Follow KVARTHA on Google news Follow Us!
ad

BCCI | ബിസിസിഐയുടെ പുതിയ തീരുമാനം ക്രിക്കറ്റ് താരങ്ങളിൽ പരിഭ്രാന്തി സൃഷ്ടിക്കുന്നു! ഐപിഎല്ലിൽ നിന്ന് പുറത്തിരിക്കേണ്ടി വരുമോ? കാരണമായത് ഇഷാൻ കിഷൻ

നീക്കം ഇഷാൻ കിഷൻ അടക്കം വിട്ടുനിൽക്കുന്ന സാഹചര്യത്തിൽ Ranji Trophy, IPL, Ishan Kishan, BCCI, Cricket
ന്യൂഡെൽഹി: (KVARTHA) ലോകത്ത് ഏറ്റവും കൂടുതൽ ആളുകൾ വീക്ഷിക്കുന്ന ക്രിക്കറ്റ് ലീഗാണ് ഐപിഎൽ. ഇതിൽ കളിക്കുന്നതിലൂടെ താരങ്ങൾക്ക് പണവും പ്രശസ്തിയും ലഭിക്കുന്നു. നിരവധി താരങ്ങൾ ഐപിഎല്ലിൽ കളിച്ച് കരിയർ ഉണ്ടാക്കിയിട്ടുണ്ട്. എന്നാൽ പലരും ആഭ്യന്തര ക്രിക്കറ്റിൽ അവരുടെ സംസ്ഥാന ടീമിന് വേണ്ടി കളിക്കാതെ ഐപിഎല്ലിൽ മാത്രം ശ്രദ്ധ കേന്ദ്രീകരിക്കുന്ന അവസ്ഥയുമുണ്ട്. ബിസിസിഐ ഇത് കർശനമായി കൈകാര്യം ചെയ്യാൻ ഒരുങ്ങുകയാണ്. ഇത് സംബന്ധിച്ച് സുപ്രധാന വിവരങ്ങൾ പുറത്ത് വന്നിരിക്കുകയാണ്.

No Ranji Trophy, No IPL: After Ishan Kishan Fiasco, BCCI May Take Stern Step - Report

'ഐപിഎല്ലിൽ മാത്രം കളിക്കരുത്'

ചില താരങ്ങൾ റെഡ് ബോൾ ക്രിക്കറ്റ് കളിക്കാൻ ആഗ്രഹിക്കുന്നില്ല എന്ന വസ്തുത ബിസിസിഐക്ക് നന്നായി അറിയാമെന്ന് മുതിർന്ന ബിസിസിഐ ഉദ്യോഗസ്ഥനെ ഉദ്ധരിച്ച് പിടിഐ റിപ്പോർട്ട് ചെയ്തു. ഐപിഎല്ലിൽ ഭാഗമാകുന്നതിന് രഞ്ജി ട്രോഫിയിലെ മൂന്ന്-നാല് മത്സരങ്ങൾ കളിക്കുന്നത് നിർബന്ധമാക്കുമെന്നാണ് റിപ്പോർട്ട്. കൂടാതെ ഫ്രാഞ്ചൈസി പുറത്താക്കിയാൽ ഐപിഎൽ ലേലത്തിൽ പോലും പ്രത്യക്ഷപ്പെടാനും കഴിയില്ല.

യുവതാരങ്ങൾ ഐപിഎല്ലിൽ മാത്രം കളിക്കുന്നത് ശീലമാക്കാതിരിക്കാൻ കർശനമായ ചില നിയമങ്ങൾ കൊണ്ടുവരണമെന്ന് സംസ്ഥാന ക്രിക്കറ്റ് ബോർഡുകൾ ആവശ്യമുന്നയിക്കുന്നതായി ബിസിസിഐ വൃത്തങ്ങൾ വെളിപ്പെടുത്തി. ഫിറ്റായിട്ടും രഞ്ജി ട്രോഫിയിൽ കളിക്കാൻ ആഗ്രഹിക്കാത്ത താരങ്ങൾ ഇന്ത്യൻ ടീം മാനേജ്മെൻ്റിനെ ആശങ്കയിലാക്കിയതായും വിവരമുണ്ട്.

ഇഷാൻ കിഷൻ രഞ്ജി ട്രോഫിയിൽ കളിക്കുന്നില്ല

താരങ്ങൾ ദേശീയ ടീമിന് പുറത്തായാൽ രഞ്ജി ട്രോഫി ടൂർണമെൻ്റിൽ പങ്കെടുക്കേണ്ടി വരുമെന്ന സൂചനകളാണ് പുറത്തുവരുന്നത്. അല്ലാത്തപക്ഷം ഐപിഎല്ലിൽ നിന്ന് പുറത്തിരിക്കേണ്ടി വരും. ജാർഖണ്ഡിൻ്റെ സ്റ്റാർ വിക്കറ്റ് കീപ്പർ ബാറ്റ്സ്മാൻ ഇഷാൻ കിഷൻ ഫസ്റ്റ് ക്ലാസ് ക്രിക്കറ്റിനോട് കാണിക്കുന്ന വിമുഖതയെ തുടർന്നാണ് ഈ നീക്കമെന്നാണ് വിവരം.

ഇപ്പോൾ നടന്നുകൊണ്ടിരിക്കുന്ന രഞ്ജി ട്രോഫി സീസണിൽ ജാർഖണ്ഡിൻ്റെ ആറ് മത്സരങ്ങളിൽ ഒന്നിലും കിഷൻ കളിച്ചിരുന്നില്ല. 'യാത്രാക്ഷീണം' ചൂണ്ടിക്കാട്ടി ദക്ഷിണാഫ്രിക്കൻ പര്യടനത്തിൽ നിന്ന് മടങ്ങിയതിന് ശേഷം താരം ടൂർണമെൻ്റ് ഒഴിവാക്കിയ രീതി ബിസിസിഐയ്ക്ക് പിടിച്ചിട്ടില്ലെന്നാണ് റിപ്പോർട്ട്. ഫെബ്രുവരി 16 ന് രാജസ്ഥാനെതിരെ ജംഷഡ്പൂരിൽ ആരംഭിക്കുന്ന ജാർഖണ്ഡിൻ്റെ അവസാന ഗ്രൂപ്പ് ലീഗ് മത്സരം കളിക്കാൻ കിഷനോട് ബിസിസിഐ നിർദേശം നൽകിയിട്ടുണ്ട്

Keywords: News, National, New Delhi, Ranji Trophy, IPL, Ishan Kishan, BCCI, Cricket, No Ranji Trophy, No IPL: After Ishan Kishan Fiasco, BCCI May Take Stern Step - Report.
< !- START disable copy paste -->

Post a Comment