നേരത്തെ നാല് അക്കവും ആറ് അക്കവുമായ ഹാള്‍മാര്‍ക്കുകള്‍ സംബന്ധിച്ച് ധാരാളം ആശയക്കുഴപ്പങ്ങള്‍ നിലനിന്നിരുന്നു. ഇപ്പോള്‍ ഇത് നീക്കം ചെയ്തുകൊണ്ട്, ആറ് നമ്പറുകളുടെ ആല്‍ഫാന്യൂമറിക് ഹാള്‍മാര്‍ക്കിംഗ് മാത്രമേ സാധുതയുള്ളൂവെന്ന് ഉപഭോക്തൃകാര്യ മന്ത്രാലയം വ്യക്തമാക്കി. ഇതില്ലാതെ ഒരു കടയുടമയ്ക്കും ആഭരണങ്ങള്‍ വില്‍ക്കാന്‍ കഴിയില്ല. കഴിഞ്ഞ ഒന്നര വര്‍ഷമായി രാജ്യത്ത് വ്യാജ ആഭരണങ്ങള്‍ വില്‍ക്കുന്നത് തടയാന്‍ പുതിയ ഹാള്‍മാര്‍ക്കിംഗ് നിയമങ്ങള്‍ നടപ്പിലാക്കാന്‍ സര്‍ക്കാര്‍ ശ്രമിക്കുന്നുണ്ട്.
എച്ച് യു ഐ ഡി നമ്പര്‍
ഏതൊരു ആഭരണത്തിന്റെയും പരിശുദ്ധി തിരിച്ചറിയാനാണ് ഈ ആറ് അക്ക നമ്പര്‍. ഈ നമ്പര്‍ വഴി ആഭരണങ്ങളെക്കുറിച്ചുള്ള എല്ലാ വിവരങ്ങളും ലഭിക്കും. നമ്പര്‍ സ്‌കാന്‍ ചെയ്യുന്നത് വ്യാജ സ്വര്‍ണമോ മായം കലര്‍ന്ന ആഭരണങ്ങളോ ഒഴിവാക്കാന്‍ ഉപഭോക്താക്കളെ സഹായിക്കുന്നു. ഇത് സ്വര്‍ണത്തിന്റെ പ്യൂരിറ്റി സര്‍ട്ടിഫിക്കറ്റ് പോലെയാണ്. 2021 ജൂണ്‍ 16 വരെ, ഹാള്‍മാര്‍ക്ക് ചെയ്ത ആഭരണങ്ങള്‍ വില്‍ക്കുന്നത് നിര്‍ബന്ധമല്ലായിരുന്നു. എന്നാല്‍ 2021 ജൂലൈ ഒന്ന് മുതല്‍ സര്‍ക്കാര്‍ എച്ച് യു ഐ ഡി ആരംഭിച്ചു. രാജ്യത്ത് ഹാള്‍മാര്‍ക്കിംഗ് എളുപ്പമാക്കുന്നതിന്, 85 ശതമാനം പ്രദേശങ്ങളിലും സര്‍ക്കാര്‍ ഹാള്‍മാര്‍ക്കിംഗ് കേന്ദ്രങ്ങള്‍ തുറന്നിട്ടുണ്ട്.
പഴയ ആഭരണങ്ങളെ ബാധിക്കുമോ?
2023 ഏപ്രില്‍ ഒന്ന് മുതല്‍ സ്വര്‍ണാഭരണങ്ങള്‍ക്ക് ഹാള്‍മാര്‍ക്കിംഗ് നിര്‍ബന്ധമാക്കിയിട്ടുണ്ടെങ്കിലും, പഴയ ആഭരണങ്ങള്‍ വില്‍ക്കുന്നതിന് ഹാള്‍മാര്‍ക്കിംഗ് ആവശ്യമില്ല. പഴയ ആഭരണങ്ങള്‍ വില്‍ക്കുന്ന നിയമത്തില്‍ സര്‍ക്കാര്‍ ഒരു മാറ്റവും വരുത്തിയിട്ടില്ല. ആറ് അക്ക ഹാള്‍മാര്‍ക്ക് ഇല്ലാതെ പഴയ ആഭരണങ്ങളും വില്‍ക്കാം.
Keywords: News, National, Top-Headlines ,Gold, Government-of-India, Central Government, Hallmark Unique Identification (HUID), Importance And Benefits Of Hallmark Unique Identification (HUID) Number.
< !- START disable copy paste -->