Follow KVARTHA on Google news Follow Us!
ad

Dogs Attack | തളിപ്പറമ്പില്‍ തെരുവുനായ്ക്കളുടെ വിളയാട്ടം; നിരവധി പേര്‍ക്ക് കടിയേറ്റു

പരുക്കേറ്റവരെ പരിയാരത്തെ കണ്ണൂര്‍ ഗവ. മെഡികല്‍ കോളജിലേക്ക് മാറ്റി Stray Dogs Attack, Many Injured, Taliparamba, Kerala News
കണ്ണൂര്‍: (www.kvartha.com) തളിപ്പറമ്പില്‍ തെരുവുനായ്ക്കള്‍ വഴിയാത്രക്കാരെ കടിച്ചുപരുക്കേല്‍പ്പിച്ചു. തളിപ്പറമ്പ് കപ്പാലത്തെ സി ജാഫര്‍, തൃച്ചംബരത്തെ എസ് മുനീര്‍, പട്ടുവത്തെ പിവി വിനോദ്, വരഡൂലിലെ പി ജബ്ബാര്‍, പുളിമ്പറമ്പ് താമസിക്കുന്ന അതിഥി തൊഴിലാളി വിമല്‍ മുര്‍മു എന്നിവരെയാണ് വ്യാഴാഴ്ച രാവിലെ എട്ടുമണിയോടെ തെരുവുനായ്ക്കള്‍ കടിച്ചു പരുക്കേല്‍പ്പിച്ചത്.

ജബ്ബാര്‍, മുനീര്‍, വിനോദ് എന്നിവര്‍ക്ക് തളിപ്പറമ്പ് താലൂക് ആശുപത്രിയില്‍ പ്രാഥമിക ചികിത്സ നല്‍കിയ ശേഷം പരിയാരത്തെ കണ്ണൂര്‍ ഗവ. മെഡികല്‍ കോളജിലേക്ക് മാറ്റി. ബുധനാഴ്ച വൈകുന്നേരം ദേശീയ പാതയില്‍ ഷോപ്റിക്സിന് സമീപത്ത് വച്ച് തൃച്ചംബരം സ്വദേശിനി സിവി വിലാസിനിക്ക് തെരുവുനായയുടെ കടിയേറ്റിരുന്നു.

Stray dogs attack; Many injured in Taliparamba, Kannur, News, Stray Dogs Attack, Many Injured, Taliparamba, Hospital, Treatment, Municipal Chair Person, Visit, Kerala

വിവരമറിഞ്ഞ് നഗരസഭാ ചെയര്‍പേഴ് സന്‍ മുര്‍ഷശിദ കൊങ്ങായി, പൊതുമരാമത്ത് സ്ഥിരം സമിതി അധ്യക്ഷന്‍ പിപി മുഹമ്മദ് നിസാര്‍ എന്നിവര്‍ തളിപ്പറമ്പ് താലൂക് ആശുപത്രിയിലെത്തി പരുക്കേറ്റവരെ സന്ദര്‍ശിച്ചു. കഴിഞ്ഞ ദിവസം തലശ്ശേരി നഗരത്തില്‍ അഞ്ചുപേര്‍ക്ക് തെരുവുനായ്ക്കളുടെ കടിയേറ്റിരുന്നു. ഇതില്‍ രണ്ടാംഗേറ്റില്‍ നിന്നും കടിയേറ്റ ഗോവിന്ദനെന്ന വയോധികന്‍ പരിയാരത്തെ കണ്ണൂര്‍ ഗവ. മെഡികല്‍ കോളജ് ആശുപത്രിയില്‍ ചികിത്സയിലാണ്.

Keywords: Stray dogs attack; Many injured in Taliparamba, Kannur, News, Stray Dogs Attack, Many Injured, Taliparamba, Hospital, Treatment, Municipal Chair Person, Visit, Kerala.

Post a Comment