എന്നിരുന്നാലും, ആഘോഷങ്ങൾക്കൊപ്പം ഭൂമിയെ ഹരിതാഭമായി നിലനിർത്താൻ നാം മറക്കരുത്, അത് പരിപാലിക്കേണ്ടത് നമ്മുടെ ഉത്തരവാദിത്തമാണ്. പരിസ്ഥിതി സൗഹൃദമായ രീതിയിൽ ഹോളി ആഘോഷിക്കാനും പരിസ്ഥിതിക്ക് വരുത്തുന്ന കാര്യങ്ങൾ കുറയ്ക്കാനും ശ്രമിക്കണം. ഹോളോ ആഘോഷം പരിസ്ഥിതി സൗഹൃദമാക്കാൻ ചില വഴികൾ ഇതാ.
* ജൈവ നിറങ്ങളുടെ ഉപയോഗം:
ഹോളി ആഘോഷിക്കാൻ പ്രകൃതിദത്തവും ഓർഗാനിക് നിറങ്ങളും ഉപയോഗിക്കുക. ഇതിലൂടെ വിപണിയിൽ നിന്ന് കൃത്രിമ നിറങ്ങൾ വാങ്ങുന്നത് ഒഴിവാക്കാം, പകരം നിറങ്ങൾ വീട്ടിൽ തന്നെ ഉണ്ടാക്കാം. ഇതിനായി മഞ്ഞൾപ്പൊടി, ചന്ദനം, മൈലാഞ്ചി തുടങ്ങി വീട്ടിൽ എളുപ്പത്തിൽ ലഭ്യമാകുന്ന പ്രകൃതിദത്ത ചേരുവകൾ ഉപയോഗിക്കാം. ഇവ നിങ്ങളുടെ ചർമത്തിനും പരിസ്ഥിതിക്കും ദോഷം ചെയ്യില്ല.
മഞ്ഞ
മഞ്ഞള്‍പ്പൊടിയും ചെറുപയര്‍പ്പൊടിയും 1:2 എന്ന അനുപാതത്തില്‍ ചേര്‍ത്ത് മഞ്ഞക്കളര്‍ ഉണ്ടാക്കാം. ജമന്തി അല്ലെങ്കില്‍ മഞ്ഞ നിറമുള്ള പൂക്കളും ചതച്ച് മഞ്ഞക്കളര്‍ ഒരുക്കാം.
ചുവപ്പ്
ചെമ്പരത്തി പൂക്കള്‍ ഉപയോഗിച്ച് ചുവന്ന നിറം തയ്യാറാക്കാം. അതിന്റെ സ്ഥാനത്ത് ചുവന്ന ചന്ദനവും ഉപയോഗിക്കാം.
പച്ച
മൈലാഞ്ചിയോ മെഹന്തി പൊടിയോ ഉപയോഗിച്ച് പച്ച നിറം ഉണ്ടാക്കാം. ലൈറ്റ് നിറത്തിന് ചീര, വേപ്പ് തുടങ്ങിയ ഏതെങ്കിലും പച്ചക്കറികള്‍ ഉപയോഗിക്കാം.
മജന്ത
ചുവന്ന അല്ലെങ്കിൽ പിങ്ക് ചായത്തിന്റെ നല്ല ഉറവിടമാണ് ബീറ്റ്‌റൂട്ട്. ബീറ്റ്‌റൂട്ട് അരിഞ്ഞത് വെള്ളത്തില്‍ കുതിര്‍ത്ത് മിശ്രിതം തിളപ്പിച്ച് രാത്രി മുഴുവന്‍ വയ്ക്കാം.
* പ്ലാസ്റ്റിക് ബലൂണുകൾ ഉപയോഗിക്കരുത്:
പ്ലാസ്റ്റിക് ബലൂണുകൾ ഉപയോഗിക്കുന്നത് ഒഴിവാക്കുക, അവ പരിസ്ഥിതിക്ക് ഹാനികരമാണ്. ബലൂണുകളിൽ വെള്ളം നിറച്ച് പരസ്പരം എറിയുമ്പോൾ വെള്ളം പാഴാകുകയും പരിക്കേൽപ്പിക്കുകയും ചെയ്യും. ആരെയും ഉപദ്രവിക്കാതെ സുരക്ഷിതവും സന്തോഷകരവുമായ ഹോളി ആസ്വദിക്കൂ.
* വെള്ളം കൊണ്ട് കളിക്കരുത്:
വാട്ടർ ഗണ്ണുകളോ മറ്റോ ഉപയോഗിക്കുന്നത് ഒഴിവാക്കുക. ഇത് പരിസ്ഥിതിയിൽ കൂടുതൽ മലിനീകരണത്തിനും ജലം പാഴാക്കുന്നതിനും കൂടുതൽ പ്ലാസ്റ്റിക്കിനും കാരണമാകുന്നു. നിങ്ങൾക്ക് ഓർഗാനിക്, പ്രകൃതിദത്ത നിറങ്ങൾ ഉപയോഗിച്ച് ഹോളി ആസ്വദിക്കാം, ഇത് ഹോളിയുടെ സന്തോഷം കുറയ്ക്കില്ല.
* ഇൻഡോർ ഡെക്കറേഷനായി പൂക്കൾ ഉപയോഗിക്കുക:
ഹോളി ആഘോഷത്തിൽ ഇൻഡോർ ഡെക്കറേഷനായി പ്ലാസ്റ്റിക് പൂക്കൾക്ക് പകരം ജൈവ പൂക്കൾ ഉപയോഗിക്കുക. വീടിൻ്റെ തറയിൽ എവിടെയും പൂക്കളം ഒരുക്കി വീട് അലങ്കരിക്കാം. നിങ്ങൾക്ക് പ്രകൃതിദത്തമായ, ഹെർബൽ നിറങ്ങളും ഉപയോഗിക്കാം.
* ഹോളിക ദഹനിൽ ശ്രദ്ധിക്കാം:
ഛോട്ടി ഹോളി അല്ലെങ്കില്‍ ഹോളിക ദഹന്‍ എന്നത് ഹോളിയിലെ വിശേഷകരമായ ദിവസമാണ്. ഈ ദിവസം അഗ്നികൂട്ടുകയും പൂജ നടത്തുകയും ഒക്കെ ചെയ്യുന്നു. അതേസമയം ഹോളി ദഹനിൽ പരിസ്ഥിതി സൗഹൃദമായ കാര്യങ്ങൾ ഉപയോഗിക്കുക, പ്ലാസ്റ്റിക്കില്ലെന്നും ഉറപ്പാക്കുക. ചാണകപ്പൊടി, ചിരട്ട തുടങ്ങിയ സാധനങ്ങൾ ഉപയോഗിക്കാം. പരിസ്ഥിതിയെ ദോഷകരമായി ബാധിക്കാതെ പാരമ്പര്യങ്ങൾ നിലനിർത്താൻ ഇതിലൂടെ നിങ്ങൾക്ക് കഴിയും.
Keywords: News, National, New Delhi, Holi, Festivals Of India, Health, Eco Friendly, Lifestyle, Herbal Colour, Ways to celebrate an Eco friendly Holi.
< !- START disable copy paste -->