Follow KVARTHA on Google news Follow Us!
ad

Drinking Tea | ചായ കുടിക്കുന്നവർ അബദ്ധത്തിൽ പോലും ഈ അഞ്ച് തെറ്റുകൾ ചെയ്യരുത്; അത് ആരോഗ്യത്തിന് ഹാനികരമാകും!

ആവശ്യമായ പോഷകങ്ങൾ ലഭിക്കാത്ത സന്ദർഭങ്ങളുണ്ട്, Tea, Habits, Health, Lifestyle, ആരോഗ്യ വാർത്തകൾ
ന്യൂഡെൽഹി: (KVARTHA) ക്ഷീണിച്ച ദിവസം ഒരു ചായ കുടിച്ചാൽ ശരീരം സജീവമാകും. ചായയിൽ കഫീൻ അടങ്ങിയിട്ടുണ്ട്, ഇത് തലച്ചോറിനെയും ശരീരത്തെയും സജീവമായി നിലനിർത്താൻ സഹായിക്കുന്നു. ലോകമെമ്പാടും കാണപ്പെടുന്ന ഏറ്റവും സാധാരണമായ പാനീയമാണിത്, ഇത് പലർക്കും ഒരു ശീലമായി മാറിയിരിക്കുന്നു. ചായ പ്രേമികൾ അവരുടെ ദിവസവും ചായയിൽ തുടങ്ങുന്നു. ഇത്തരക്കാർ രാവിലെ എഴുന്നേറ്റാൽ ആദ്യം ആഗ്രഹിക്കുന്നത് ചായയാണ്.
  
News, News-Malayalam-News, National, National-News, Health, Health-News, Lifestyle, Lifestyle-News, What Are The Bad Habits of Drinking Tea.

ശരിയായ രീതിയിൽ കുടിച്ചാൽ ചായ നമ്മുടെ ആരോഗ്യത്തിന് ഹാനികരമല്ല. എന്നാൽ ചായ കുടിക്കുമ്പോൾ ഉണ്ടാകുന്ന ചില തെറ്റുകൾ നമ്മുടെ ആരോഗ്യത്തിനും ദോഷം ചെയ്യും. അതിനാൽ നിങ്ങൾ ഒരു ചായ പ്രേമി ആണെങ്കിൽ തീർച്ചയായും, ആരോഗ്യ വിദഗ്ധർ ചൂണ്ടിക്കാണിക്കുന്ന ഈ അഞ്ച് തെറ്റുകൾ മനസിൽ വയ്ക്കുക.


* ഭക്ഷണത്തോടൊപ്പം ചായ

ഭക്ഷണത്തോടൊപ്പം ചായ കുടിച്ചാൽ ശരീരത്തിന് ആവശ്യമായ പോഷകങ്ങൾ ലഭിക്കില്ല. ഭക്ഷണത്തോടൊപ്പം കഫീൻ കഴിക്കുന്നത് ശരീരത്തിന് പോഷകങ്ങൾ ആഗിരണം ചെയ്യുന്നതിൽ നിന്ന് തടയുന്നു. അതുകൊണ്ട് ഭക്ഷണത്തോടൊപ്പം ചായ കുടിക്കുന്നതിനു പകരം കുറച്ച് സമയത്തിന് ശേഷം ചായ കുടിക്കാൻ ശ്രദ്ധിക്കുക.


* വെറും വയറ്റിൽ കഴിക്കുക

വെറുംവയറ്റിൽ ചായ കുടിക്കുന്നത് അസിഡിറ്റിക്കും മലബന്ധത്തിനും കാരണമാകും. വെറും വയറ്റിൽ കഫീൻ കഴിക്കുന്നത് ദഹനത്തെ മന്ദീഭവിപ്പിക്കും. ഇതുകൂടാതെ, നിങ്ങൾക്ക് ഛർദി, ഓക്കാനം എന്നിവയും അനുഭവപ്പെടാം.


* അമിതമായ അളവിൽ കുടിക്കുക

ഒന്നിൽ കൂടുതൽ ചായ കുടിക്കുന്നതും നിങ്ങൾക്ക് ദോഷം ചെയ്യും. ഇക്കാരണത്താൽ, നിങ്ങൾക്ക് ഉറങ്ങാനും ബുദ്ധിമുട്ട് ഉണ്ടാകാം. ദഹനം മന്ദഗതിയിലാകാനും ഇത് കാരണമാകും. അതിനാൽ, ഒരു സമയം അധികം ചായ കുടിക്കരുത്.


* വീണ്ടും വീണ്ടും ചൂടാക്കി കുടിക്കൽ

ചിലർ ചായ വീണ്ടും വീണ്ടും ചൂടാക്കി കഴിക്കും. യഥാർത്ഥത്തിൽ, ചായ ദീർഘനേരം സൂക്ഷിക്കുന്നത് അതിലെ വിഷാംശം വർധിപ്പിക്കുന്നു. അതുകൊണ്ട് തന്നെ ഏറെ സമയം സൂക്ഷിച്ച ചായ കുടിച്ചാൽ ദഹനപ്രശ്‌നങ്ങൾ നേരിടേണ്ടി വരും.


* ഒരു ദിവസം നിരവധി തവണ കുടിക്കുക

ദിവസത്തിൽ പല തവണ ചായ കുടിക്കുന്നത് ദീർഘകാലാടിസ്ഥാനത്തിൽ ആരോഗ്യത്തെ ദോഷകരമായി ബാധിക്കും. ഇക്കാരണത്താൽ, നിങ്ങൾക്ക് ഗുരുതരമായ രോഗങ്ങൾക്കും സാധ്യതയുണ്ട്. അതിനാൽ, ഒരു ദിവസം രണ്ട് കപ്പിൽ കൂടുതൽ ചായ കുടിക്കരുത്. കൂടാതെ, ഈ ശീലം നിങ്ങളുടെ വിശപ്പ് കുറയ്ക്കുന്നു, ഇത് നിങ്ങളുടെ ശരീരത്തിലെ പോഷകങ്ങളുടെ അഭാവത്തിനും കാരണമാകും.

Keywords: News, News-Malayalam-News, National, National-News, Health, Health-News, Lifestyle, Lifestyle-News, What Are The Bad Habits of Drinking Tea.

Post a Comment