കുട്ടിത്തം നല്‍കുന്ന പതിവ് ലുക് ആണ് ഇത്തവണ മാറിയത്. അതുകൊണ്ട് തന്നെ ഹെയര്‍ സ്‌റ്റൈല്‍ മാറ്റിയാല്‍ ലുക് തന്നെ മാറുമോ എന്നാണ് സമൂഹ മാധ്യമങ്ങളിലൂടെ ആരാധകര്‍ ചോദിക്കുന്നത്. പ്രീ-വെഡ്ഡിങ് പരിപാടിയുടെ അവസാനദിനമായ മാര്‍ച് മൂന്നിനാണ് ബചന്‍ കുടുംബാംഗങ്ങള്‍ ഒന്നിച്ച് ജാംനഗറിലെ ആഘോഷവേദിയില്‍ എത്തിയത്. പൊതു പരിപാടികളില്‍ ബിഗ് ബിയും കുടുംബാംഗങ്ങളും എത്താറുണ്ടെങ്കിലും വളരെ വിരളമായിട്ടെ ഒന്നിച്ച് എത്താറുള്ളൂ.
അമിതാഭ് ബചന്‍, ഭാര്യ ജയ ബചന്‍, മകള്‍ ശ്വേത, മക്കളായ നവ്യ, അഗസ്ത്യ, അഭിഷേക് ബചന്‍, ഐശ്വര്യ റായി, ആരാധ്യ എന്നിവരുടെ ചിത്രങ്ങളും വീഡിയോയും വൈറലാണ്. കൂടാതെ അമ്മയ്ക്കും അച്ഛനുമൊപ്പം പരിപാടികള്‍ ആസ്വദിക്കുന്ന ആരാധ്യയുടെ വീഡിയോയും സമൂഹ മാധ്യമങ്ങളില്‍ വൈറലായിട്ടുണ്ട്.
മൂന്നു ദിവസങ്ങളിലായി സംഘടിപ്പിച്ച അംബാനി പ്രീ -വെഡ്ഡിങ് ആഘോഷങ്ങളില്‍ ശാറൂഖ് ഖാന്‍, സല്‍മാന്‍ ഖാന്‍, ആമിര്‍ ഖാന്‍, സെയ്ഫ് അലി ഖാന്‍, കരീന കപൂര്‍ ഖാന്‍, മാധുരി ദീക്ഷിത്, വരുണ്‍ ധവാന്‍, അനില്‍ കപൂര്‍, സാറാ അലി ഖാന്‍, ഇബ്രാഹിം അലി ഖാന്‍, അനന്യ പാണ്ഡെ, ആദിത്യ റോയ് കപൂര്‍, സിദ്ധാര്‍ഥ് മല്‍ഹോത്ര, കിയാര അദ്വാനി, രണ്‍വീര്‍ സിങ്, ദീപിക പദുകോണ്‍, ആലിയ ഭട്ട്, രണ്‍ബീര്‍ കപൂര്‍ എന്നിങ്ങനെ ബോളിവുഡിലെ ഭൂരിഭാഗം താരങ്ങളും എത്തിയിരുന്നു. കുടുംബസമേതമാണ് എല്ലാവരും എത്തിയത്.