ക്രൈസ്തവര്‍ രാജ്യത്തിനു നല്‍കുന്നത് നിസ്തൂല സേവനമെന്ന് പ്രധാനമന്ത്രി പറഞ്ഞു. വികസനത്തിന്റെ ഗുണം എല്ലാവരിലും എത്തിക്കാനാണു ശ്രമം എന്നും തുടര്‍വികസനങ്ങള്‍ക്ക് ക്രൈസ്തവ സഭയുടെ പിന്തുണ വേണമെന്നും പ്രധാനമന്ത്രി അഭ്യര്‍ഥിച്ചു. 2024 പകുതിയോടെയോ 2025 ആദ്യമോ മാര്‍പാപ്പ ഇന്‍ഡ്യയിലെത്തുമെന്നും മോദി പറഞ്ഞു.
വിരുന്ന് വലിയ പ്രതീക്ഷ നല്‍കുന്നതെന്ന് സഭാ പ്രതിനിധികള്‍ പറഞ്ഞു. മണിപ്പൂര്‍ വിഷയമോ മറ്റു രാഷ്ട്രീയ കാര്യങ്ങളോ ചര്‍ചയായില്ലെന്നും അവര്‍ അറിയിച്ചു. ആദ്യമായാണ് ഇത്തരമൊരു അനുഭവമെന്നും ക്ഷണം കിട്ടിയതില്‍ സന്തോഷമുണ്ടെന്നുമാണ് വിരുന്നിനെത്തിയവരുടെ ആദ്യ പ്രതികരണം. രാഷ്ട്രീയ വിഷയങ്ങള്‍ ചര്‍ച ചെയ്തിട്ടില്ലെന്നാണ് വിവരം.
അതേസമയം ബിജെപി ദേശീയ അധ്യക്ഷന്‍ ജെ പി നഡ്ഡ ഡെല്‍ഹി സേക്രട് ഹാര്‍ട് കത്തീഡ്രല്‍ സന്ദര്‍ശിച്ചു. മതമേലധ്യക്ഷന്മാരുമായി അദ്ദേഹം കൂടിക്കാഴ്ച നടത്തി. ക്രിസ്തു നല്‍കിയ ഉപദേശങ്ങള്‍ ഏവരും ജീവിതത്തില്‍ പകര്‍ത്തണമെന്നു പറഞ്ഞ ബിജെപി അധ്യക്ഷന്‍ ക്രിസ്മസ് ആശംസകള്‍ നേര്‍ന്ന ശേഷമാണ് മടങ്ങിയത്. കഴിഞ്ഞ വര്‍ഷം ക്രിസ്മസ് ദിനത്തില്‍ പ്രധാനമന്ത്രി മോദി സേക്രട് ഹാര്‍ട് കത്തീഡ്രല്‍ സന്ദര്‍ശിച്ചിരുന്നു.
ലോക്‌സഭാ തിരഞ്ഞെടുപ്പ് അടുത്ത വേളയിലാണ് പ്രധാനമന്ത്രിയുടെ വിരുന്ന് എന്നത് ശ്രദ്ധേയമാണ്. ന്യൂനപക്ഷങ്ങളെ പാര്‍ടിയോട് അടുപ്പിക്കുക എന്ന ലക്ഷ്യത്തോടെയാണ് വിരുന്നൊരുക്കലും പള്ളി സന്ദര്‍ശനവും ഉള്‍പെടെയുള്ള കാര്യങ്ങള്‍ സംഘടിപ്പിക്കുന്നതെന്ന് രാഷ്ട്രീയ നിരീക്ഷകര്‍ വിലയിരുത്തി. ഇതാദ്യമായാണ് പ്രധാനമന്ത്രി ഇത്തരത്തില്‍ ഒരു വിരുന്ന് സംഘടിപ്പിക്കുന്നത്.
മണിപ്പൂര്‍ കലാപത്തെ തുടര്‍ന്ന് ബിജെപിയില്‍നിന്ന് അകലം പാലിക്കുന്ന ക്രൈസ്തവ വിഭാഗത്തെ കൂടെ നിര്‍ത്താനാണ് ശ്രമം എന്നാണ് വിവരം. കേരളത്തിനു പുറമെ ഗോവ, മഹാരാഷ്ട്ര, വടക്കു കിഴക്കന്‍ സംസ്ഥാനങ്ങള്‍ എന്നിവിടങ്ങളിലെ സഭാധ്യക്ഷര്‍ക്കായാണ് വിരുന്നൊരുക്കിയത്.
Keywords: Prime Minister organizes Christmas feast, New Delhi, News, Politics, Religion, Prime Minister, Narendra Modi, Organized, Christmas Feast, Politicians, Business Men, National.#WATCH | Delhi: Prime Minister Narendra Modi attends an event with members of the Christian community on the occasion of #Christmas pic.twitter.com/V9ZN259KWF
— ANI (@ANI) December 25, 2023