Booked | കെകെ ശൈലജയ്‌ക്കെതിരെ ഫേസ് ബുകിലൂടെ ദുഷ്പ്രചാരണം; യുഡിഎഫ് പ്രവര്‍ത്തകനെതിരെ പൊലീസ് കേസെടുത്തു

കണ്ണൂര്‍: (KVARTHA) എല്‍ഡിഎഫ് വടകര പാര്‍ലമെന്റ് മണ്ഡലം സ്ഥാനാര്‍ഥി കെകെ ശൈലജയ്‌ക്കെതിരെ അപകീര്‍ത്തികരമായ ഫേസ് ബുക് പോസ്റ്റിട്ടതിന് യുഡിഎഫ് പ്രവര്‍ത്തകനെതിരെ മട്ടന്നൂര്‍ പൊലീസ് കേസെടുത്തു. വടകര പാര്‍ലമെന്റ് എല്‍ഡിഎഫ് തിരഞ്ഞെടുപ്പ് ഭാരവാഹി വത്സന്‍ പനോളിയുടെ പരാതിയിലാണ് കേസെടുത്തത്.

 
യുഡിഎഫ് പ്രവര്‍ത്തകനായ കോഴിക്കോട് പൊലീസ് സ്റ്റേഷന്‍ പരിധിയിലെ കെഎം മിന്‍ഹാജിനെതിരെയാണ് മട്ടന്നൂര്‍ പൊലീസ് കലാപാഹ്വാനത്തിന് കേസെടുത്തത്. 25 ദിവസം മുന്‍പെ കെ കെ ശൈലജ തനിക്കെതിരെ നടക്കുന്ന സമൂഹ മാധ്യമ ദുഷ് പ്രചാരണത്തിനെതിരെ പരാതി നല്‍കിയിട്ടും പൊലീസ് കേസെടുക്കാത്തത് വിവാദമായിരുന്നു.

Keywords: Malicious propaganda against KK Shailaja through Facebook; Police registered a case against the UDF worker, Kannur, News, Police, Booked, KK Shailaja, Complaint, Facebook Post, Politics, Kerala News.