.webp "Awareness Programme and Exhibition of Central Bureau of Communication from February 26 at Kasaragod Cherkala.")
സർകാർ പദ്ധതികൾ, സ്വയംതൊഴിൽ സംരംഭങ്ങൾ, ആരോഗ്യം, ശുചിത്വം, സൈബർ സുരക്ഷ തുടങ്ങിയവയെക്കുറിച്ച് പൊതുജനങ്ങൾക്ക് ബോധവത്കരണം നൽകുമെന്ന് അഡീഷണൽ ഡയറക്ടർ ജനറൽ വിപളനിചാമി പറഞ്ഞു. സമ്മതിദായകർക്ക് ഇലക്‌ട്രോണിക്സ് വോടിങ് യന്ത്രം പരിചയപ്പെടുത്തും. സംരംഭങ്ങൾ തുടങ്ങാൻ ആഗ്രഹിക്കുന്നവർക്ക് അതുമായി ബന്ധപ്പെട്ട ക്ലാസ് നൽകും.
സ്വാതന്ത്ര്യ സമരവുമായി ബന്ധപ്പെട്ട വ്യക്തികളെയും സംഭവങ്ങളും ചിത്രീകരിക്കുന്ന ചിത്ര പ്രദർശനം, ആയുർവേദം,ഹോമിയോ, അലോപതി വിഭാഗങ്ങളുടെ നേതൃത്വത്തിൽ സൗജന്യ മെഡികൽ കാംപ്, തപാൽ വകുപ്പിന്റെ നേതൃത്വത്തിൽ ആധാർ വിവരങ്ങൾ പുതുക്കുന്നതിനുള്ള സൗകര്യം, ജനകീയ പദ്ധതികളെക്കുറിച്ച് വിദഗ്ധർ നയിക്കുന്ന ക്ലാസുകൾ, വിവിധ വകുപ്പുകളുടെ പ്രദർശന സ്റ്റോളുകൾ, കലാപരിപാടികൾ തുടങ്ങിയവയും പരിപാടിയുടെ ഭാഗമായുണ്ടാവും.
കാർഷിക കോളജ്, സിപിസിആർഐ., ബിഎസ്എൻഎൽ, ഐഒസി, ശുചിത്വമിഷൻ, വനിത-ശിശു വികസന വകുപ്പ്, കുടുംബശ്രീ തുടങ്ങിയവരുടെ 15 ഓളം സ്റ്റോളുകളായിരിക്കും ഉണ്ടാവുക. തിങ്കളാഴ്ച രാവിലെ 10ന് രാജ്മോഹൻ ഉണ്ണിത്താൻ എം പി ഉദ്ഘാടനം ചെയ്യും. ജില്ലാ പഞ്ചായത് പ്രസിഡൻ്റ് ബേബി ബാലകൃഷ് ണൻ, ചെങ്കള പഞ്ചായത് പ്രസിഡൻ്റ് ഖാദർ ബദ് രിയ തുടങ്ങിയവർ പങ്കെടുക്കും. വാർത്താസമ്മേളനത്തിൽ കണ്ണൂർ ഫീൽഡ് പബ്ലിസിറ്റി ഓഫീസർ ബിജു കെ മാത്യു, പാലക്കാട് ഫീൽഡ് പബ്ലിസിറ്റി ഓഫീസർ എം സ്മിതി എന്നിവരും പങ്കെടുത്തു.
Keywords: Awareness, Malayalam News, Kasaragod, PIB, Central, Programme, Exhibition, Communication, Bureau, Kannur Unit, Women and Child Development, Cherkala, I MAX, Govt Schemes, Self Employment, Rajmohan Unnithan, Rajmohan Unnithan, Awareness Programme and Exhibition of Central Bureau of Communication from February 26 at Kasaragod Cherkala.