തൊടുപുഴ: (www.kvartha.com) വാഹനാപകടത്തില്‍ വിദ്യാര്‍ഥിക്ക് ദാരുണാന്ത്യം. കെഎസ്ഇബി മഞ്ഞള്ളൂര്‍ സെക്ഷനിലെ ജീവനക്കാരന്‍ കദളിക്കാട് നടുവിലേടത്ത് സുനില്‍ കുമാറിന്റെ മകന്‍ അര്‍ജുന്‍ സുനിലാണ് (18) മരിച്ചത്. കൂടെയുണ്ടായിരുന്ന സുഹൃത്തിന് പരിക്ക്.
തൊടുപുഴ എപിജെ അബ്ദുള്‍ കലാം ഹയര്‍സെകന്‍ഡറി സ്‌കൂളിലെ പ്ലസ് വണ്‍ വിദ്യാര്‍ഥിയാണ്. നിയന്ത്രണം വിട്ട സ്‌കൂടര്‍ മതിലില്‍ ഇടിച്ചാണ് അപകടം സംഭവിച്ചത്. സ്‌കൂടറിന് പിന്നിലിരുന്നു യാത്ര ചെയ്ത് സഹപാഠി അര്‍ജുന്‍ ലാലിന് പരിക്കേറ്റു. ഇയാളെ ആശുപത്രിയില്‍ പ്രവേശിപ്പിച്ചു.