സംഭവത്തെ കുറിച്ച് പൊലീസ് പറയുന്നത്: ഞായറാഴ്ച (07.01.2024) രാത്രിയാണ് യുവതിയെ മര്ദിച്ചത്. യുവതിയും സുഹൃത്തുക്കളുമടങ്ങുന്ന എട്ടംഗ സംഘമാണ് കഴിഞ്ഞ ദിവസം ഹോടെലില് താമസിക്കാനെത്തിയത്. രണ്ട് മുറികളെടുത്തായിരുന്നു ഇവര് താമസിച്ചിരുന്നത്.
കഴിഞ്ഞ ദിവസം രാത്രി പുറത്ത് പോയി തിരിച്ച് വന്ന സമയത്ത് ഹോടെലിന്റെ ലോബിയില് വെച്ച് വാക് തര്ക്കമുണ്ടായി. ഉടമയുടെ ബന്ധുവായ ഷൈജുവുമായാണ് ആദ്യം തര്ക്കമുണ്ടായത്. പിന്നീട് ഹോടെലുടമ ബെന്ജോയ് കൂടി ഇടപെടുകയും യുവതിയുടെ മുഖത്ത് രണ്ട് തവണ അടിക്കുകയുമായിരുന്നു.
ഇതിന്റെ സി സി ടി വി ദൃശ്യങ്ങളടക്കം പുറത്ത് വന്നിട്ടുണ്ട്. പിന്നാലെ ഹോടെലുടമ മുറിയൊഴിയാന് യുവതിയോടും സംഘത്തോടും ആവശ്യപ്പെട്ടു. എന്നാല് പണം തിരികെ നല്കാതെ മുറി ഒഴിയില്ലെന്ന് സംഘം അറിയിച്ചു. ഇതോടെ പൊലീസിടപെടുകയായിരുന്നു. യുവതിയുടെ പരാതിയില് കേസെടുത്തിട്ടുണ്ട്.
Keywords: News, Kerala, Kerala-News, Regional-News, Police-News, Lodge, Kochi News, Lady, Attacked, Lodge Owner, Visuals, Police, Custody, Accused, Assaulted, Complaint, Hotel, Kochi: Lady attacked by lodge owner.