ഞായറാഴ്ച (14.04.2024) രാത്രി 10 മണിയോടെ വളഞ്ഞമ്പലത്താണ് അപകടം ഉണ്ടായത്. കയര്‍ കഴുത്തില്‍ കുടുങ്ങി റോഡില്‍ തലയടിച്ചുവീണ മനോജിനെ ആശുപത്രിയില്‍ എത്തിച്ചെങ്കിലും മരണം സംഭവിക്കുകയായിരുന്നു. സമീപത്ത് പൊലീസ് ഉള്‍പെടെ ഉള്ളപ്പോഴായിരുന്നു അപകടം. പൊലീസുകാരാണ് മനോജിനെ ഉടന്‍ ആശുപത്രിയില്‍ എത്തിച്ചത്. ചികിത്സയിലിരിക്കെ രാത്രി ഒന്നരയോടെയായിരുന്നു മരണം.
വിവിഐപി സുരക്ഷയുടെ ഭാഗമായി ഗതാഗതം തിരിച്ചുവിടാനായി, എസ്എ റോഡില്‍ നിന്ന് വന്ന് എംജി റോഡിലേക്ക് കയറുന്ന ഭാഗത്താണ് റോഡില്‍ കയര്‍ കെട്ടിയിരുന്നത്. എന്നാല്‍ തങ്ങള്‍ കൈ കാണിച്ചിട്ടും നിര്‍ത്താതെ മുന്നോട്ട് പോയപ്പോഴാണ് മനോജ് ഉണ്ണി അപകടത്തില്‍ പെട്ടതെന്നാണ് പൊലീസ് വിശദീകരണം.
Keywords: News, Kerala, Kerala-News, Accident-News, Malayalam-News, Kochi News, Youth, Died, Road Accident, Accidental Death, Prime Minister, Rope, Tied, Road, Kochi: Youth died in road accident.