അതുകൊണ്ടു തന്നെ ബംഗ്ലൂരുവില്‍ ലാന്‍ഡ് ചെയ്യുന്ന സമയം വരെ ഇയാള്‍ക്ക് ശുചിമുറിയില്‍ തന്നെ ഇരിക്കേണ്ട അവസ്ഥയായിരുന്നു. യാത്ര ആസ്വദിക്കുന്നത് പോയിട്ട് ഒരു ഗ്ലാസ് വെള്ളം വരെ ഇയാള്‍ക്ക് കുടിക്കാന്‍ കഴിഞ്ഞില്ല. യാത്രയിലുടനീളം വിമാനത്തിലെ ജീവനക്കാര്‍ പേപറില്‍ വിവരങ്ങളെഴുതി നല്‍കി യുവാവിനെ സമാധാനിപ്പിക്കാന്‍ ശ്രമിച്ചു. ഒടുവില്‍ പുലര്‍ചെ 3.45ഓടെ ബംഗ്ലൂരു വിമാനത്താവളത്തിലെത്തിയതിന് പിന്നാലെ എന്‍ജിനീയര്‍മാരെത്തിയാണ് ശുചിമുറിയുടെ വാതില്‍ തുറന്നത്.
എന്നാല്‍ സംഭവത്തില്‍ സ്പൈസ് ജെറ്റ് ഇതുവരെ പ്രതികരിച്ചിട്ടില്ല. യാത്രക്കാരന്‍ ശുചിമുറിയില്‍ കുടുങ്ങിയത് അറിഞ്ഞതോടെ വാതില്‍ പുറത്ത് നിന്നും തുറക്കാന്‍ ജീവനക്കാര്‍ ശ്രമിച്ചെങ്കിലും കഴിഞ്ഞില്ല. ഇടുങ്ങിയ സ്ഥലത്ത് മണിക്കൂറോളം കുടുങ്ങിപ്പോയതോടെ യുവാവ് ആകെ ഭയപ്പെട്ടിരുന്നു. വാതില്‍ പൊളിച്ച് പുറത്തെത്തിച്ച ഇയാള്‍ക്ക് പ്രാഥമിക ചികിത്സ ലഭ്യമാക്കിയെന്നുള്ള റിപോര്‍ട് പുറത്തുവന്നിട്ടുണ്ട്.
Keywords: 'Please close the lid and sit on it': What SpiceJet crew told passenger locked inside toilet for entire flight, Bengaluru, News, Toilet, Locked, Spice Jet, Report, Treatment, Airport, National News.