ഫസ്റ്റ്ബെല്‍ ഡിജിറ്റല്‍ ക്ലാസുകള്‍ക്ക് ആവശ്യമായ സംവിധാനങ്ങള്‍ ഒരുക്കി; 7-ാമത് സോഷ്യല്‍ മീഡിയ ഫോര്‍ എംപവര്‍മെന്റ് സൗത് ഏഷ്യന്‍ പുരസ്‌കാരം കൈറ്റിന്
May 26, 2021, 16:37 IST
തിരുവനന്തപുരം: (www.kvartha.com 26.05.2021) 7-ാമത് സോഷ്യല്‍ മീഡിയ ഫോര്‍ എംപവര്‍മെന്റ് സൗത് ഏഷ്യന്‍ പുരസ്‌കാരം (എസ് എം 4 ഇ) പൊതുവിദ്യാഭ്യാസ വകുപ്പിലെ കൈറ്റിന് (കേരള ഇന്‍ഫ്രാസ്ട്രക്ചര്‍ ആന്‍ഡ് ടെക്നോളജി ഫോര്‍ എഡ്യൂകേഷന്‍). ഫസ്റ്റ്ബെല്‍ ഡിജിറ്റല്‍ ക്ലാസുകള്‍ക്ക് ആവശ്യമായ സോഷ്യല്‍ മീഡിയാ സംവിധാനങ്ങള്‍ ഒരുക്കിയതിനാണ് പുരസ്‌കാരം കൈറ്റിന് ലഭിച്ചത്.
7 വിഭാഗങ്ങളിലായി ലഭിച്ച 145 നോമിനേഷനുകളില്‍നിന്നും 'ഇന്നൊവേഷന്‍സ്@കോവിഡ് 19' വിഭാഗത്തിലാണ് കൈറ്റിന് അവാര്‍ഡ്. കൈറ്റ് സി ഇ ഒ കെ അന്‍വര്‍ സാദത്ത് അവാര്‍ഡ് സാക്ഷ്യപത്രം സ്വീകരിച്ചു.
പൊതുവിദ്യാഭ്യാസ രംഗത്തെ കേരളത്തിന്റെ മികവ് ആഗോള ശ്രദ്ധയിലേക്കുയര്‍ത്തിയതിന്റെ പിന്നില്‍ പ്രവര്‍ത്തിച്ച എല്ലാവരെയും പൊതുവിദ്യാഭ്യാസവകുപ്പു മന്ത്രി വി ശിവന്‍കുട്ടി അഭിനന്ദിച്ചു. ഡിജിറ്റല്‍ ടെക്നോളജി സഭ 2021 അവാര്‍ഡ്, എംബില്ല്യന്‍ത് അവാര്‍ഡ് എന്നിവ ഉള്‍പെടെ കൈറ്റിന് ഈ വര്‍ഷം മാത്രം ലഭിക്കുന്ന മൂന്നാമത്തെ ബഹുമതിയാണ് എസ്എം4ഇ പുരസ്‌കാരം. ഈ പുരസ്‌കാരത്തോടെ അടുത്തവര്‍ഷത്തെ യുഎന്‍ വേള്‍ഡ് സമിറ്റ് അവാര്‍ഡിന് കൈറ്റിന് നേരിട്ടപേക്ഷിക്കാന്‍ അവസരമൊരുങ്ങി.
സോഷ്യല്‍ മീഡിയ സാമൂഹിക ശാക്തീകരണത്തിനുപയോഗിക്കുന്നതിന്റെ മികച്ച മാതൃകകള്‍ക്ക് നല്‍കുന്ന അവാര്‍ഡാണ് എസ് എം 4 ഇ (SM4E സോഷ്യല്‍ മീഡിയ ഫോര്‍ എംപവര്‍മെന്റ് അവാര്‍ഡ് സൗത്ത് ഏഷ്യ) അവാര്‍ഡ്.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
