വാക്സിനെക്കുറിച്ച് തെറ്റായ വിവരം തടയുന്നതിന് പുതിയ സ്‌ട്രൈക് സിസ്റ്റം; തെറ്റിദ്ധരിപ്പിക്കുന്ന പോസ്റ്റുകള്‍ പങ്കുവെച്ചാല്‍ ട്വിറ്റര്‍ അകൗണ്ട് പൂട്ടിപ്പോകും
Mar 4, 2021, 12:37 IST
ന്യൂയോര്‍ക്: (www.kvartha.com 04.03.2021) കോവിഡ് വാക്സിനെക്കുറിച്ച് തെറ്റായ വിവരം തടയുന്നതിന് ട്വിറ്റര്‍ പുതിയ സ്‌ട്രൈക് സിസ്റ്റം ആവിഷ്‌കരിക്കുന്നു. ഉപയോക്താക്കള്‍ വാക്സിനെക്കുറിച്ച് തെറ്റിദ്ധരിപ്പിക്കുന്ന പോസ്റ്റുകള്‍ തുടര്‍ച്ചയായി പങ്കിടുകയാണെങ്കില്‍ അവരുടെ അകൗണ്ട് ബ്ലോക് ചെയ്യും.
തെറ്റിദ്ധരിപ്പിക്കുന്ന ട്വീറ്റില്‍ ലേബല്‍ ഒഴികെയുള്ള കൂടുതല്‍ എന്‍ഫോഴ്സ്മെന്റ് നടപടികള്‍ ആവശ്യമാണോ എന്ന് നിര്‍ണയിക്കാന്‍ സ്‌ട്രൈക് സിസ്റ്റം തയ്യാറാക്കുകയാണ് ഇപ്പോള്‍. ഇത് വിവിധ ലെവലുകളിലൂടെ മുന്നോട്ടു കൊണ്ടു പോകും. ഒരാള്‍ തുടര്‍ച്ചയായി ട്വിറ്ററിന്റെ വാക്സിനേഷന്‍ നയങ്ങള്‍ക്കെതിരേ പ്രവര്‍ത്തിച്ചാല്‍ അയാളുടെ ട്വീറ്റുകളെ ഇക്കാര്യം മറ്റുള്ളവര്‍ കാണത്തക്കവിധത്തില്‍ ലേബല്‍ ചെയ്യും. വീണ്ടും ഇത് തുടര്‍ന്നാല്‍ അകൗണ്ട് മരവിപ്പിക്കും. നയലംഘനങ്ങള്‍ സ്‌ട്രൈകുകളുടെ എണ്ണത്തെ അടിസ്ഥാനമാക്കിയാണ് നിശ്ചയിക്കുന്നതെന്ന് ട്വിറ്റര്‍ പറയുന്നു.
ഒരു സ്‌ട്രൈക് മാത്രമേ സംഭവിച്ചിട്ടുള്ളുവെങ്കില്‍ അതൊരു അകൗണ്ടിനെ കാര്യമായി ബാധിക്കില്ല. എന്നാല്‍, രണ്ട്, മൂന്ന് സ്‌ട്രൈകുകള്‍ 12 മണിക്കൂര്‍ അകൗണ്ട് ലോക്, നാല് സ്‌ട്രൈകുകള്‍ സംഭവിച്ചാല്‍ ട്വിറ്റര്‍ 7 ദിവസത്തേക്ക് ഒരു അകൗണ്ട് ലോക് ചെയ്യും, അഞ്ചോ അതിലധികമോ സ്‌ട്രൈകുകള്‍ ഒരു അകൗണ്ട് സ്ഥിരമായോ താല്‍ക്കാലികമായോ നിര്‍ത്തുന്നതിന് ഇടയാക്കും.
ഒരു ലേബലോ ആവശ്യമുള്ള ട്വീറ്റ് നീക്കംചെയ്യലോ ഉണ്ടായാലും അധിക അകൗണ്ട് ലെവല്‍ എന്‍ഫോഴ്സ്മെന്റിന് കാരണമായാലും ഇക്കാര്യം വ്യക്തികളെ നേരിട്ട് അറിയിക്കും. കഴിഞ്ഞ വര്‍ഷം കോവിഡിനെക്കുറിച്ചുള്ള തെറ്റായ വിവരങ്ങള്‍ അവതരിപ്പിച്ചതുമുതല്‍ ലോകമെമ്പാടുമുള്ള 8,400 ട്വീറ്റുകള്‍ നീക്കം ചെയ്യുകയും 11.5 ദശലക്ഷം അകൗണ്ടുകള്‍ താത്ക്കാലികമായി മരവിപ്പിക്കുകയും ചെയ്തതായി ട്വിറ്റര്‍ കുറിച്ചു. ട്വിറ്റര്‍ നയം ലംഘിക്കുകയാണെങ്കില്‍ തെറ്റായ വിവര പോസ്റ്റുകളിലേക്ക് ലേബലുകള്‍ പ്രയോഗിക്കാനാണ് തീരുമാനം.
സേവനത്തിലുടനീളം സമാന ഉള്ളടക്കം തിരിച്ചറിയാനും ലേബല്‍ ചെയ്യാനും ഓടോമേറ്റഡ് ടൂള്‍സ് ഉപയോഗിക്കും. വാക്സിനെക്കുറിച്ചുള്ള തെറ്റായ വിവരങ്ങള്‍ പരത്തുന്നവരെ തടയുകയാണ് ട്വിറ്റര്‍ ലക്ഷ്യം. അടിസ്ഥാനരഹിതമായ കിംവദന്തികള്‍, തര്‍കങ്ങള്‍, വാക്സിനുകളെക്കുറിച്ചുള്ള അപൂര്‍ണമായ അല്ലെങ്കില്‍ സന്ദര്‍ഭത്തിന് പുറത്തുള്ള വിവരങ്ങള്‍ എന്നിവ മുന്നോട്ടുവയ്ക്കുന്ന ട്വീറ്റുകളില്‍ ലേബല്‍ അല്ലെങ്കില്‍ മുന്നറിയിപ്പ് നല്‍കാനും ട്വിറ്റര്‍ തീരുമാനിച്ചിട്ടുണ്ട്. ഇത് ഉടന്‍ തന്നെ നടപ്പില്‍ വരും.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
