ചോക്ക്:
ഉറുമ്പുകളെ അകറ്റാനുള്ള വീട്ടുവൈദ്യങ്ങളിലൊന്നാണ് ചോക്ക്. ഇതിൽ കാൽസ്യം കാർബണേറ്റ് അടങ്ങിയിട്ടുണ്ട്, ഇത് ഉറുമ്പുകളെ അകറ്റാൻ സഹായിക്കുന്നു. ഉറുമ്പുകൾ വീട്ടിലേക്ക് കടക്കുന്ന ഭാഗങ്ങളിൽ പൊടിച്ച ചോക്ക് വിതറുക. അല്ലെങ്കിൽ ചോക്ക് കൊണ്ട് വര വരയ്ക്കുക.
നാരങ്ങ:
ഉറുമ്പുകൾ കടക്കുന്ന സ്ഥലങ്ങളിൽ നാരങ്ങ പിഴിഞ്ഞൊഴിക്കുക അല്ലെങ്കിൽ നാരങ്ങയുടെ തൊലികൾ വയ്ക്കുക. അൽപം നാരങ്ങാനീര് ചേർത്ത വെള്ളം ഉപയോഗിച്ച് നിങ്ങൾക്ക് തറ കഴുകാം. ഉറുമ്പുകൾക്ക് നാരങ്ങാനീരിൻ്റെ ഗന്ധം ഇഷ്ടപ്പെടാത്തതിനാൽ അവ അകന്നുനിൽക്കും. പുളിച്ചതും കയ്പേറിയതുമായ എന്തും ഉറുമ്പുകളെ അകറ്റി നിർത്തും, എന്നാൽ ഏത് പഞ്ചസാരയും ഉറുമ്പുകളുടെ ഏറ്റവും നല്ല സുഹൃത്താണ്. അതിനാൽ ഉറുമ്പുകളെ ആകർഷിക്കുന്ന മധുരമുള്ള ഒന്നും തുറന്ന് വെക്കുന്നില്ലെന്ന് ഉറപ്പാക്കുക. നിങ്ങളുടെ അടുക്കള വൃത്തിയായി സൂക്ഷിക്കുക.
കുരുമുളക്:
ഉറുമ്പുകൾക്ക് പഞ്ചസാര വളരെ ഇഷ്ടമാണ്, പക്ഷേ അവ കുരുമുളക് വെറുക്കുന്നു. ഉറുമ്പുകൾ നിങ്ങളുടെ വീട്ടിലേക്ക് കടക്കുന്ന ഭാഗങ്ങളിൽ കുരുമുളക് വിതറുക. ഇത് ഉറുമ്പുകളെ അകറ്റാൻ സഹായിക്കും. ചുവന്ന മുളകും ഉറുമ്പുകൾക്ക് ഇഷ്ടമല്ല. നിങ്ങൾക്ക് കുരുമുളകും വെള്ളവും ചേർത്ത് ലായനി ഉണ്ടാക്കി ഉറുമ്പുകൾ പ്രവേശിക്കുന്ന സ്ഥലങ്ങൾക്ക് സമീപം തളിക്കാം. കുരുമുളക് ഉറുമ്പുകളെ കൊല്ലില്ല, പക്ഷേ നിങ്ങളുടെ വീട്ടിലേക്ക് കടക്കുന്നതിൽ നിന്ന് തടയും.
കറുവപ്പട്ട:
വീടിൻ്റെ കവാടത്തിലും ഉറുമ്പുകൾ കടക്കുമെന്ന് കരുതുന്ന സ്ഥലങ്ങളിലും കറുവപ്പട്ടയും ഗ്രാമ്പൂവും വെക്കുക. നിങ്ങളുടെ വീട് പുതുമയുള്ളതും മണമുള്ളതുമായി നിലനിർത്താനുള്ള നല്ലൊരു വഴിയാണിത്. . ഉറുമ്പുകൾക്ക് ശക്തമായ മണം സഹിക്കാൻ കഴിയാത്തതിനാൽ കറുവപ്പട്ട പ്രകൃതിദത്ത വികർഷണമായി വിലയിരുത്തുന്നു.
ഉപ്പ്:
ഉറുമ്പുകൾ വീടിനുള്ളിൽ കയറുന്ന മുക്കിലും മൂലയിലും ഉപ്പ് വിതറുന്നത് ഉറുമ്പുകളെ അകറ്റാൻ സഹായിക്കും. ഉറുമ്പുകളെ സ്വാഭാവികമായി തുരത്താനുള്ള ഏറ്റവും നല്ലതും വിലകുറഞ്ഞതുമായ മാർഗമാണ് പൊടി ഉപ്പ്. നിങ്ങൾ ചെയ്യേണ്ടത്, വെള്ളം തിളപ്പിച്ച് അതിൽ വലിയ അളവിൽ ഉപ്പ് ചേർക്കുക, അലിഞ്ഞുപോകുന്നതുവരെ ഇളക്കുക. ഒരു സ്പ്രേ ബോട്ടിലിലേക്ക് ഒഴിച്ച് ഉറുമ്പുകൾ കടക്കുമെന്ന് നിങ്ങൾ കരുതുന്നിടത്ത് സ്പ്രേ ചെയ്യുക.
വെളുത്ത വിനാഗിരി:
വെളുത്ത വിനാഗിരിയുടെ മണം ഉറുമ്പുകൾക്ക് സഹിക്കാനാവില്ല. വെള്ളവും വെളുത്ത വിനാഗിരിയും തുല്യ അളവിൽ ചേർത്ത് മിശ്രിതം തയ്യാറാക്കുക. ഇതിലേക്ക് ഏതാനും തുള്ളി അവശ്യ എണ്ണ ചേർത്ത് നന്നായി കുലുക്കുക. ഈ ലായനി ഉറുമ്പുകൾ പ്രവേശിക്കുന്ന സ്ഥലങ്ങളിൽ തളിക്കുക. ദിവസത്തിൽ ഒരിക്കൽ ഇത് ആവർത്തിക്കുക. ജനൽചില്ലുകൾ, വാതിലുകൾ, സാധാരണയായി ഉറുമ്പുകൾ വരുന്നത് കാണുന്ന മറ്റ് സ്ഥലങ്ങൾ എന്നിവയ്ക്ക് ചുറ്റും ഇത് തളിക്കാവുന്നതാണ്.
Keywords: Ants, Lifestyle, Home Remedies, Kitchen Tips, Sugar, Sweets, Bites, Itching, Rashes, Chalk, Calcium Carbamate, Lemon, Pepper, Cinnamon, Salt, White Vinegar, 6 Easy Ways To Get Rid Of Ants.