സിറോ മലബാർ സഭയിൽ വിഭൂതി തിരുനാൾ ദിനത്തോടെ നോമ്പാചരണത്തിനു തുടക്കമാകും. തിങ്കളാഴ്ച രാവിലെ പ്രത്യേക തിരുകർമങ്ങൾ നടന്നു. ശുശ്രൂഷാമാധ്യേ കരികൊണ്ടുള്ള കുരിശ് നെറ്റിയിൽ വരയ്ക്കും. ലത്തീൻ സഭയിൽ ഇതു ക്ഷാര ബുധനായിട്ടാണ് ആചരിക്കുക. വിവിധ മലങ്കര സുറിയാനി സഭാ ദേവാലയങ്ങളിൽ നോമ്പിന്റെ പ്രാരംഭമായി ഞായറാഴ്ച സന്ധ്യയ്ക്കും തിങ്കളാഴ്ചയുമായി സമാധാനത്തിന്റെയും നിരപ്പിന്റെയും പ്രത്യേക ശുബ്കോനോ ശുശ്രൂഷ നടത്തും.
വലിയ നോമ്പിനു മുന്നോടിയായി ക്രൈസ്തവ ഭവനങ്ങളിൽ പ്രേത്രത്തെയും ആചരിച്ചു. 50 നോമ്പാചരണത്തിനു മുന്നോടിയായാണ് തിരിഞ്ഞുനോട്ടം എന്നർഥമുള്ള പേത്രത്ത ആഘോഷം. പാപപങ്കിലമായ ജീവിതത്തോടു വിടപറഞ്ഞു നോമ്പുകാലത്തിന്റെ വിശുദ്ധിയിലേക്കു വഴിമാറുന്നു എന്ന അർഥത്തിലാണു പേത്രത്ത ആഘോഷിച്ചത്. നോമ്പുദിവസങ്ങളിൽ ഒഴിവാക്കേണ്ട ആഹാരപദാർഥങ്ങൾ മിച്ചം വരുത്താതെ ഭക്ഷിച്ചുതീർക്കുകയും അവ പാകം ചെയ്തിരുന്ന മൺപാത്രങ്ങൾ ഉടച്ചുകളഞ്ഞു വ്രതശുദ്ധിയോടെ നോമ്പിലേക്കു കടക്കുകയുമാണു പാരമ്പര്യം. വലിയ നോമ്പ് പെസഹ വ്യാഴം, ദുഖവെള്ളി എന്നിവയിലൂടെ കടന്ന് ഈസ്റ്റർ ആചരണത്തോടെ സമാപിക്കും.
Keywords: Kerala, Idukki, Christians, Fasting, Religion, Easter, Christians 50 Days Fasting begins.
< !- START disable copy paste -->