ശസ്ത്രക്രിയ കഴിഞ്ഞ് ഓക്‌സിജന്‍ സഹായത്തോടെ ഐ സി യുവില്‍ കഴിയുകയായിരുന്ന സ്ത്രീയെ കൈകള്‍ കെട്ടിയിട്ട ശേഷം പീഡിപ്പിച്ചു; വാര്‍ഡ് ബോയ് പിടിയില്‍
Mar 17, 2021, 19:00 IST
ജയ്പുര്‍: (www.kvartha.com 17.03.2021) സ്വകാര്യ ആശുപത്രിയിലെ ഐ സി യുവില്‍ ശസ്ത്രക്രിയ കഴിഞ്ഞ് ഓക്‌സിജന്‍ സഹായത്തോടെ കഴിയുകയായിരുന്ന സ്ത്രീയെ കൈകള്‍ കെട്ടിയിട്ട ശേഷം പീഡിപ്പിച്ചെന്ന് പരാതി. സംഭവത്തില്‍ ആശുപത്രിയിലെ വാര്‍ഡ് ബോയ് ആയ ഖുശിറാം ഗുജ്ജാറിനെ പൊലീസ് പിടികൂടി. ജയ്പുരിലെ ഷാല്‍ബി ആശുപത്രിയില്‍ തിങ്കളാഴ്ച രാത്രിയായിരുന്നു ദാരുണമായ സംഭവം. 
ശസ്ത്രക്രിയയെ തുടര്‍ന്ന് ഐ സി യുവിലേക്ക് മാറ്റിയതിനാല്‍ തന്നെ ആശുപത്രിയില്‍ നില്‍ക്കാന്‍ അനുവദിച്ചിരുന്നില്ലെന്നാണ് സ്ത്രീയുടെ ഭര്‍ത്താവ് പറഞ്ഞത്. അതിനാല്‍ തിങ്കളാഴ്ച തന്നെ താന്‍ വീട്ടിലേക്ക് മടങ്ങി. പിറ്റേദിവസം ഭാര്യയെ കാണാന്‍ എത്തിയപ്പോഴാണ് ഞെട്ടിക്കുന്ന വിവരം പറഞ്ഞത്. പൊട്ടിക്കരഞ്ഞുകൊണ്ടാണ് സംസാരിക്കാന്‍ കഴിയാതിരുന്ന ഭാര്യ പീഡനത്തിനിരയായ വിവരം എഴുതി നല്‍കിയതെന്നും അദ്ദേഹം പറഞ്ഞു.
അതേസമയം, രോഗിയുടെ ഭര്‍ത്താവ് ചിത്രകൂട് പൊലീസ് സ്റ്റേഷനില്‍ പരാതി നല്‍കിയതനുസരിച്ച് കേസെടുത്തതായും പ്രതിയെ പിടികൂടിയതായും ഡി സി പി. പ്രദീപ് മോഹന്‍ ശര്‍മ അറിയിച്ചു. സംഭവത്തില്‍ ആശുപത്രിയില്‍ നിന്നുള്ള കൂടുതല്‍ വിവരങ്ങള്‍ ശേഖരിച്ചു വരികയാണ്. സിസിടിവി ദൃശ്യങ്ങളും പരിശോധിക്കുന്നുണ്ട്. കൃത്യത്തില്‍ മറ്റാര്‍ക്കെങ്കിലും പങ്കുണ്ടോ എന്നതടക്കം പരിശോധിച്ചു വരികയാണെന്നും പൊലീസ് ഉദ്യോഗസ്ഥന്‍ പറഞ്ഞു.
Keywords: Hospital staffer molests woman on oxygen support at Jaipur hospital, Jaipur, News, Molestation, Hospital, Treatment, Arrested, Police, Woman, National.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
