വൃക്ക മാറ്റിവെക്കല്‍ ശസ്ത്രക്രിയക്കായാണ് അബ്ദുല്‍ സത്താര്‍ ലേക് ഷോറിലെത്തിയത്. ഞായറാഴ്ച നടക്കാനിറങ്ങിയ സത്താറിനെ ആലപ്പുഴ ഭാഗത്തേക്ക് പോവുകയായിരുന്ന ടോറസ് ലോറി ഇടിച്ചിടുകയായിരുന്നു. സത്താര്‍ സംഭവ സ്ഥലത്ത് വെച്ച് തന്നെ മരിച്ചു. നടപ്പാതയിലൂടെ നടക്കുകയായിരുന്ന സത്താര്‍ പെട്ടെന്ന് റോഡിലേക്ക് ഇറങ്ങുകയായിരുന്നുവെന്നാണ് ടോറസ് ഡ്രൈവറുടെ മൊഴി.
എന്നാല്‍, ടോറസ് ലോറിയുടെ ഡ്രൈവര്‍ ഉറങ്ങിപ്പോയിരുന്നോ എന്ന കാര്യം ഉള്‍പെടെ പൊലീസ് അന്വേഷിക്കുന്നുണ്ട്. സമീപത്തെ സിസിടിവി ദൃശ്യങ്ങള്‍ ഉള്‍പെടെ പരിശോധിച്ച് അപകടത്തിന്റെ യഥാര്‍ഥ കാരണം കണ്ടെത്താനുള്ള അന്വേഷണവും പൊലീസ് ആരംഭിച്ചിട്ടുണ്ട്. അബ്ദുല്‍ സത്താറിന്റെ മൃതദേഹം പോസ്റ്റു മോര്‍ടം നടപടികള്‍ക്കു ശേഷം സ്വദേശമായ അഴീക്കോട്ടെത്തിക്കും.
Keywords: Kannur Native Died in Ernakulam Road Accident, Kannur, News, Accidental Death, Police, Custody, Hospital, Treatment, Postmortem, CCTV, Kerala News.