സ്‌നേഹമുള്ള മകന്റ അമ്മ, 6 റൗഡി കുട്ടികളുടെ അമ്മൂമ്മ; അമ്മയുടെ പിറന്നാള്‍ദിനം ആഘോഷിച്ച് ചാക്കോച്ചനും കുടുംബവും; ഒപ്പം മനോഹരമായൊരു കുറിപ്പും
Mar 1, 2021, 20:10 IST
കൊച്ചി: (www.kvartha.com 01.03.2021) അമ്മ മോളി ബോബന്റെ പിറന്നാള്‍ ആഘോഷ ചിത്രങ്ങള്‍ ആരാധകര്‍ക്കായി പങ്കുവച്ച് നടന്‍ കുഞ്ചാക്കോ ബോബന്. നാലു വര്‍ഷത്തില്‍ ഒരിക്കല്‍ വരുന്ന ഫെബ്രുവരി 29 നാണ് മോളി ബോബന്റെ പിറന്നാള്‍. ഇത്തവണ ഈ ദിവസം ഇല്ലാത്തതിനാല്‍ ഫെബ്രുവരി 28 ന് രാത്രിയായിരുന്നു ആഘോഷം. മക്കള്‍ക്കും ചെറുമക്കള്‍ക്കുമൊപ്പമുളള പിറന്നാള്‍ ആഘോഷ ചിത്രങ്ങള്‍ പങ്കുവച്ച ചാക്കോച്ചന്‍, മനോഹരമായൊരു കുറിപ്പും എഴുതിയിട്ടുണ്ട്. 
'കഴിഞ്ഞ രാത്രി അമ്മാഞ്ഞി കൂളിനൊപ്പമായിരുന്നു. മോളി ബോബന് സന്തോഷ ജന്മദിനാംശംസകള്‍. സ്‌നേഹമുള്ളൊരു മകന്റേയും സുന്ദരികളായ രണ്ട് പെണ്‍മക്കളുടേയും അമ്മ. ആറ് റൗഡി കുട്ടികളുടെ അമ്മൂമ്മ. എന്റെ സ്‌നേഹമയിയായ ഭാര്യയുടെയും രണ്ട് കിടു അളിയന്മാരുടേയും അമ്മായിയമ്മ' എന്നാണ് ചാക്കോച്ചന്‍ കുറിച്ചിരിക്കുന്നത്.
ഫര്‍ഹാന്‍ ഫാസില്‍, ലക്ഷ്മി മേനോന്‍, ഗൗരി നന്ദ, ശിവദ തുടങ്ങി നിരവധി താരങ്ങളും ആരാധകരും കുഞ്ചാക്കോയുടെ പോസ്റ്റിന് താഴെ അമ്മയ്ക്ക് ആശംസകള്‍ നേര്‍ന്നിട്ടുണ്ട്.
Keywords: Kunchacko Boban's mother Moly Boban's birthday celebration, Kochi,News,Birthday Celebration, Cinema, Social Media, Cine Actor, Kerala.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
