നാല് വർഷത്തിന് ശേഷം ഷാരൂഖ് ഖാന്റെ ബിഗ് സ്ക്രീനിലേക്കുള്ള തിരിച്ചുവരവ് അടയാളപ്പെടുത്തിയ പത്താൻ ആയിരുന്നു ഈ വർഷം ഹിറ്റായ ആദ്യ ചിത്രം.
ദംഗലിനെ (2016) തോൽപ്പിച്ച് ഏറ്റവും കൂടുതൽ കലക്ഷൻ നേടിയ ഹിന്ദി ചിത്രമായി പത്താൻ മാറി. പ്രേക്ഷകരെ സിനിമയിലേക്ക് തിരിച്ചുകൊണ്ടുവരുന്നതിൽ ഷാരൂഖ് ഖാൻ അടക്കമുള്ളവർ വിജയിച്ചു. രൺവീർ സിംഗ്, പങ്കജ് ത്രിപാഠി, ആയുഷ്മാൻ ഖുറാന എന്നിവരും യഥാക്രമം റോക്കി ഓർ റാണി കി പ്രേം കഹാനി, ഓ എം ജി 2, ഡ്രീം ഗേൾ 2 എന്നിവയിലെ ഹിറ്റുകളാൽ സമൃദ്ധമായ കാലഘട്ടത്തിലേക്ക് സംഭാവന നൽകി. ചലചിത്ര നിർമാതാവ് ആറ്റ്ലി, അഭിനേതാക്കളായ നയൻതാര, വിജയ് സേതുപതി, സംഗീതസംവിധായകൻ അനിരുദ്ധ് രവിചന്ദർ എന്നിവരുടെ സാന്നിധ്യത്തിൽ ദക്ഷിണേന്ത്യൻ പ്രദേശങ്ങളിൽ ഏറ്റവും കൂടുതൽ കലക്ഷൻ നേടിയ ഹിന്ദി ചിത്രമായി ജവാൻ മാറി.
പണം വാരി ചിത്രങ്ങൾ
നിലവിൽ രൺബീർ കപൂറിന്റെ ചിത്രം 'അനിമൽ' ബോക്സ് ഓഫീസിൽ വൻ വരുമാനം നേടുകയാണ്. ചിത്രം രണ്ട് ദിവസം കൊണ്ട് ഇന്ത്യയിൽ 131 കോടി രൂപ പിന്നിട്ടു. ആദ്യ ദിനം തന്നെ പത്താൻ, ടൈഗർ 3, ഗദർ 2 എന്നീ ചിത്രങ്ങളുടെ കലക്ഷൻ റെക്കോർഡുകളാണ് അനിമൽ തകർത്തത്. സണ്ണി ഡിയോൾ ചിത്രം 'ഗദർ 2' ഓഗസ്റ്റ് 11 നാണ് തിയേറ്ററുകളിൽ എത്തിയത്. താരാ സിംഗ് ആയി താരം വെള്ളിത്തിരയിൽ വീണ്ടും ആധിപത്യം സ്ഥാപിച്ചു. ലോകമെമ്പാടുമായി ഗദർ 2ന്റെ മൊത്തം വരുമാനം 691 കോടി രൂപയാണ്.
ഷാരൂഖ് ഖാന്റെ ഈ വർഷത്തെ രണ്ടാമത്തെ ചിത്രമായ 'ജവാൻ' സെപ്തംബറിലാണ് റിലീസ് ചെയ്തത്. വരുമാനത്തിന്റെ കാര്യത്തിൽ ‘പഠാന്റെ’ റെക്കോർഡും ജവാൻ തകർത്തു. ലോകമെമ്പാടുമുള്ള മൊത്തം കലക്ഷൻ 1148 കോടി രൂപയായിരുന്നു. 'പത്താൻ', 'ജവാൻ' എന്നിവയുടെ ആകെ വരുമാനം 2198 കോടി രൂപയാണ് എന്നതാണ് അത്ഭുതപ്പെടുത്തുന്ന വസ്തുത. സൽമാൻ ഖാനും ഈ വർഷം നേട്ടം കുറിച്ചു. താരത്തിന്റെ 'ടൈഗർ 3' ദീപാവലി ദിനത്തിൽ നവംബർ 12 ന് പുറത്തിറങ്ങി, ഇതുവരെ ലോകമെമ്പാടുമായി 458 കോടി രൂപ നേടിയിട്ടുണ്ട്.
Ketwords: Bollywood, Sharu Khan, Jawan, Pathaan, Salman khan, Taiger, Navomber, Augest, Income, Film News, Entertainme How Bollywood made a comeback in 2023