Weight Loss | ഭക്ഷണം ഇങ്ങനെ കഴിക്കൂ, അമിതഭാരം കുറക്കാം; വിദഗ്ധരുടെ നുറുങ്ങുകൾ

ന്യൂഡെൽഹി: (www.kvartha.com) ശരീരഭാരം കുറക്കാൻ കഷ്ടപ്പെടുന്ന ഒരുപാട് ആളുകളുണ്ട്. പലർക്കും മെലിഞ്ഞിരിക്കാനാണ് ഇഷ്ടം. ശരീര ഭാരം കുറക്കാൻ ഒരുപാട് വഴികൾ നാം കേട്ടിട്ടുണ്ട്. അതിനു വേണ്ടി എന്തും ത്യജിക്കാനും തയാറാവുന്നവരാണ് മിക്കവരും. എന്നാൽ ഇഷ്ടം പോലെ ഭക്ഷണം കഴിച്ച് ഭാരം കുറച്ചാലോ? ഓരോ രണ്ട് മണിക്കൂറിലും ഭക്ഷണം കുറച്ച് കുറച്ച് കഴിച്ച് ഭാരം കുറക്കുന്നതാണ് ഒപ്റ്റിമൽ ഡയറ്റ്.

   

ഓരോ രണ്ട് മണിക്കൂറിലും ഭക്ഷണം കഴിക്കുന്നതിന് പിന്നിലെ ആശയം ശരീരത്തിലെ മെറ്റബോളിസം വർധിപ്പിക്കുക എന്നതാണ്. വിദഗ്ധർ പറയുന്നത്, ഇത് മെറ്റബോളിസം വർധിപ്പിക്കാനും കുറഞ്ഞ സമയത്തിനുള്ളിൽ ശരീരഭാരം കുറയ്ക്കാനും സഹായിക്കുമെന്നാണ്. അത് പോലെ ഇത്തരത്തിൽ ഭക്ഷണം കഴിക്കുന്നത് പ്രമേഹം കുറക്കാനും സഹായിക്കും. രണ്ട് മണിക്കൂർ കൂടുമ്പോൾ കുറച്ചു കുറച്ചു ഭക്ഷണം കഴിക്കുന്നതാണ് ഇതിന്റെ രീതി.

'ചെറിയ രീതിയിൽ ഇടയ്ക്കിടെയുള്ള ഭക്ഷണം കഴിക്കുന്നതിലൂടെ, നിങ്ങൾക്ക് ശരീരഭാരം കുറയ്ക്കാൻ കഴിയും. ഓരോ രണ്ട്‌ - മൂന്ന് മണിക്കൂറിലും ഭക്ഷണം കഴിക്കുന്നതിലൂടെ നിങ്ങളുടെ ആരോഗ്യം വർധിപ്പിക്കാം. ഭക്ഷണം ദഹിപ്പിക്കുന്നതിന് ഊർജം ആവശ്യമാണ്, ഇതിനെ ഭക്ഷണത്തിന്റെ തെർമിക് പ്രഭാവം (TEF) എന്ന് വിളിക്കുന്നു', സീതാറാം ഭാരതിയ ഇൻസ്റ്റിറ്റ്യൂട്ട് ഓഫ് സയൻസ് ആൻഡ് റിസർച്ച് സീനിയർ ഡയറ്റീഷ്യൻ ദീക്ഷ അഹ്ലാവതിനെ ഉദ്ധരിച്ച് ന്യൂസ് 9 റിപ്പോർട്ട് ചെയ്തു.

എന്താണ് തെർമിക് പ്രഭാവം?

നിങ്ങൾ കഴിക്കുന്ന ഭക്ഷണം ദഹിപ്പിക്കാനും ആഗിരണം ചെയ്യാനും ഉപാപചയം നടത്താനും ശരീരത്തിന് ആവശ്യമായ ഊർജത്തിന്റെ അളവ് ഭക്ഷണത്തിന്റെ തെർമിക് ഇഫക്റ്റ് (TEF) എന്നറിയപ്പെടുന്നു. ഇത് നിങ്ങളുടെ ദൈനംദിന കലോറിയിൽ നിന്നും എടുക്കുന്നു. ഇടയ്ക്കിടെയുള്ള ഭക്ഷണം ദിവസം മുഴുവൻ രക്തത്തിലെ പഞ്ചസാരയുടെ അളവ് സ്ഥിരപ്പെടുത്തും, ഭക്ഷണത്തിന്റെ ആവൃത്തി പോലും നിങ്ങൾക്ക് പൂർണതയും സംതൃപ്തിയും നൽകുന്നു.

ചെറിയ ഇടവേളകളിൽ ഭക്ഷണം തിരഞ്ഞെടുക്കുമ്പോൾ, നിങ്ങൾ ആഗ്രഹിക്കുന്നതെന്തും കഴിക്കാം എന്നല്ല ഇതിനർത്ഥം, നിങ്ങൾ പ്രതിദിനം 1200 കിലോ കലോറി കഴിക്കുകയാണെങ്കിൽ മെറ്റബോളിസം വർധിപ്പിക്കുകയും വേണം. എന്നും ഒരേ അളവിൽ തന്നെ ഭക്ഷണം കഴിക്കുക. ഒറ്റ തവണയായി കഴിക്കാതെ പല തവണയായി വിഭജിച്ച് കഴിക്കുക.

ഇരുന്നു കൊണ്ട് കഴിക്കുക, നന്നായി ചവച്ചരച്ച് കഴിക്കുക, സ്നാക്സ് കഴിക്കരുത്, മൂന്ന് നേരം മാത്രമേ കഴിക്കാവൂ എന്നിങ്ങനെയെല്ലാമാണ് ആയുർവേദത്തിൽ പറയുന്നത്. നാല് മുതൽ അഞ്ച് വരെ മണിക്കൂർ ഇടവേളയിൽ ഭക്ഷണം കഴിക്കുന്നത് ഗ്യാസ് പ്രശ്നങ്ങൾ കുറയ്ക്കും.


Keywords: Tips, Weight Loss, Food, Control, Doctor, Metabolism, Weight loss tips: Expert says eating every 2 to 3 hours can boost metabolism