Follow KVARTHA on Google news Follow Us!
ad

Explanation | എംഎല്‍എ ആണെന്ന് മനസ്സിലായില്ല, പ്രതികരിച്ചത് നഴ്‌സിങ് അസോസിയേഷന്‍ ഭാരവാഹിയാണെന്ന് കരുതി; മൈക് പിടിച്ചുവാങ്ങിയത് കലക്ടറേറ്റ് വളപ്പില്‍ വിലക്കുള്ളതിനാല്‍; വാക് പോരില്‍ വിശദീകരണവുമായി എസ് ഐ

എ സി പി ടി കെ രത്‌നകുമാറിന്റെ മുമ്പിലാണു മൊഴി നല്‍കിയത് Explanation, Vijin MLA, Controversy, Police, Politics, Kerala News
കണ്ണൂര്‍: (KVARTHA) കേരള ഗവ. നഴ്‌സസ് അസോസിയേഷന്‍ (KGNA) വ്യാഴാഴ്ച നടത്തിയ കലക്ടറേറ്റ് ധര്‍ണയ്ക്കിടെ ടൗണ്‍ എസ് ഐ പി പി ശമീല്‍ തന്നെ അപമാനിച്ചെന്ന കല്യാശേരി എംഎല്‍എ എം വിജിന്റെ പരാതിക്കു പിന്നാലെ വിശദീകരണവുമായി എസ് ഐ രംഗത്ത്. എം വിജിന്റെ പരാതി അന്വേഷിക്കുന്ന എ സി പി ടി കെ രത്‌നകുമാറിന്റെ മുമ്പിലാണു എസ് ഐ മൊഴി നല്‍കിയത്.
SI With an Explanation in Vijin MLA's Controversy, Kannur, News, Explanation, Vijin MLA, Controversy, Police, Politics, Criticism, Inauguration, Kerala New
എസ് ഐ സുരക്ഷാവീഴ്ച മറച്ചുവയ്ക്കാന്‍ ശ്രമിച്ചെന്നും നടപടി വേണമെന്നുമാണ് എം എല്‍ എയുടെ പരാതിയില്‍ പറഞ്ഞിരുന്നത്. എംഎല്‍എ ആണെന്നു മനസ്സിലായില്ലെന്നും നഴ്‌സിങ് അസോസിയേഷന്‍ ഭാരവാഹിയാണെന്നു കരുതിയാണു പ്രതികരിച്ചതെന്നും എസ് ഐ ശമീല്‍ പറഞ്ഞു. മൈക് പിടിച്ചുവാങ്ങിയതു കലക്ടറേറ്റ് വളപ്പില്‍ വിലക്കുള്ളതിനാലാണെന്നും എസ് ഐ വിശദീകരിച്ചു.

ധര്‍ണ ഉദ്ഘാടനം ചെയ്യാനെത്തിയ എം വിജിന്‍ എംഎല്‍എയും ടൗണ്‍ എസ് ഐ പി പി ശമീലും തമ്മില്‍ വാക്കേറ്റമുണ്ടായതു വിവാദമായിരുന്നു. ഇ പി ജയരാജന്‍ അടക്കമുള്ള രാഷ്ട്രീയ നേതാക്കള്‍ ഇതിനെതിരെ രംഗത്തുവരികയും ചെയ്തിരുന്നു.

എംഎല്‍എയുടെ പരാതിയില്‍ സിറ്റി പൊലീസ് കമിഷണര്‍ അജിത് കുമാറാണ് എസിപിയെ അന്വേഷണത്തിനു നിയോഗിച്ചത്. സംഭവത്തില്‍ ഡിജിപി കമിഷണറോടു റിപോര്‍ട് തേടിയിട്ടുണ്ട്.

Keywords: SI With an Explanation in Vijin MLA's Controversy, Kannur, News, Explanation, Vijin MLA, Controversy, Police, Politics, Criticism, Inauguration, Kerala News.

Post a Comment