ഉച്ചഭക്ഷണ മെനുവില്‍ ബീഫ് ഇല്ല; കട്ടപ്പന ഐടിഐയില്‍ ബീഫ് ഫെസ്റ്റ് നടത്തി വേറിട്ട പ്രതിഷേധവുമായി കെ എസ് യു
Mar 17, 2021, 09:51 IST
ഇടുക്കി: (www.kvartha.com 17.03.2021) കട്ടപ്പന ഐ ടി ഐയിലെ ഉച്ചഭക്ഷണ മെനുവില്‍ ബീഫ് ഉള്‍പ്പെടുത്താത്തതില്‍വേറിട്ട പ്രതിഷേധവുമായി കെ എസ് യു. പ്രതിഷേധസൂചകമായി ഐ ടി ഐക്ക് മുന്നില്‍ കെ എസ് യു ബീഫ് ഫെസ്റ്റ് നടത്തി.
സംസ്ഥാനത്തെ മുഴുവന്‍ വനിതാ ഐ ടി ഐകള്‍ക്കൊപ്പം പിന്നോക്ക ജില്ലകളായ ഇടുക്കിയിലേയും വയനാട്ടിലേയും ഐ ടി ഐകളിലും സംസ്ഥാന സര്‍കാര്‍ സൗജന്യ ഉച്ചഭക്ഷണം നല്‍കുന്നുണ്ട്. മാംസം ഉള്‍പ്പെടുത്തിയ ഭക്ഷണ ലഭിക്കുന്ന ദിവസങ്ങളില്‍ ചിക്കനും മട്ടണും കൊടുക്കുമെങ്കിലും ബീഫ് ഒഴിവാക്കിയതിലാണ് കെ എസ് യുവിന്റെ പ്രതിഷേധം.
ആര്‍ എസ് എസിന്റെ ബീഫ് നിരോധനത്തിന് സംസ്ഥാന സര്‍കാരും കുടപിടിക്കുന്നുവെന്നാണ് ആരോപണം. എന്നാല്‍ മെനുപ്രകാരമുള്ള ഭക്ഷണം കൊടുക്കാനേ അനുമതിയുള്ളുവെന്നും ബാക്കി കാര്യങ്ങള്‍ സര്‍കാരാണ് പറയേണ്ടതെന്നുമാണ് ഐ ടി ഐ അധികൃതരുടെ വിശദീകരണം. പരാതിയില്‍ നടപടിയുണ്ടായില്ലെങ്കില്‍ കടുത്ത പ്രതിഷേധ പരിപാടികളിലേക്ക് കടക്കാനാണ് കെ എസ് യു തീരുമാനം.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
