Follow KVARTHA on Google news Follow Us!
ad

Hair Care Tips | രാത്രി ഉറങ്ങുന്നതിന് മുമ്പ് ഈ മൂന്ന് നിസാര കാര്യങ്ങൾ ചെയ്താൽ മുടി കൊഴിയുന്നതും പൊട്ടുന്നതും മാറും!

തലയണ കവറും ശ്രദ്ധിക്കാനുണ്ട് Hair Care, Habits, Health, Lifestyle, ആരോഗ്യ വാർത്തകൾ
ന്യൂഡെൽഹി: (KVARTHA) മുടികൊഴിച്ചിൽ, മുടിക്ക് കേടുപാടുകൾ, പൊട്ടൽ എന്നിവ ഇന്ന് ഒരു സാധാരണ പ്രശ്നമാണ്. മുടി കൊഴിച്ചിലിനും കേടുപാടുകൾക്കും നിറങ്ങളും രാസവസ്തുക്കളും പോലുള്ള സൗന്ദര്യ വർധക വസ്തുക്കളും കാരണമാകുന്നതായി പലപ്പോഴും ആളുകൾ കരുതുന്നു. വാസ്തവത്തിൽ, രാസവസ്തുക്കൾ മുടിയെ എങ്ങനെ ദോഷകരമായി ബാധിക്കുന്നു എന്നതിലുപരി, രാത്രിയിൽ നിങ്ങളുടെ മുടി എങ്ങനെ പരിപാലിക്കുന്നു എന്നത് മുടിയുടെ കേടുപാടുകൾ, കൊഴിയൽ, പൊട്ടൽ എന്നിവയെ സ്വാധീനിക്കുന്നുവെന്ന് ആരോഗ്യ വിദഗ്ധർ പറയുന്നു. രാത്രി ഉറങ്ങുന്നതിന് മുമ്പ് മൂന്ന് കാര്യങ്ങൾ ശ്രദ്ധിക്കണമെന്നാണ് ഇവർ വ്യക്തമാക്കുന്നത്.


1. നനഞ്ഞ മുടിയുമായി കിടക്കരുത്

ഇത് മുടിക്ക് കേടുവരുത്തും, കാരണം നനഞ്ഞ മുടി അതിലോലമായതും പൊട്ടാനുള്ള സാധ്യത കൂടുതലുമാണ്. മുടി നനഞ്ഞിരിക്കുമ്പോൾ, രോമകൂപങ്ങൾ ഏറ്റവും ദുർബലമായിരിക്കും. നനഞ്ഞ മുടിയുമായി ഉറങ്ങുമ്പോൾ, തലയിണയിൽ വെള്ളവും പ്രകൃതിദത്ത എണ്ണകളും കലരുകയും നിങ്ങളുടെ മുടി വരണ്ടതും നിർജീവവും ജലാംശം ഇല്ലാത്തതുമായി കാണപ്പെടുകയും ചെയ്യുന്നു.

ഇക്കാരണത്താൽ, മുടി പൊട്ടുകയോ കൊഴിഞ്ഞുപോവുകയോ ചെയ്യാം. കൂടാതെ തലയിൽ നിന്നുള്ള വെള്ളവും മറ്റും കൊണ്ട് തലയണ നനയുന്നത് കാരണം ഫംഗസ് അണുബാധയ്ക്ക് സാധ്യത കൂടുതലാണ്. തലയോട്ടിയിലെ ഫംഗസ് അണുബാധയ്ക്ക് ഇത് വഴിവെക്കും. അതുകൊണ്ട് മുടി നന്നായി ഉണക്കിയ ശേഷം മാത്രം കിടക്കാൻ ശ്രദ്ധിക്കുക.

2. മുടി കെട്ടി വച്ച് കിടക്കുക

ഉറങ്ങുമ്പോൾ സാധാരണ മുടി കെട്ടി വച്ചില്ലെങ്കിൽ ഉറക്കത്തിൽ തിരിയുന്നതും മറ്റും മൂലം മുടി വലിയുകയും പൊട്ടിപ്പോകുകയും ചെയ്യും. നിങ്ങളുടെ മുടി കെട്ടി വച്ച് കിടക്കുമ്പോൾ, മുടിയും തലയിണയും തമ്മിൽ ഘർഷണം കുറവായതിനാൽ പൊട്ടിപ്പോകുന്നത് കുറവായിരിക്കും. അതിനാൽ, ഉറങ്ങുന്നതിനുമുമ്പ് മുടി കെട്ടുന്നത് എല്ലായ്പ്പോഴും നല്ലതാണ്. ഇത് രാത്രിയിൽ നിങ്ങളുടെ മുടിക്ക് കേടുപാടുകൾ വരുത്താതിരിക്കുകയും അവയെ വലുതും ശക്തവുമാക്കുകയും ചെയ്യും.

3. തലയണ കവറും ശ്രദ്ധിക്കുക

സിൽക്ക് തലയിണകൾ മുടിയിൽ സ്വാഭാവിക എണ്ണയും ഈർപ്പവും നിലനിർത്താനും ഘർഷണം കുറയ്ക്കാനും സഹായിക്കും. ഇതുമൂലം മുടി പൊട്ടുന്നതും കൊഴിയുന്നതും കുറയ്ക്കാം. സിൽക്ക് തലയിണകൾ മുടിക്ക് ഉത്തമമാണ്.
  
News, National, New Delhi, Hair Care, Habits, Health, Lifestyle, Sleep, Hair, Hair Care Routine at Night.

Keywords: News, National, New Delhi, Hair Care, Habits, Health, Lifestyle, Sleep, Hair, Hair Care Routine at Night.
< !- START disable copy paste -->

Post a Comment