Supreme Court | നടിയെ ആക്രമിച്ചെന്ന കേസില്‍ വിചാരണ കഴിവതും വേഗത്തില്‍ പൂര്‍ത്തിയാക്കാന്‍ നിര്‍ദേശിച്ച് സുപ്രീം കോടതി
Aug 4, 2023, 12:13 IST
ന്യൂഡെല്‍ഹി: (www.kvartha.com) നടിയെ ആക്രമിച്ചെന്ന കേസില്‍ വിചാരണ കഴിവതും വേഗത്തില്‍ പൂര്‍ത്തിയാക്കാന്‍ വിചാരണക്കോടതിയോട് നിര്‍ദേശിച്ച് സുപ്രീം കോടതി. എട്ടു മാസം കൂടി സമയം അനുവദിക്കണമെന്ന് ആവശ്യപ്പെട്ടുള്ള വിചാരണക്കോടതി ജഡ്ജിയുടെ റിപോര്‍ട് കോടതി അംഗീകരിക്കുകയും മാര്‍ച് 31 വരെ സമയം അനുവദിക്കുകയും ചെയ്തു.
ഇതിനിടെ, കേസ് വൈകിപ്പിക്കുന്നത് നടന്‍ ദിലീപിനു വേണ്ടി ഹാജരായ മുകുള്‍ റോഹ്തഗി കോടതിയില്‍ ചൂണ്ടിക്കാട്ടി. സമയം നീട്ടി ചോദിച്ച വിചാരണക്കോടതി ജഡ്ജിക്കെതിരെയും ദിലീപിന്റെ അഭിഭാഷകന്‍ രൂക്ഷ വിമര്‍ശനം ഉന്നയിച്ചു. വിചാരണയ്ക്കു സമയപരിധി നിശ്ചയിച്ച് വിചാരണ പൂര്‍ത്തിയാക്കാന്‍ നിര്‍ദേശിക്കണമെന്ന കേസിലെ പ്രതി നടന്‍ ദിലീപിന്റെ ആവശ്യം പരിഗണിക്കുകയായിരുന്നു കോടതി. വിചാരണ പൂര്‍ത്തിയാക്കാന്‍ കൂടുതല്‍ സമയം അനുവദിക്കരുതെന്ന് ദിലീപ് ആവശ്യപ്പെട്ടെങ്കിലും ജഡ്ജിമാരായ അനിരുദ്ധ ബോസ്, ബേല എം ത്രിവേദി എന്നിവരുടെ ബെഞ്ച് ഇത് അംഗീകരിച്ചില്ല.
ആറു പേരുടെ വിചാരണ ഇനിയും പൂര്‍ത്തിയാവാനുണ്ടെന്നും അതിനു മാത്രം മൂന്ന് മാസത്തിലേറെയെടുക്കുമെന്നും ചൂണ്ടിക്കാട്ടിയാണ് വിചാരണക്കോടതി ജഡ്ജി ഹണി എം വര്‍ഗീസ് എട്ടു മാസം കൂടി സമയം തേടിയത്. അഞ്ചു സാക്ഷികളുടെ മൊഴിയെടുത്ത ഒരു മജിസ്‌ട്രേറ്റും രണ്ട് അന്വേഷണ ഉദ്യോഗസ്ഥരും ഉള്‍പെടെ ആറ് പേരുടെ സാക്ഷിവിസ്താരമാണ് പൂര്‍ത്തിയാവാനുള്ളത്. ജൂലൈ 31നകം വിചാരണ പൂര്‍ത്തിയാക്കാന്‍ ശ്രമിക്കാനായിരുന്നു കഴിഞ്ഞ മേയില്‍ സുപ്രീംകോടതി നിര്‍ദേശിച്ചിരുന്നത്. എന്നാല്‍ നീണ്ടുപോവുകയായിരുന്നു.
ഇതിനിടെ, കേസ് വൈകിപ്പിക്കുന്നത് നടന്‍ ദിലീപിനു വേണ്ടി ഹാജരായ മുകുള്‍ റോഹ്തഗി കോടതിയില്‍ ചൂണ്ടിക്കാട്ടി. സമയം നീട്ടി ചോദിച്ച വിചാരണക്കോടതി ജഡ്ജിക്കെതിരെയും ദിലീപിന്റെ അഭിഭാഷകന്‍ രൂക്ഷ വിമര്‍ശനം ഉന്നയിച്ചു. വിചാരണയ്ക്കു സമയപരിധി നിശ്ചയിച്ച് വിചാരണ പൂര്‍ത്തിയാക്കാന്‍ നിര്‍ദേശിക്കണമെന്ന കേസിലെ പ്രതി നടന്‍ ദിലീപിന്റെ ആവശ്യം പരിഗണിക്കുകയായിരുന്നു കോടതി. വിചാരണ പൂര്‍ത്തിയാക്കാന്‍ കൂടുതല്‍ സമയം അനുവദിക്കരുതെന്ന് ദിലീപ് ആവശ്യപ്പെട്ടെങ്കിലും ജഡ്ജിമാരായ അനിരുദ്ധ ബോസ്, ബേല എം ത്രിവേദി എന്നിവരുടെ ബെഞ്ച് ഇത് അംഗീകരിച്ചില്ല.
Keywords: Actress Attack Case : Supreme Court instructed Trial Court to complete trial as soon as possible, New Delhi, News, Supreme Court, Actress Attack Case, Actor Dileep, Petition, Criticism, Trial Court, National News.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
