അടുത്തിടെ ഇലക്ട്രിക് ഇരുചക്രവാഹന നിര്മാതാക്കളായ മൈ ഇവി സ്റ്റോര് തങ്ങളുടെ പുതിയ ഇലക്ട്രിക് സ്കൂട്ടര് ഐഎംഇ റാപ്പിഡ് (IME Rapid) ഇന്ത്യന് വിപണിയില് അവതരിപ്പിച്ചു. ഈ ഇലക്ട്രിക് സ്കൂട്ടറിന് ഒറ്റ ചാര്ജില് 300 കിലോമീറ്റര് വരെ സഞ്ചരിക്കാന് കഴിയുമെന്നും അതിന്റെ വേഗത മണിക്കൂറില് 80 കിലോമീറ്ററാണെന്നും കമ്പനി അവകാശപ്പെടുന്നു. വേരിയന്റിനെ ആശ്രയിച്ച്, ഐഎംഇ റാപ്പിഡിന്റെ വില 99,000 മുതല് 1.48 ലക്ഷം രൂപ വരെയാണ്.
മൂന്ന് വ്യത്യസ്ത വേരിയന്റുകളിലായാണ് കമ്പനി ഈ ഇലക്ട്രിക് സ്കൂട്ടര് വിപണിയില് അവതരിപ്പിച്ചിരിക്കുന്നത്. ഇതിന് 2000 വാട്സ് (2 kWh) മോട്ടോര് നല്കിയിട്ടുണ്ട്. ഒറ്റ ചാര്ജില് 100 ??കിലോമീറ്റര് വരെ സഞ്ചരിക്കാന് ആദ്യ ശ്രേണിയിലുള്ള ഇലക്ട്രിക് സ്കൂട്ടറുകള്ക്കാവും. രണ്ടാമത്തെ വേരിയന്റിന് ഒറ്റ ചാര്ജില് 200 കിലോമീറ്റര് റേഞ്ച് നല്കും. മൂന്നാമത്തെ വേരിയന്റ് ഒറ്റ ചാര്ജില് 300 കിലോമീറ്റര് റേഞ്ച് നല്കുന്നു.
ഈ ഇലക്ട്രിക് സ്കൂട്ടര് കമ്പനി ബെംഗ്ളൂരിലാണ് പുറത്തിറക്കിയിട്ടുള്ളത്, വരും സമയങ്ങളില് കര്ണാടകയില് ഉള്പ്പെടെ സമീപത്തെ 20 മുതല് 25 വരെ നഗരങ്ങളില് അവതരിപ്പിക്കുമെന്നാണ് റിപോര്ട്ടുകള്. സ്കൂട്ടറിന്റെ വില്പ്പനയ്ക്കായി ഫ്രാഞ്ചൈസി ഉടമസ്ഥതയിലുള്ള കമ്പനി ഓപ്പറേറ്റഡ് (FOCO) മോഡലും കമ്പനി പരിഗണിക്കുന്നുണ്ട്. ഉപഭോക്താക്കള്ക്ക് ആകര്ഷകവും ലളിതവുമായ ഫിനാന്സ് സ്കീമുകള് വാഗ്ദാനം ചെയ്യുന്നതിനായി കൊട്ടക് മഹീന്ദ്ര, ശ്രീറാം ഫിനാന്സ്, മണപ്പുറം ഫിനാന്സ് എന്നിവയുള്പ്പെടെയുള്ള പ്രമുഖ ധനകാര്യ സ്ഥാപനങ്ങളുമായി മൈ ഇവി സ്റ്റോര് സഹകരിക്കുന്നുണ്ട്.
Keywords: Electric Scooters, EV, Automobile, Vehicle, Lifestyle, Electric Vehicles, IME Rapid, MY EV Store introduces IME Rapid with a claimed range of 300 km.
< !- START disable copy paste -->