ബഹുനില കെട്ടിടത്തിന്റെ മുകളില്നിന്നു ചാടിയ ഒരാള് മരങ്ങള്ക്കിടയിലൂടെ താഴെ വീണുവെന്ന് പ്രദേശവാസികളാണ് പൊലീസിനെ വിളിച്ച് വിവരം പറഞ്ഞത്. പൊലീസ് സ്ഥലത്തെത്തി നടത്തിയ പരിശോധനയിലാണ് നാതിയാണ് മരിച്ചതെന്ന് സ്ഥിരീകരിച്ചത്. തലയിടിച്ചുവീണാണ് മരണം സംഭവിച്ചത്.
പട്ടായയില് ബീചിന് സമീപത്തുള്ള 29 നില കെട്ടിടത്തിനു മുകളില്നിന്ന് നിയമവിരുദ്ധമായാണ് ഇയാള് ആകാശച്ചാട്ടം നടത്തിയതെന്ന് അധികൃതര് പറഞ്ഞു. ചാടാന് ആവശ്യമായ അനുമതി നാതിക്കു ലഭിച്ചിരുന്നില്ല. നാതി ഇതിനു മുന്പും ഇതേ കെട്ടിടത്തില്നിന്ന് ആകാശച്ചാട്ടം നടത്തിയിരുന്നുവെന്ന് കെട്ടിടത്തിലെ സെക്യൂരിറ്റി ഗാര്ഡ് പറഞ്ഞു.
ഇത്തവണ കാറില് കെട്ടിടത്തിനു സമീപമെത്തിയ നാതി, ഒപ്പമുണ്ടായിരുന്ന സുഹൃത്തിനെ തന്റെ ആകാശച്ചാട്ടം വീഡിയോയില് പകര്ത്താന് ഏല്പ്പിച്ച് കെട്ടിടത്തിനു മുകളിലേക്കു പോവുകയായിരുന്നുവെന്ന് പൊലീസ് വിശദീകരിച്ചു. കൗണ്ട് ഡൗണിനു പിന്നാലെ ഇയാള് കെട്ടിടത്തില്നിന്ന് എടുത്തുചാടിയെങ്കിലും പാരച്യൂട് നിവര്ത്താനായില്ല. ഇതോടെയാണ് നിലത്ത് തലയിടിച്ചു വീണ് മരണം സംഭവിച്ചത്. സാങ്കേതിക തകരാറാകാം പാരഷൂട് തുറക്കാതിരിക്കാന് കാരണമെന്ന നിഗമനത്തിലാണ് പൊലീസ്.
ശനിയാഴ്ച രാത്രി 7.30നാണ് അപകടത്തേക്കുറിച്ച് വിവരം ലഭിക്കുന്നതെന്ന് പൊലീസ് പറഞ്ഞു. ഉടന് തന്നെ പൊലീസ് സംഘം സ്ഥലത്തെത്തിയെങ്കിലും മരണം സംഭവിച്ചിരുന്നു. വൈദ്യസംഘത്തെ അടിയന്തരമായി സ്ഥലത്തേക്കു വിളിച്ചുവരുത്തിയെങ്കിലും മരിച്ചതായി സ്ഥിരീകരിച്ചു. അപകടത്തിന്റെ പശ്ചാത്തലത്തില് പൊലീസ് കേസെടുത്ത് അന്വേഷണം ആരംഭിച്ചു.
Keywords: British Skydiver Falls To Death From 29-Storey Building As Parachute Fails To Open, Thailand, News, British Skydiver Falls To Death, Parachute, Accident, Security, Obituary, Police, Probe, World News.