കണ്ടുകെട്ടിയ സ്വത്തുക്കളിൽ ശിൽപ ഷെട്ടിയുടെ പേരിൽ മുംബൈയിലെ ജുഹുവിലുള്ള ഒരു ഫ്ലാറ്റും രാജ് കുന്ദ്രയുടെ പേരിലുള്ള പൂനെയിലെ ഒരു ബംഗ്ലാവുമുണ്ട്. ഇതിനുപുറമെ, വിവിധ ഓഹരികളും ഉൾപ്പെടുന്നു. പ്രതിമാസം 10 ശതമാനം ലാഭവിഹിതം നൽകാമെന്ന് വാഗ്‌ദാനം നൽകി ബിറ്റ്‌കോയിൻ്റെ രൂപത്തിൽ ആളുകളിൽ നിന്ന് വൻതുക തട്ടിയെന്നാണ് രാജ് കുന്ദ്ര അടക്കമുള്ള പ്രതികൾക്കെതിരെയുള്ള ആരോപണം.
ഈ തട്ടിപ്പിൻ്റെ സൂത്രധാരൻ രാജ് കുന്ദ്രയാണെന്നാണ് അന്വേഷണ ഉദ്യോഗസ്ഥർ പറയുന്നത്. 285 ബിറ്റ്കോയിനുകൾ അദ്ദേഹം സ്വന്തമാക്കിയിരുന്നു. രാജ് കുന്ദ്രയുടെ കൈവശമുള്ള 285 ബിറ്റ് കോയിനുകളുടെ മൂല്യം 150 കോടി രൂപയിലധികം വരും. കേസിലെ മൂന്ന് പ്രതികളെ ഇഡി റെയ്ഡ് ചെയ്ത് അറസ്റ്റ് ചെയ്തിരുന്നു. സിമ്പി ഭരദ്വാജ് 2023 ഡിസംബർ 17 നും നിതിൻ ഗൗർ 2023 ഡിസംബർ 29 നും അഖിൽ മഹാജൻ 2023 ജനുവരി 16 നും അറസ്റ്റിലായി. നിലവിൽ മൂവരും ജയിലിലാണ്. കേസിലെ മുഖ്യപ്രതികളായ അജയ് ഭരദ്വാജും മഹേന്ദ്ര ഭരദ്വാജും ഇപ്പോഴും ഒളിവിലാണ്.
Keywords: ED, Raj Kundra, Shilpa Shetty, National, Bollywood, Actor, Enforcement Directorate, Properties, Bitcoin, Mumbai, New Delhi, Case, ED attaches Raj Kundra and Shilpa Shetty's properties worth over Rs 97 crore in money laundering case.