നമുക്ക് കാണാവുന്ന ഒരേയൊരു മാന്ത്രിക മാറ്റം 'സി' ആണെന്നാണ് (At least we can C one change that's magical) സാംസങ് പരിഹസിച്ചിരിക്കുന്നത്. ആപ്പിളിനെതിരെ പരോക്ഷമായ ആക്രമണം നടത്തി ഒരു കൂട്ടം ട്വീറ്റുകളും കമ്പനി പങ്കിട്ടു. ആപ്പിളിനെതിരെയുള്ള സാംസങ്ങിന്റെ സോഷ്യൽ മീഡിയ ആക്രമണത്തിന് വൺപ്ലസിന്റെ പിന്തുണയും ലഭിച്ചു. 60 ഹെട്സ് പുതുക്കൽ നിരക്കിന് ആപ്പിൾ ഐഫോൺ 15, ആപ്പിൾ ഐഫോൺ 15 പ്ലസ് എന്നിവയെ വൺപ്ലസ് ആദ്യം കളിയാക്കി. യുഎസ്ബി-സി ഒരു പുതിയ കണ്ടുപിടുത്തമായി പ്രദർശിപ്പിച്ചതിന് ബ്രാൻഡ് ആപ്പിളിനെ പരിഹസിക്കുകയും ചെയ്തു. ഐഫോൺ 15 സീരീസും മുൻ മോഡലുകളും ഒന്നുതന്നെയാണെന്നും കാര്യമായ മാറ്റങ്ങൾ ഒന്നുമില്ലെന്നുമാണ് കമ്പനികൾ പറയാതെ പറയുന്നത്.
ആൻഡ്രോയിഡ് ഉപഭോക്താക്കൾ സാംസങ്ങിന്റെയും വൺപ്ലസിന്റെയും പോസ്റ്റുകളോട് യോജിച്ചുവെങ്കിലും, ആപ്പിൾ ആരാധകർ പോസ്റ്റുകളിൽ തൃപ്തരാകാതെ കമ്പനിയെ രക്ഷിക്കാൻ രംഗത്തെത്തി. ഒരു ആപ്പിൾ ആരാധകൻ സാംസങ്ങിനോട് 'ഉയർന്ന നിലവാരമുള്ള സ്നാപ്ചാറ്റ് ചിത്രം' എടുക്കാൻ ആവശ്യപ്പെട്ടുകൊണ്ട് പരിഹസിച്ചപ്പോൾ, 'എന്റെ ഐഫോണിന്റെ ചാർജർ ലഭിക്കാൻ ഞാൻ സാംസങ് വാങ്ങും' എന്ന് മറ്റൊരു ഉപയോക്താവ് എഴുതി.
At least we can C one change that's ✨ magical ✨
— Samsung Mobile US (@SamsungMobileUS) September 12, 2023
ആപ്പിൾ ഐഫോൺ 15 സീരീസിൽ ആപ്പിൾ ഐഫോൺ 15, ആപ്പിൾ ഐഫോൺ 15 പ്ലസ്, ആപ്പിൾ ഐഫോൺ 15 പ്രോ, ആപ്പിൾ ഐഫോൺ 15 പ്രോ മാക്സ് എന്നിവ ഉൾപ്പെടുന്നു. 128 ജിബി ഐഫോൺ 15ന്റെ ഇന്ത്യയിലെ വില ഏകദേശം 80,000 രൂപയാണ്. 128 ജിബി സ്റ്റോറേജുള്ള ഐഫോൺ 15 പ്രോയുടെ വില 1,34,900 രൂപയും 256 ജിബിയുള്ള ഐഫോൺ 15 പ്രോ മാക്സിന് 1,59,900 രൂപയുമാണ് വില. ഈ ഐഫോൺ സെപ്റ്റംബർ 22ന് വിപണിയിൽ അവതരിപ്പിക്കും. അടുത്ത വര്ഷം അവസാനത്തോടെ എല്ലാ ഫോണുകളും ചാര്ജ് ചെയ്യാവുന്ന ചെറിയ ഉപകരണങ്ങളും യുഎസ്ബി– സി ചാര്ജിങ് കേബിളുകളിലോട്ട് മാറണമെന്ന് യൂറോപ്യന് യൂണിയന് വ്യക്തമാക്കിയിരുന്നു. ഇതിന്റെ പശ്ചാത്തലത്തിലാണ് ആപ്പിളിന്റെ പുതിയ മാറ്റം.
Keywords: News, National, New Delhi, Samsung, Apple, iPhone, Mobile Phone, iPhone 15, Samsung In Latest Jibe At Apple Over Port Change.
< !- START disable copy paste -->