ഇവയുടെ ഏറ്റക്കുറച്ചിലുകൾ ആർത്തവത്തിന്റെ സമയം, ദൈർഘ്യം, തീവ്രത എന്നിവയെ ബാധിക്കും. ആർത്തവത്തെ മാത്രമല്ല, ഹോർമോൺ വ്യതിയാനം മറ്റു ചില ആരോഗ്യ പ്രശ്നങ്ങൾ കൂടി ഉണ്ടാക്കിയേക്കാം. മാനസികപരമായ മാറ്റങ്ങൾ മുതൽ മലബന്ധം, വയറിളക്കം തുടങ്ങിയ നിരവധി ആരോഗ്യ പ്രശ്നങ്ങളിലേക്ക് നയിച്ചേക്കാം. അധിക ആളുകളും നേരിടുന്ന മറ്റൊരു പ്രശ്നമാണ് അമിതമായ സമ്മർദം. ഇത് കാരണം ഹോർമോൺ വ്യതിയാനത്തിന് കാരണമാകുകയും അതുവഴി ആർത്തവത്തെ ക്രമ രഹിതമാക്കുകയും ചെയ്യുന്നു. കോർട്ടിസോൾ എന്ന ഹോർമോൺ പുറത്തു വിടാൻ കാരണമാവുകയും ചെയ്യുന്നു. ഉയർന്ന അളവിലുള്ള കോർട്ടിസോൾ ഉത്കണ്ഠയ്ക്കും വിഷാദത്തിനും കാരണമാകും.
കൂടാതെ നമ്മുടെ ദൈനം ദിന ജീവിതത്തിൽ ഉണ്ടാകുന്ന ചെറുതും വലുതുമായ വിവിധ ആരോഗ്യപ്രശ്നങ്ങൾ കാരണവും ആർത്തവ ക്രമക്കേടുകൾ സംഭവിക്കാവുന്നതാണ്. തൈറോയ്ഡ് തകരാറുകൾ, പ്രത്യുൽപാദന പ്രശ്നങ്ങൾ, പോളിസിസ്റ്റിക് ഓവേറിയൻ സിൻഡ്രോം (PCOS) എന്നിവയുൾപ്പെടെയുള്ള പല രോഗാവസ്ഥകളും ആർത്തവ ക്രമക്കേടുകളോ കാലതാമസമോ ഉണ്ടാകുവാൻ കാരണമാകാറുണ്ടെന്ന് പഠനങ്ങൾ പറയുന്നു. കൂടാതെ, നമ്മുടെ ജീവിതത്തിൽ ഫിറ്റ്നസിന് വലിയ പ്രാധാന്യമുണ്ട്. അതിന് വേണ്ടി ഒരു പാട് വ്യായാമം ചെയ്യാനും ശ്രദ്ധിക്കാറുണ്ട്. ആരോഗ്യപരമായ വ്യായാമം ശരീരത്തിനും മനസിനും നല്ലതാണ്. എന്നാൽ അമിതമായ വ്യായാമം കുഴപ്പങ്ങൾ സൃഷ്ടിച്ചേക്കാം. ആർത്തവം വൈകാനുള്ള മറ്റൊരു കാരണമായി ഇത് മാറിയേക്കാം.
അത് പോലെ മിക്ക ആളുകളുടെയും തലവേദനയായി മാറിയിരിക്കുകയാണ് പൊണ്ണത്തടി. ഇത് നിരവധി ആരോഗ്യ പ്രശ്നങ്ങൾ ഉണ്ടാക്കുന്നതിന് ഒപ്പം ആർത്തവ ക്രമക്കേടിനും കാരണമാകാം. ശരീരം അമിതമായി മെലിയുന്നതും ആരോഗ്യകരമല്ല, ഇതും ആർത്തവ ക്രമത്തെ അവതാളത്തിലാക്കാൻ കാരണമായേക്കാം. ഭാരം കൂടുകയോ കുറയുകയോ ചെയ്യുന്നത് ഹോർമോൺ സന്തുലിതാവസ്ഥയെ ബാധിച്ചേക്കാം. ഇത് ക്രമരഹിതമായ ആർത്തവത്തിന് വഴിവെക്കാം. മേൽപറഞ്ഞ കാര്യങ്ങളെല്ലാം സാധാരണ നാം ആളുകളിൽ കണ്ട് വരുന്നതാണ്. ഇക്കാര്യങ്ങൾ കൊണ്ടൊക്കെ സ്ത്രീകളിലെ ആർത്തവ ക്രമത്തെ ബാധിച്ചേക്കാം. കാരണങ്ങൾ ഇതൊക്കെയാണെങ്കിലും ആർത്തവം വൈകുമ്പോഴോ അടിക്കടി ഉണ്ടാകുമ്പോഴോ അമിതമായ രക്തസ്രാവം ഉണ്ടാവുകയോ ചെയ്യുമ്പോൾ സ്വയം രോഗനിർണയം നടത്താതെ ഡോക്ടറെ കാണേണ്ടതാണ്.
Keywords: News, Malayalam News, National, Period problems, Health Tips, Health, Lifestyle, Diseases, What causes menstrual irregularities?< !- START disable copy paste -->