Follow KVARTHA on Google news Follow Us!
ad

DXB Bus Rental | യാത്ര പോകാന്‍ ഇനി നിങ്ങള്‍ക്ക് ദുബൈ ആർ ടി എയുടെ ബസ് വാടകയ്ക്ക് എടുക്കാം! ചെയ്യേണ്ടത് ഇങ്ങനെ

10ല്‍ കുറവ് മതിയെങ്കില്‍ അഞ്ച് ദിവസം മുമ്പെങ്കിലും അപേക്ഷിക്കണം Bus Rental, Dubai, RTA, ഗൾഫ് വാർത്തകൾ, UAE News
/ ഖാസിം ഉടുമ്പുന്തല

ദുബൈ: (KVARTHA)
ദുബൈ റോഡ്സ് ആൻഡ് ട്രാന്‍സ്പോര്‍ട്ട് അതോറിറ്റി (RTA) കുറഞ്ഞ കാലയളവിലേക്ക് ബസ് വാടകയ്ക്കെടുക്കാന്‍ ഇപ്പോൾ അനുവദിക്കുന്നു. ചെറിയകാല വാടക പരിപാടിയെക്കുറിച്ച് ആര്‍ടിഎ ട്വിറ്ററില്‍ രേഖപ്പെടുത്തിയത് ഇങ്ങനെ: ‘ആര്‍ടിഎയില്‍ നിന്ന് ഒരു ഹ്രസ്വകാല ബസ് വാടകയ്ക്ക് അപേക്ഷിക്കണോ? ആർടിഎ-യുടെ വെബ്സൈറ്റില്‍ നിങ്ങളുടെ വാടക അഭ്യര്‍ത്ഥന സമര്‍പ്പിക്കുക, ഉപയോക്തൃ സംതൃപ്തി വര്‍ദ്ധിപ്പിക്കുന്നതിന് രൂപകല്‍പ്പന ചെയ്തിരിക്കുന്ന നൂതന ഡിജിറ്റല്‍ സേവനങ്ങള്‍ ഉപയോഗപ്പെടുത്തുക'.

You can now rent a bus in Dubai

സേവനത്തിനു അപേക്ഷിക്കുന്നതിനുള്ള രൂപം ഇങ്ങനെ:

* ആര്‍ടിഎ വെബ്‌സൈറ്റില്‍ പോയി ലോഗിന്‍ ചെയ്യുക.
* പൊതു ഗതാഗത ടാബില്‍ ക്ലിക്ക് ചെയ്യുക.
* തഅ്ജീര്‍ (تأجير) എന്ന് പറയുന്ന ടാബിലേക്ക് പോകുക. ‘തഅജീര്‍ ബസിന് അപേക്ഷിക്കുക’ എന്ന സബ് ടാബില്‍ ക്ലിക്ക് ചെയ്യുക.
* പേരും ഫോണ്‍ നമ്പറും ഉള്‍പ്പെടെ വിശദാംശങ്ങള്‍ നല്‍കുക.
* അടുത്തതായി, നിങ്ങള്‍ക്ക് ഒറ്റ അല്ലെങ്കില്‍ ഒന്നിലധികം യാത്രകള്‍ വേണോ, വാടകയ്ക്ക് എടുക്കുന്നതിന്റെ ഉദ്ദേശ്യം, തീയതി എന്നിവ ഉള്‍പ്പെടെയുള്ള യാത്രാ വിശദാംശങ്ങള്‍ പൂരിപ്പിക്കേണ്ടതുണ്ട്. ഇത് നിങ്ങളോട് സമയം, പിക്ക്-അപ്പ്, ഡ്രോപ്പ് പോയിന്റ്, ബസ് തരം, ബസുകളുടെ എണ്ണം എന്നിവ ചോദിക്കും.
* രേഖ അവലോകനം ചെയ്ത് സമര്‍പ്പിക്കുക.
* ഇത് ചെയ്തുകഴിഞ്ഞാല്‍, എല്ലാ വിശദാംശങ്ങളും സ്ഥിരീകരിക്കുന്നതിന് ഒരു ആർടിഎ ടീം അംഗം 48 മണിക്കൂറിനുള്ളില്‍ നിങ്ങളെ ബന്ധപ്പെടും.

അംഗീകാരം ലഭിച്ചു കിഞ്ഞാല്‍, അപേക്ഷ പ്രവര്‍ത്തനങ്ങളിലേക്ക് അയയ്ക്കും. ധനകാര്യ വകുപ്പ് ഒരു ഇന്‍വോയ്‌സ് നല്‍കും, നിങ്ങള്‍ക്ക് പണമായോ ചെക്കായായോ നല്‍കാം. നിങ്ങള്‍ക്ക് 10 ബസുകളില്‍ കുറവ് മതിയെങ്കില്‍ റിസര്‍വേഷന്‍ തീയതിക്ക് കുറഞ്ഞത് അഞ്ച് ദിവസം മുമ്പെങ്കിലും അപേക്ഷിക്കണം. 10 ല്‍ കൂടുതല്‍ ബസുകള്‍ ആവശ്യമുണ്ടെങ്കില്‍ 15 ദിവസം മുമ്പെങ്കിലും അപേക്ഷിക്കേണ്ടതാണ്.

Keywords: News, World, Bus Rental, Dubai, RTA, UAE News, Roads and Transport Authority, Reservation, You can now rent a bus in Dubai.
< !- START disable copy paste -->

Post a Comment