Follow KVARTHA on Google news Follow Us!
ad

മോഷ്ടിച്ച ബൈകിലെത്തി സ്വർണ കൈ ചെയിൻ പൊട്ടിച്ചെടുത്തു: മണിക്കൂറുകൾക്കകം പ്രതിയെ പിടികൂടി പൊലീസ്

Chain-snatcher arrested in Palakkad, #കേരളവാർത്തകൾ #ന്യൂസ്റൂം #ഇന്നത്തെവാർത്തകൾ
പാലക്കാട്: (www.kvartha.com 26.05.2021) മോഷ്ടിച്ച ബൈകിലെത്തി വഴിയാത്രക്കാരന്‍റെ സ്വർണ കൈ ചെയിൻ പൊട്ടിച്ചെടുത്തു. എന്നാൽ കേസിലെ പ്രതിയെ മണിക്കൂറുകൾക്കകം മതിലകം പൊലീസ് പിടികൂടി. വടക്കേക്കര പട്ടണം കവല സ്വദേശി സന്ദീപിനെയാണ് പിടികൂടിയത്. ചൊവ്വാഴ്ച് ഉച്ചയ്ക്ക് 12 മണിയോടെ ശ്രീനാരായണപുരം വൃന്ദാവനിൽ വെച്ചായിരുന്നു മോഷണശ്രമം.

പടിഞ്ഞാറെ വെമ്പല്ലൂർ വൃന്ദാവൻ സ്വദേശി പ്രണവ് റോഡിലൂടെ നടന്ന് പോകുന്നതിനിടെ ബൈകിലെത്തിയ സന്ദീപ് വഴി ചോദിക്കാനെന്ന വ്യാജേന അടുത്തെത്തി കൈ ചെയിൻ പൊട്ടിച്ച് കടന്നു കളയുകയായിരുന്നു. ഉടൻ തന്നെ സ്റ്റേഷനിൽ വിവരമറിയിച്ചതിനെ തുടർന്ന് സിഐയുടെ നേതൃത്വത്തിൽ നടത്തിയ അന്വേഷണത്തിൽ ഇയാളെ ബൈക് സഹിതം പിടികൂടാൻ സാധിച്ചു.

News, Palakkad, Gold, Theft, Bike, Police, Case, Kerala, State, Chain-snatcher, Arrested,

ആല ഗോതുരുത്തിൽ നിന്നാണ് പ്രതിയെ പിടികൂടിയത്. പ്രതിയിൽ നിന്ന് മോഷ്ടിച്ച കൈ ചെയിൻ പൊലീസ് കണ്ടെടുത്തു. ഇയാൾ തൃശൂർ, എറണാകുളം ജില്ലയിലെ വിവിധ സ്റ്റേഷനുകളിൽ വധശ്രമം, മോഷണം, കഞ്ചാവ് എന്നീ കേസുകളിലും പ്രതിയാണ്. കഴിഞ്ഞ ദിവസം ഇരിങ്ങാലക്കുടയിൽ നിന്ന് യുവാവിന്റെ മൊബൈൽ ഫോൺ തട്ടിയെടുത്ത കേസിലും ഇയാൾ പ്രതിയാണെന്ന് പോലീസ് പറഞ്ഞു. പ്രതിയെ കോടതിയിൽ ഹാജരാക്കി.

Keywords: News, Palakkad, Gold, Theft, Bike, Police, Case, Kerala, State, Chain-snatcher, Arrested, Chain-snatcher arrested in Palakkad.
< !- START disable copy paste -->


Post a Comment