വടുതലയില്‍ ആക്രി സാധനങ്ങള്‍ സൂക്ഷിക്കുന്ന പറമ്പില്‍നിന്നു ചാക്കില്‍ കെട്ടിയ വാളുകള്‍ കണ്ടെടുത്തു
Mar 17, 2021, 09:45 IST
പൂച്ചാക്കല്‍: (www.kvartha.com 17.03.2021) ആക്രി സാധനങ്ങള്‍ സൂക്ഷിക്കുന്ന പറമ്പില്‍നിന്നു ചാക്കില്‍ കെട്ടിയ വാളുകള്‍ കണ്ടെടുത്തു. അരൂക്കുറ്റി വടുതലയില്‍ സ്വകാര്യ വ്യക്തിയുടെ പറമ്പില്‍ നിന്നാണ് വാളുകള്‍ കണ്ടെടുത്തത്. അരൂക്കുറ്റി വടുതല 1008 ജംക്ഷനു സമീപത്തു സ്വകാര്യവ്യക്തിയുടെ പറമ്പില്‍ നിന്നാണ് ആയുധങ്ങള്‍ കണ്ടെത്തിയത്. ആക്രി കടയുടമ വിളിച്ചുപറഞ്ഞതനുസരിച്ച് കുത്തിയതോട് സിഐ എ വി ഷൈജുവിന്റെ നേതൃത്വത്തിലുള്ള പൊലീസ് സംഘം സ്ഥലത്തെത്തിയാണ് ആയുധങ്ങള്‍ കണ്ടെടുത്തത്.
സംഭവത്തില്‍ വയലാറില്‍ ആര്‍ എസ് എസ് പ്രവര്‍ത്തകന്‍ നന്ദുവിന്റെ കൊലപാതകവുമായി സംഭവത്തിനു ബന്ധമുണ്ടോയെന്നു പൊലീസ് അന്വേഷണം ആരംഭിച്ചു. ആക്രിക്കടയുടെ ഒരു ഭാഗത്തായി ചാക്കില്‍ പൊതിഞ്ഞ നിലയിലാണ് 15 വാളുകള്‍ കണ്ടെത്തിയത്. നന്ദു വധക്കേസ് അന്വേഷിക്കുന്ന പൊലീസ് ഉദ്യോഗസ്ഥര്‍ക്കു വടിവാള്‍ കൈമാറി. നന്ദു വധക്കേസില്‍ വടുതല ഭാഗത്തുള്ള പ്രതികള്‍ ഉണ്ടെന്നു പൊലീസ് കണ്ടെത്തിയതിനാല്‍ ആയുധങ്ങള്‍ കണ്ടെത്തിയതിലും ശക്തമായ അന്വേഷണം ഉണ്ടാകുമെന്നു പൊലീസ് പറഞ്ഞു.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
