കിരണ്‍ റാവുവിന്റെ വാക്കുകള്‍:
ഒരു വര്‍ഷത്തോളം ഒന്നിച്ചു താമസിച്ചതിന് ശേഷമാണ് ഞാനും ആമിറും വിവാഹം കഴിക്കുന്നത്. വ്യക്തിയായും ദമ്പതികളായും സമൂഹത്തില്‍ ഒന്നിച്ച് പ്രവര്‍ത്തിക്കാന്‍ കഴിയുമെങ്കില്‍ അതൊരു മഹത്തരമായ കാര്യമാണ്. വിവാഹം, പ്രത്യേകിച്ച് സ്ത്രീകളിലുണ്ടാക്കുന്ന നിയന്ത്രണത്തെക്കുറിച്ച് ഞങ്ങള്‍ വേണ്ടത്ര സംസാരിച്ചിട്ടില്ല. വിവാഹമോചനത്തില്‍ ഭയമോ ആശങ്കയോ ഇല്ല.
കാരണം വ്യക്തികള്‍ എന്ന നിലയില്‍ ഞങ്ങള്‍ നല്ല ബന്ധം ഇപ്പോഴും തുടരുന്നുണ്ട്. ഞങ്ങള്‍ പരസ്പരം ബഹുമാനിക്കുകയും സ്‌നേഹിക്കുകയും ചെയ്യുന്നു. അതിന് ഇപ്പോഴും മാറ്റമൊന്നുമുണ്ടായിട്ടില്ല. ജീവിതത്തില്‍ എനിക്ക് എന്റേതായ ഒരു സ്‌പെയ്‌സ് വേണമായിരുന്നു. സ്വതന്ത്രമായി ജീവിക്കാന്‍ ആഗ്രഹിച്ചു. എനിക്ക് സ്വയം വളരാന്‍ അത് ആവശ്യമായിരുന്നു. അത് ആമിര്‍ അംഗീകരിക്കുകയും പിന്തുണക്കുകയും ചെയ്തു.
അഭിപ്രായ വ്യത്യസങ്ങളോ മറ്റുള്ള പ്രശ്‌നങ്ങളോ അല്ല ഞങ്ങളുടെ വിവാഹമോചനത്തിന് കാരണം. അതിനാല്‍ വേര്‍പിരിയലിനെ പേടിക്കുന്നില്ല- എന്നും കിരണ്‍ റാവു പറഞ്ഞു. 2005ല്‍ ആണ് ആമിര്‍ ഖാനും കിരണ്‍ റാവുവും വിവാഹിതരാകുന്നത്. 2021 ല്‍ ഇരുവരും നിയമപരമായി വേര്‍പിരിഞ്ഞു. ഇവര്‍ക്ക് ആസാദ് റാവു ഖാന്‍ എന്നൊരു മകനുണ്ട്.
Keywords: Kiran Rao on divorce with Aamir Khan: ‘I wanted to live independently’, Mumbai, News, Kiran Rao, Divorce, Aamir Khan, Friendship, Director, Women, National News.