വ്യാഴാഴ്ച രാത്രിയാണ് സംഭവം. കൊല്കത സ്വദേശിനിയായ 19-കാരിയാണ് അക്രമത്തിനിരയായതെന്ന് പൊലീസ് പറഞ്ഞു. വെള്ളിയാഴ്ചയാണ് ഞാറയ്ക്കല് പൊലീസ് ഓടോറിക്ഷയേയും ഡ്രൈവറേയും കസ്റ്റഡിയിലെടുത്തത്.
എറണാകുളത്തു നിന്നുമാണ് പെണ്കുട്ടിയെ ബീചിലെത്തിച്ചത്. ഞാറയ്ക്കല് മജിസ്ട്രേറ്റ് പെണ്കുട്ടിയില്നിന്ന് രഹസ്യമൊഴി എടുത്തിട്ടുണ്ട്. പെണ്കുട്ടിയെ ഉപദ്രവിച്ചയാളെ കണ്ടെത്താന് പൊലീസ് അന്വേഷണം ഊര്ജിതമാക്കിയിട്ടുണ്ട്.
സംഭവമറിഞ്ഞയുടന് ആലുവ റൂറല് എസ് പി ഉള്പെടെയുള്ള ഉയര്ന്ന പൊലീസ് ഉദ്യോഗസ്ഥര് സ്ഥലത്തെത്തി. പെണ്കുട്ടിയെ എറണാകുളം ജില്ലാ ആശുപത്രിയില് വൈദ്യപരിശോധനയ്ക്ക് വിധേയമാക്കി. പൊലീസ് ബീചില് കണ്ടെത്തുമ്പോള് പെണ്കുട്ടിയുടെ വസ്ത്രങ്ങള് കീറിയ നിലയിലായിരുന്നു. പെണ്കുട്ടി പറഞ്ഞതനുസരിച്ച് ആണ്സുഹൃത്താണ് വിവരം പൊലീസിനെ അറിയിച്ചത്. സി സി ടി വി പരിശോധിച്ചാണ് ഓടോറിക്ഷക്കാരനെ കസ്റ്റഡിയിലെടുത്തത്.
പെണ്കുട്ടിയെ ബീചില് കൊണ്ടുപോയി വിട്ട് ഉടന് തിരിച്ചു വന്നുവെന്നാണ് ഓടോറിക്ഷ ഡ്രൈവറുടെ മൊഴി. ഇയാളെ വിശദമായി ചോദ്യം ചെയ്യും. ബീചില് ആണ്സുഹൃത്ത് വരുന്നതും കാത്തിരുന്നപ്പോഴാണ് പെണ്കുട്ടി അക്രമത്തിനിരയായതെന്നാണ് സൂചന.
Keywords: Molestation Attempt Against Kolkata Girl in Vypin, Ernakulam, News, Molestation Attempt, Girl, Complaint, Police, Custody, Auto Rickshaw, Kerala News.