യൂറോപ്പിലുടനീളം, ദുഃഖവെള്ളിയാഴ്ച പ്രാദേശിക പള്ളിക്ക് ഒരുതരം വാര്‍ഷിക തുകയ്ക്കൊപ്പം മുട്ടയും നല്‍കിയിരുന്നു. മുട്ട സമ്മാനമായി നല്‍കുക എന്ന ആശയം ഇവിടെ നിന്നായിരിക്കാം തുടങ്ങിയതെന്ന് കരുതുന്നു. പിന്നീട് പല പ്രദേശങ്ങളിലും ഈ ആചാരം ഇല്ലാതായി, എന്നാല്‍ ചില ഇംഗ്ലീഷ് ഗ്രാമങ്ങള്‍ 19-ാം നൂറ്റാണ്ട് വരെ ഈ പാരമ്പര്യം നിലനിര്‍ത്തി. മുട്ടകള്‍ അലങ്കരിക്കാന്‍ തുടങ്ങിയത് എന്ന് മുതലാണെന്ന് കൃത്യമായി അറിവില്ല, എന്നാല്‍ ഗവേഷണം ചൂണ്ടിക്കാണിക്കുന്നത് പതിമൂന്നാം നൂറ്റാണ്ടിലാണ്, എഡ്വേര്‍ഡ് ഒന്നാമന്‍ രാജാവ് തന്റെ കൊട്ടാരക്കാര്‍ക്ക് സ്വര്‍ണ ഇലയില്‍ പൊതിഞ്ഞ മുട്ടകള്‍ നല്‍കിയിരുന്നുവെന്നാണ് ചരിത്രം.
മുട്ടകള്‍ക്ക് നിറം പൂശുന്നത് ഇപ്പോഴും ഒരു സാധാരണ ഈസ്റ്റര്‍ പ്രവര്‍ത്തനമാണെങ്കിലും, അടുത്തിടെയായി മുട്ടകള്‍ സാധാരണയായി ചോക്ലേറ്റുമായി ബന്ധപ്പെട്ടിരിക്കുന്നു. എന്നാല്‍ എപ്പോഴാണ് ഈ മാറ്റം സംഭവിച്ചത്?
പതിനേഴാം നൂറ്റാണ്ടില്‍ ബ്രിട്ടനില്‍ ചോക്ലേറ്റ് എത്തിയപ്പോള്‍, അത് ആവേശകരവും വളരെ ചിലവേറിയതുമായിരുന്നു. 1847 -ല്‍ ഫ്രൈസ് (ഇപ്പോള്‍ കാഡ്ബറിയുടെ ഭാഗം) ചോക്ലേറ്റ് വ്യാപാരത്തില്‍ വിപ്ലവം സൃഷ്ടിച്ചുകൊണ്ട് ആദ്യത്തെ സോളിഡ് ചോക്ലേറ്റ് ബാറുകള്‍ നിര്‍മ്മിച്ച 19-ാം നൂറ്റാണ്ടിലും ചോക്ലേറ്റ് വിലയേറിയതായി തുടര്‍ന്നു.
മുപ്പത് വര്‍ഷത്തിന് ശേഷം, 1873-ല്‍, ഫ്രൈസ് ആദ്യത്തെ 'ചോക്ലേറ്റ് ഈസ്റ്റര്‍ മുട്ട' എന്ന ആഡംബര സമ്മാനങ്ങള്‍ വികസിപ്പിച്ചെടുത്തു. 1960 കളിലും 1970 കളിലും മാത്രമാണ് സൂപ്പര്‍മാര്‍ക്കറ്റുകള്‍ ഈസ്റ്റര്‍ പാരമ്പര്യത്തില്‍ നിന്ന് ലാഭം പ്രതീക്ഷിച്ച് കുറഞ്ഞ വിലയ്ക്ക് ചോക്ലേറ്റ് മുട്ടകള്‍ നല്‍കാന്‍ തുടങ്ങിയത്. ഈസ്റ്റര്‍ ദിനത്തില്‍ രാവിലെ വീട്ടുകാര്‍ മുട്ടകള്‍ കുട്ടികള്‍ക്കായി ഒളിപ്പിച്ചുവയ്ക്കും. ഇതുപോലെ ഈസ്റ്റര്‍ രാത്രിയിലെ ചടങ്ങുകള്‍ക്ക് ശേഷം ചില പള്ളികളില്‍ ഈസ്റ്റര്‍ മുട്ട ആശീര്‍വദിച്ച് വിശ്വാസികള്‍ക്ക് വിതരണം ചെയ്യാറുമുണ്ട്.
രണ്ടു രീതിയിലാണ് ഈസ്റ്റര്‍ മുട്ടകള്‍ ഉണ്ടാക്കാറുള്ളത്. കോഴിയുടെയോ താറാവിന്റെയോ മുട്ട തിളപ്പിച്ചു പുറന്തോട് ചായങ്ങള്‍ കൊണ്ടോ വരകള്‍ കൊണ്ടോ അലങ്കരിച്ച് ആകര്‍ഷകമാക്കിയെടുക്കുന്നതാണ് പരമ്പരാഗത രീതിയിലുള്ള ഈസ്റ്റര്‍ മുട്ട. പിന്നീട് ചോക്ലേറ്റ് മുട്ടകളും പ്ലാസ്റ്റിക് മുട്ടകളും ഒക്കെ പ്രചാരത്തില്‍ വന്നു. അതിനകത്ത് മിഠായികളോ ചോക്ലേറ്റുകളോ നിറച്ചു ഭംഗിയുള്ള വര്‍ണക്കടലാസുകളില്‍ പൊതിയും.
ഈസ്റ്റര്‍ മുട്ടകളില്‍ ചുവപ്പ് മുട്ടകള്‍ക്കു പ്രത്യേക പ്രാധാന്യമുണ്ട്. ക്രിസ്തുവിന്റെ രക്തത്തിന്റെ ഓര്‍മയ്ക്കായാണ് ചുവപ്പു മുട്ടകള്‍ ഉണ്ടാക്കുന്നതെന്നാണ് പറയുന്നത്. അകം പൊള്ളയായ മുട്ടകളും കൈമാറാറുണ്ട്. ക്രിസ്തുവിന്റെ ഉയിര്‍പ്പിനു ശേഷമുള്ള ഒഴിഞ്ഞ കല്ലറകളെ സൂചിപ്പിക്കുന്നതിനാണിത്.
ഈസ്റ്റര്‍ ദിനത്തില്‍ പല തരത്തിലുള്ള സ്വാദിഷ്ടമായ വിഭവങ്ങള്‍ ഉണ്ടാക്കാറുണ്ടെങ്കിലും ഈസ്റ്റര്‍ മുട്ടയ്ക്ക് അതിന്റേതായ പ്രത്യേക സ്ഥാനമുണ്ട്. വര്‍ണാഭമായ ചോക്ലേറ്റ് മുട്ടകളില്‍ കുട്ടികള്‍ പ്രത്യേകിച്ചും ആവേശഭരിതരാണ്. ഈ അവസരത്തില്‍ ആളുകള്‍ പരസ്പരം മുട്ടകള്‍ സമ്മാനിക്കുന്നു. പുതിയ ജീവിതത്തിന്റെയും പുതിയ ഉത്സാഹത്തിന്റെയും സന്ദേശം മുട്ടയില്‍ ഒളിഞ്ഞിരിക്കുന്നതിനാല്‍ ഈ പാരമ്പര്യം മിക്കവരും പിന്തുടരുന്നു.
Keywords: News, National, Top-Headlines, Religion, Easter, Jesus Christ, Celebration, Festival, Easter Egg, Fascinating history of the Easter egg.
< !- START disable copy paste -->