സംഭവം അറിഞ്ഞയുടൻ ഇന്ത്യൻ സർക്കാർ സ്ഥിതിഗതികളോട് പ്രതികരിക്കുകയും ഇറാനുമായി ബന്ധപ്പെടുകയും ചെയ്തുവെന്ന് വാർത്താ ഏജൻസിയായ എഎൻഐ റിപ്പോർട്ട് ചെയ്തു. 'എംഎസ്‌സി ഏരീസ് എന്ന ചരക്ക് കപ്പൽ ഇറാൻ നിയന്ത്രണത്തിലാണ്. കപ്പലിൽ 17 ഇന്ത്യൻ പൗരന്മാർ ഉണ്ടെന്ന് വ്യക്തമായിട്ടുണ്ട്. ഇന്ത്യൻ പൗരന്മാരുടെ സുരക്ഷ, ക്ഷേമം, മോചനം എന്നിവ ഉറപ്പാക്കാൻ ടെഹ്‌റാനിലും ഡൽഹിയിലും നയതന്ത്ര മാർഗങ്ങളിലൂടെ ഇറാനിയൻ അധികാരികളുമായി ബന്ധപ്പെടുന്നുണ്ട്', വൃത്തങ്ങളെ ഉദ്ധരിച്ച് റിപ്പോർട്ടിൽ പറയുന്നു.Iran has taken over MSC ARIES, Portuguese Flagged ship in the strait of Hormuz, the ship was sailing from the UAE to India. pic.twitter.com/x6P1BB7u08
— Abhishek Jha (@abhishekjha157) April 13, 2024
ഇസ്രാഈലി ശതകോടീശ്വരൻ ഇയാൽ ഓഫറും കുടുംബവും നടത്തുന്ന സോഡിയാക് ഗ്രൂപ്പിൻ്റെ ഭാഗമായാണ് പിടിച്ചെടുത്ത കപ്പൽ പ്രവർത്തിക്കുന്നത്. ഏപ്രിൽ 15നായിരുന്നു കപ്പൽ മുംബൈയിലെ നവ ഷെവ തുറമുഖത്തേക്ക് എത്തേണ്ടിയിരുന്നത്. ഏപ്രിൽ ഒന്നിന് ഡമാസ്കസിലെ ഇറാന്റെ നയതന്ത്രകാര്യാലയത്തിൽ വ്യോമാക്രമണം നടത്തി രണ്ടു ജനറൽമാരുൾപ്പെടെ 12 പേരെ ഇസ്രാഈൽ വധിച്ചിരുന്നു. ഇതിനു പകരംവീട്ടുമെന്ന് ഇറാൻ മുന്നറിയിപ്പ് നൽകിയിരിക്കെയാണ് പുതിയ സംഭവ വികാസം.We are aware that a cargo ship ‘MSC Aries’ has been taken control of by Iran. We have learnt that there are 17 Indian nationals onboard. We are in touch with the Iranian authorities through diplomatic channels, both in Tehran and in Delhi, to ensure the security, welfare and…
— ANI (@ANI) April 13, 2024
ശനിയാഴ്ച പുലർച്ചെയാണ് കപ്പൽ ഇറാൻ പിടികൂടിയത്. ചരക്ക് കപ്പലിന് മുകളിൽ ഹെലികോപ്റ്റർ പറക്കുന്നതും കപ്പലിലേക്ക് മൂന്ന് പേർ കയറുപയോഗിച്ച് ഇറങ്ങുന്നതുമായ വീഡിയോ ഇറാൻ്റെ വാർത്താ ഏജൻസിയായ ഐആർഎൻഎ പുറത്തുവിട്ടിട്ടുണ്ട്. ഇറാൻ്റെ അർധസൈനിക വിഭാഗമായ റെവല്യൂഷണറി ഗാർഡിന്റെ നേവൽ സ്‌പെഷ്യൽ ഫോഴ്‌സാണ് ഈ ഓപ്പറേഷൻ നടത്തിയതെന്ന് ഇറാനിയൻ മാധ്യമങ്ങൾ റിപ്പോർട്ട് ചെയ്യുന്നു.
Keywords: Iran, Ship, Gulf, Palestine, Israel, Gaza, Video, 17 Indians Onboard Cargo Vessel MSC Aries That Was Seized By Iran In Gulf Of Hormuz; Govt In Touch With Iranian Authorities