(KVARTHA) നമ്മുടെ രാജ്യത്ത് ഒരോരുത്തർക്കും അവരുടെതേയ മതഗ്രന്ഥങ്ങൾ ഉണ്ട്. മുസ്ലിങ്ങൾക്ക് ഖുർആനും ക്രിസ്ത്യാനികൾക്ക് ബൈബിളും ഒക്കെ പ്രധാനപ്പെട്ട മതഗ്രന്ഥങ്ങളാണ്. അതുപോലെ തന്നെയാണ് ഹിന്ദുക്കൾക്ക് രാമായണവും മഹാഭാരതവും. മഹാഭാരതത്തിൽ പറയുന്നത് ഭാരതയുദ്ധത്തെക്കുറിച്ച് ആണ്. പാണ്ഡവരും കൗരവരും തമ്മിലുള്ള യുദ്ധമാണ് ഇതിൽ പ്രധാനമായും പ്രതിപാദിച്ചിരിക്കുന്നത്. മഹാഭാരതം വായിക്കുമ്പോൾ അർജുനനെയാണ് നാം വില്ലാളി വീരനായി കരുതുന്നതെങ്കിലും കർണ്ണൻ എന്ന കഥാപാത്രം തന്നെയാണ് മഹാഭാരതത്തെ മുന്നോട്ട് നയിക്കുന്നത്. മഹാഭാരതം വായിക്കുമ്പോൾ വില്ലാളി വീരനായി അര്‍ജ്ജുനനെയാണ് ചിത്രീകരിക്കുന്നതെങ്കിലും കൂടുതൽ വായനയുടെ ആഴത്തിലേയ്ക്ക് പോകുമ്പോൾ വീരനായി തോന്നുക കര്‍ണ്ണന്‍ തന്നെയാണ്.
അതല്ലേ യഥാര്‍ത്ഥ മാതൃസ്നേഹം. ആ കവചകുണ്ഡലം അറുത്തെടുത്ത് അമ്മയ്ക്ക് സമ്മാനിച്ചില്ലെങ്കില്‍ ഇന്ന് അര്‍ജുനന്റെ സ്ഥാ‍നത്ത് വില്ലാളിവീരനായി ചിത്രീകരിക്കപ്പെടുന്നത് ഒരുപക്ഷേ കര്‍ണ്ണനായിരുന്നിരിക്കണം. മാതാവിനായി ഇത്രയും ത്യാഗം ചെയ്ത മറ്റൊരു വ്യക്തിയെ മറ്റെവിടെയെങ്കിലും കാണുവാന്‍ സാധിക്കുമോ എന്നും സംശയമുണ്ട്. ഒപ്പം മഹാഭാരതം നമുക്ക് തരുന്ന ഒരു സന്ദേശമുണ്ട്. അത് എന്നെ വല്ലാതെ ആകര്‍ഷിക്കുകയുണ്ടായി. 100 മക്കള്‍ കൊല്ലപ്പെട്ട ഗാന്ധാരിയെ യുദ്ധം ജയിച്ച വെറും 5 മക്കളുടെ അമ്മയായ കുന്തിദേവി കാണുമ്പോള്‍ ഗാന്ധാരി സങ്കടത്തോടെ കുന്തിയോട് പറയുന്നു. 100 മക്കളെകിട്ടിയ ഞാനല്ല ഭാഗ്യവതി, മറിച്ച് മിടുക്കരായ 5 മക്കളെ കിട്ടിയ നീയല്ലെ ഭാഗ്യവതിയെന്ന്. അതെ സുഹൃത്തുക്കളെ പ്രയോജനമില്ലാത്ത ഒരു പാട് പേരെ കിട്ടുന്നതിലല്ല കാര്യം. മിടുക്കന്മാരായ 5 പേരെ സുഹൃത്തുക്കളായി കിട്ടിയാല്‍ മതി നമ്മള്‍ വിജയിക്കും. കുറച്ചു സുഹൃത്തുക്കൾ മാത്രമേ ഉള്ളുവെങ്കിലും പ്രയോജപ്പെടുന്നവരെ കണ്ടെത്താൻ ശ്രമിക്കുക.
(കൗൺസിലിംഗ് സൈക്കോളജിസ്റ്റ് ആണ് ലേഖിക)
Article, Success Tips, Lifestyle, Career, Friendship, Bible, Quran, Mahabharatha, Karnnan, How Friendship Makes You More Successful