൽ, പല പ്രശ്നങ്ങളും തടയുന്നതിനും ചികിത്സിക്കുന്നതിനും നിങ്ങളെ വളരെയധികം സഹായിക്കും.

ഗുണകരമായ സസ്യ സംയുക്തങ്ങൾ മാവിലകളിൽ കാണാം. നല്ല കാഴ്ചയ്ക്കും രോഗപ്രതിരോധ ആരോഗ്യത്തിനും ടെർപെനോയിഡുകൾ പ്രധാനമാണ്. അവ ആൻ്റിഓക്‌സിഡൻ്റുകൾ കൂടിയാണ്, ഇത് ഫ്രീ റാഡിക്കലുകൾ എന്ന് വിളിക്കപ്പെടുന്ന ഹാനികരമായ തന്മാത്രകളിൽ നിന്ന് നിങ്ങളുടെ കോശങ്ങളെ സംരക്ഷിക്കുന്നു. പല ചെടികളിലും കാണപ്പെടുന്ന ധാരാളം ഗുണങ്ങളുള്ള പോളിഫെനോൾ ആയ മാംഗിഫെറിൻ, പ്രത്യേകിച്ച് മാങ്ങയിലും മാവിലയിലും ഉയർന്ന അളവിൽ അടങ്ങിയിട്ടുണ്ട്.

മാവിലകളുടെ ആരോഗ്യ ഗുണങ്ങൾ

* ഹൃദയത്തിൻ്റെ ആരോഗ്യം നിലനിർത്തുന്നു:

മാവില കഴിക്കുന്നത് ഉയർന്ന ബിപി, കൊളസ്ട്രോൾ, രക്തത്തിലെ പഞ്ചസാര എന്നിവ നിയന്ത്രിക്കാൻ സഹായിക്കുന്നു. ഇതെല്ലാം ഹൃദ്രോഗ സാധ്യത വർധിപ്പിക്കുന്ന ഘടകങ്ങളാണ്.

* ശരീരഭാരം കുറയ്ക്കാൻ സഹായിക്കുന്നു:

നിങ്ങൾ സ്ഥിരമായി മാവില ചായ കുടിക്കുകയാണെങ്കിൽ ശരീരഭാരം കുറയ്ക്കാൻ സഹായിക്കുന്നു. ഇത് ദഹനം മെച്ചപ്പെടുത്തുകയും ചെയ്യുന്നു.

* അണുബാധയിൽ നിന്ന് സംരക്ഷിക്കുന്നു:

മാവിലടങ്ങിയിരിക്കുന്ന ശക്തമായ ഔഷധ ഗുണങ്ങളും വിറ്റാമിനുകളും പ്രതിരോധശേഷി വർധിപ്പിക്കാൻ സഹായിക്കുന്നു. ഇത് വൈറൽ പനി, അണുബാധ എന്നിവയിൽ നിന്നും നിങ്ങളെ സംരക്ഷിക്കുന്നു.

* ശരീരത്തിലെ വിഷാംശം ഇല്ലാതാക്കുന്നു:

ആൻ്റിഓക്‌സിഡൻ്റുകളാൽ സമ്പുഷ്ടമായതിനാൽ, ഫ്രീ റാഡിക്കലുകളെയും ഹാനികരമായ കണങ്ങളെയും നശിപ്പിക്കാൻ മാവിലകൾ വളരെ ഫലപ്രദമാണ്. ഇത് ദോഷകരമായ ബാക്ടീരിയകളെ നശിപ്പിക്കുകയും വിഷാംശം ഇല്ലാതാക്കാൻ സഹായിക്കുകയും ചെയ്യുന്നു.

* കാൻസറിൽ നിന്ന് സംരക്ഷിക്കാം:

കാൻസർ പ്രതിരോധ ഗുണങ്ങൾ മാവിൻ്റെ ഇലയ്ക്കുണ്ട്. കൂടാതെ, കാൻസറിനുള്ള പ്രധാന കാരണമായ ഫ്രീ റാഡിക്കലുകൾ മൂലമുണ്ടാകുന്ന കേടുപാടുകൾ തടയാനും ഇതിന് കഴിയും. അത്തരമൊരു സാഹചര്യത്തിൽ മാവിലകൾ പതിവായി കഴിക്കുന്നത് കാൻസർ പോലുള്ള ഗുരുതരവും അപകടകരവുമായ രോഗങ്ങളിൽ നിന്ന് നിങ്ങളെ അകറ്റി നിർത്തുമെന്ന് ആരോഗ്യ വിദഗ്ധർ പറയുന്നു.

* പ്രമേഹത്തിൽ ഗുണം ചെയ്യും

പ്രമേഹ രോഗികൾ മാമ്പഴത്തിൽ നിന്ന് അകലം പാലിക്കാൻ നിർദേശിക്കുന്നുണ്ടെങ്കിലും ഇതിൻ്റെ ഇലകൾ പ്രമേഹത്തിന് എതിരെ വളരെ ഗുണം ചെയ്യും.

* മുടിക്ക് ഗുണം ചെയ്യും

നിങ്ങളുടെ മുടി പ്രകൃതിദത്തമായ രീതിയിൽ മനോഹരമാക്കാൻ നിങ്ങൾ ആഗ്രഹിക്കുന്നുവെങ്കിൽ, മാവിൻ ഇലകൾ വളരെ ഉപയോഗപ്രദമാകും. മാവിലയിൽ അടങ്ങിയിരിക്കുന്ന ഫ്ലേവനോയിഡുകൾ അകാല നര എന്ന പ്രശ്‌നത്തിൽ നിന്ന് ആശ്വാസം നൽകുന്നു.

* വയറ്റിലെ അൾസറിന് ഗുണം ചെയ്യും

ഒട്ടനവധി ഗുണങ്ങളാൽ സമ്പന്നമായ മാവിൻ ഇലകൾ വയറിന് ഏറെ ഗുണം ചെയ്യും. അൾസർ എന്ന പ്രശ്‌നം നിങ്ങളെ അലട്ടുന്നുണ്ടെങ്കിൽ നിങ്ങൾക്ക് ഈ ഇലകൾ ഉപയോഗിക്കാം.

* പിത്തസഞ്ചി, വൃക്കയിലെ കല്ലുകൾ എന്നിവ ചികിത്സിക്കുന്നു:

മാമ്പഴത്തിൻ്റെ ഏറ്റവും വലിയ ഗുണം പിത്തസഞ്ചി, വൃക്കയിലെ കല്ലുകൾ എന്നിവ ചികിത്സിക്കാൻ സഹായിക്കുന്നു എന്നതാണ്. മാവിൻ ഇലകൾ പൊടിച്ച രൂപത്തിൽ ദിവസവും കഴിച്ചാൽ, പിത്തസഞ്ചി, വൃക്കയിലെ കല്ലുകൾ എന്നിവയെ സമയത്തിനുള്ളിൽ തകർക്കാൻ സഹായിക്കുന്നാതായും വിദഗ്ദർ അഭിപ്രായപ്പെടുന്നു.

മാവിൻ ഇലകൾ എങ്ങനെ കഴിക്കാം?

* ഇലകൾ ചവച്ച് തിന്നാം: ഇത് കഴിക്കാനുള്ള എളുപ്പവഴിയാണിത്.  2-3 ഇലകൾ നന്നായി കഴുകി രാവിലെ വെറും വയറ്റിൽ നേരിട്ട് കഴിക്കാം.
* വെള്ളത്തിൽ തിളപ്പിച്ച ശേഷം കഴിക്കുക: 2-3 ഇലകൾ വെള്ളത്തിൽ തിളപ്പിച്ച് കഴിക്കാം.
* ഇലയുടെ വെള്ളം കുടിക്കാം: വേവിച്ച ഇലയുടെ ബാക്കിയുള്ള വെള്ളം നിങ്ങൾക്ക് കുടിക്കാം അല്ലെങ്കിൽ മിക്സിയിൽ പൊടിച്ച് അരിച്ചെടുത്ത് ഈ വെള്ളം കുടിക്കാം.
* ചായ ഉണ്ടാക്കി കുടിക്കുക: നിങ്ങൾക്ക് മാവിൻ ഇലകൾ കൊണ്ട് ഹെർബൽ ടീ ഉണ്ടാക്കി കുടിക്കാം. ഇതിനായി ഒരു കപ്പ് വെള്ളത്തിൽ 2-3 മാങ്ങയുടെ ഇലയും ഒരു കഷ്ണം ഇഞ്ചിയും ചേർത്ത് തിളപ്പിച്ചാൽ മതി. ഇത് ഒരു കപ്പിൽ അരിച്ചെടുത്ത ശേഷം തേൻ ചേർത്ത് കുടിക്കുക.

ഇതുവഴി മാങ്ങയുടെ ഇലകൾ ഭക്ഷണത്തിൽ എളുപ്പത്തിൽ ഉൾപ്പെടുത്താം. ഇത് സ്ഥിരമായി കഴിക്കുന്നത് വളരെയധികം ആരോഗ്യ ഗുണങ്ങൾ നൽകുന്നു. എന്നിരുന്നാലും നിങ്ങൾക്ക് എന്തെങ്കിലും ആരോഗ്യ പ്രശ്നങ്ങൾ ഉണ്ടെങ്കിലോ ആശങ്കകൾ ഉണ്ടെങ്കിലോ എല്ലായ്പ്പോഴും ഡോക്ടറുടെ അഭിപ്രായം തേടുകയും ചികിത്സിക്കുകയും വേണം. < !- START disable copy paste -->