Follow KVARTHA on Google news Follow Us!
ad

Chandy Oomman | 'പിതാവ് ഉണ്ടായിരുന്നെങ്കിലും ഇതുതന്നെ പറയുമായിരുന്നു'; ഉമ്മന്‍ ചാണ്ടിയെ സമൂഹമാധ്യമത്തില്‍ അധിക്ഷേപിച്ച സംഭവത്തില്‍ വിനായകനെതിരെ കേസ് വേണ്ടെന്ന് ചാണ്ടി ഉമ്മന്‍

'ആരും താരത്തിനോട് മോശമായി ഇടപെടരുത്' Chandy Oomman, Actor, Vinayakan, Statement, Oommen Chandy
കോട്ടയം: (www.kvartha.com) കേരളത്തിന്റെ അന്തരിച്ച മുന്‍ മുഖ്യമന്ത്രി ഉമ്മന്‍ ചാണ്ടിയെ സമൂഹമാധ്യമത്തിലൂടെ അധിക്ഷേപിച്ച സംഭവത്തില്‍ കേസെടുക്കേണ്ടെന്ന് ഉമ്മന്‍ ചാണ്ടിയുടെ മകന്‍ ചാണ്ടി ഉമ്മന്‍. പിതാവ് ഉണ്ടായിരുന്നെങ്കില്‍ അദ്ദേഹവും ഇതുതന്നെയാകും പറയുമായിരുന്നതെന്നും ചാണ്ടി ഉമ്മന്‍ പ്രതികരിച്ചു. വിനായകന്‍ പറഞ്ഞത് എന്തെന്ന് കേട്ടില്ല. അത് വിനായകന്റെ വ്യക്തിപരമായ അഭിപ്രായമായാണ് ഉമ്മന്‍ ചാണ്ടിയും കാണുകയെന്നും അദ്ദേഹം പ്രതികരിച്ചു. 

'ഒന്നും ചെയ്യരുത്. വിനായകനെതിരെ കേസെടുക്കരുത്. എന്റെ പിതാവ് എന്താണ് ചെയ്തിട്ടുള്ളതെന്ന് എല്ലാവര്‍ക്കുമറിയാം. ഏതെങ്കിലും ഒരു നിമിഷത്തില്‍ എന്തെങ്കിലും പറഞ്ഞെന്ന് വെച്ച് കാര്യമാക്കേണ്ട ആവശ്യമില്ല. ആരും വിനായകനോട് മോശമായി ഇടപെടരുത്. കേസെടുത്ത് എന്ന് പറയുമ്പോള്‍ അങ്ങനെ ഉണ്ടെങ്കില്‍ അതും ശരിയല്ല. പിതാവ് ഉണ്ടെങ്കിലും ഇതേ പറയൂ.എന്തു തന്നെ പറഞ്ഞാലും ജനങ്ങള്‍ക്ക് ഉമ്മന്‍ചാണ്ടിയെ അറിയാം.'- ചാണ്ടി ഉമ്മന്‍ പറഞ്ഞു. ആര്‍ക്കെങ്കിലും കാണാന്‍ പറ്റിയില്ലെങ്കില്‍ അതിന് ക്ഷമ ചോദിക്കുന്നുവെന്നും ചാണ്ടി ഉമ്മന്‍ കൂട്ടിച്ചേര്‍ത്തു. അതേസമയം, വിഷയത്തില്‍ വിനായകനെ വെള്ളിയാഴ്ച പൊലീസ് ചോദ്യം ചെയ്‌തേക്കും.

ഉമ്മന്‍ ചാണ്ടിയുടെ വിലാപയാത്രയ്ക്കിടെ ആയിരുന്നു ഫേസ്ബുക് ലൈവിലൂടെ വിനായകന്റെ പരാമര്‍ശം. ആരാണ് ഈ ഉമ്മന്‍ ചാണ്ടി, എന്തിനാണ് മൂന്നു ദിവസം അവധി തുടങ്ങിയ ആരോപണങ്ങളാണ് ഫേസ്ബുക് ലൈവിലെത്തി വിനായകന്‍ പറഞ്ഞത്. വിനായകന്റെ ലൈവിന് പിന്നാലെ വ്യാപക പ്രതിഷേധം ഉയര്‍ന്നിരുന്നു. വ്യാപക പ്രതിഷേധം ഉയര്‍ന്നതോടെ നടന്‍ പോസ്റ്റ് പിന്‍വലിക്കുകയും ചെയ്തു. സംഭവത്തില്‍ കോണ്‍ഗ്രസ് പ്രവര്‍ത്തകരുടെ പരാതിയിലാണ് പൊലീസ് കേസെടുത്തിട്ടുള്ളത്. 

News, Kerala, Kerala-News, News-Malayalam, Chandy Oomman, Actor, Vinayakan, Statement, Oommen Chandy, Chandy Oomman on actor Vinayakan's statement against Oommen Chandy.


Keywords: News, Kerala, Kerala-News, News-Malayalam, Chandy Oomman, Actor, Vinayakan, Statement, Oommen Chandy, Chandy Oomman on actor Vinayakan's statement against Oommen Chandy.


 

Post a Comment