ഇപ്പോള്‍ പ്രായം ചെന്നവരുടെ വീട്ടില്‍ ചെന്നു വോടു രേഖപ്പെടുത്തുന്നതിന്റെ രഹസ്യ സ്വഭാവം നഷ്ടപ്പെടുത്തിയിരിക്കുകയാണ്. ഇക്കാര്യത്തില്‍ കേന്ദ്ര തിരഞ്ഞടുപ്പ് കമിഷന്റെയും കേന്ദ്ര സേനയുടെയും ഇടപെടല്‍ വേണമെന്നും അബ്ദുല്ല കുട്ടി ആവശ്യപ്പെട്ടു. സിപിഎം ബ്രാഞ്ച് അംഗമാണ് തിരഞ്ഞെടുപ്പ് അട്ടിമറിക്കാന്‍ ഇടപെട്ടത് എന്നും അദ്ദേഹം ആരോപിച്ചു.
ഇക്കാര്യത്തില്‍ സമഗ്രമായ അന്വേഷണം വേണമെന്നും അബ്ദുല്ലക്കുട്ടി പറഞ്ഞു. കഴിഞ്ഞ ദിവസം കണ്ണൂരില്‍ രാഹുല്‍ ഗാന്ധി വന്നു പ്രസംഗിച്ചത് രാഷ്ട്രീയ ഇരട്ടത്താപ്പാണ് എന്നും അദ്ദേഹം ആരോപിച്ചു. കേരളത്തില്‍ വന്ന് ഇഡി എന്താ മുഖ്യമന്ത്രി പിണറായി വിജയനെ അറസ്റ്റു ചെയ്യാത്തത് എന്ന് ചോദിക്കുന്ന രാഹുല്‍ ഡെല്‍ഹിയില്‍ മറ്റൊന്ന് പറയുന്നത് കപട രാഷ്ട്രീയത്തിന്റെ മുഖമാണെന്നും അബ്ദുല്ലക്കുട്ടി പറഞ്ഞു.
അഴിമതിയില്ലാതാക്കാന്‍ ദൈവം അയച്ച വ്യക്തിയാണ് നരേന്ദ്ര മോദി. അഴിമതി നടത്തിയവരെല്ലാം അകത്താകും. ഉപ്പു തിന്നവരെല്ലാം വെള്ളം കുടിക്കും. കേരളത്തില്‍ മുഖ്യമന്ത്രി പിണറായി വിജയന്റെ മകള്‍ വീണാ വിജയന്‍ ഉടന്‍ അറസ്റ്റിലാകുന്ന കാലം വിദൂരമല്ലെന്നും അബ്ദുല്ലക്കുട്ടി പറഞ്ഞു.
Keywords: AP Abdulla Kutty Criticized UDF and LDF, Kannur, News, AP Abdulla Kutty, Criticized, UDF, LDF, Politics, Allegation, corruption, Kerala News.