വ്യാഴാഴ്ച വൈകുന്നേരം മൂന്ന് മണിക്ക് കണ്ണൂര് കലക്ടറേറ്റ് മൈതാനിയിലാണ് പൊതുസമ്മേളനം നടക്കുക. പതിനായിരങ്ങള് പങ്കെടുക്കുന്ന ബഹുജനറാലി വൈകുന്നേരം മൂന്ന് മണിക്ക് കണ്ണൂര് പ്രഭാത് ജംഗ്ഷനില് നിന്നാരംഭിച്ച് സമ്മേളന നഗരിയായ കലക്ടറേറ്റ് മൈതാനിയില് സമാപിക്കും. പൊതുസമ്മേളനം യുവമോര്ച്ച ദേശീയ അധ്യക്ഷന് തേജസ്വി സൂര്യ എംപി ഉദ്ഘാടനം ചെയ്യും. ബിജെപി ദേശീയ ഉപാധ്യക്ഷന് എപി അബ്ദുല്ലക്കുട്ടി, സംസ്ഥാന അധ്യക്ഷന് കെ സുരേന്ദ്രന്, ദേശീയ നിര്വാഹക സമിതിയംഗം പികെ കൃഷ്ണദാസ്, മുന് സംസ്ഥാന അധ്യക്ഷന് സികെ പത്മനാഭന്, കെ രഞ്ജിത്ത്, എന് ഹരിദാസ്, പ്രഫുല് കൃഷ്ണ തുടങ്ങിയ വിവിധ നേതാക്കള് പങ്കെടുക്കും.
ബുധനാഴ്ച രാവിലെ രാവിലെ മോകേരിയിലെ ജയകൃഷ്ണന് മാസ്റ്ററുടെ സ്മൃതികുടീരത്തില് നിന്നാരംഭിച്ച ബലിദാന് ജ്യോതി കൂത്തുപറമ്പ് വഴി വൈകുന്നേരം കണ്ണൂരിലെ സമ്മേളന നഗരിയിലെത്തി. കതിരൂരില് നിന്നാരംഭിച്ച കൊടിമരജാഥയും മട്ടന്നൂരില് നിന്നാരംഭിച്ച പതാകജാഥയും കൂത്തുപറമ്പില് സംഗമിച്ച് വൈകുന്നേരത്തോടെ സമ്മേളന നഗരിയിലെത്തി. വ്യാഴാഴ്ച രാവിലെ 7.30 ന് മാക്കൂല്പീടികയിലെ സ്മൃതികുടീരത്തില് പുഷ്പാര്ച്ചനയും നടക്കും. ബലിദാന വാര്ഷിക ദിനാചരണത്തിന്റെ ഭാഗമായി യൂത് സ്ട്രീറ്റ് എന്ന പേരില് കഴിഞ്ഞ മൂന്ന് ദിവസങ്ങളില് കണ്ണൂര് നഗരത്തില് വിവിധ വിഷയങ്ങളില് സെമിനാര് സംഘടിപ്പിച്ചു. കണ്ണൂര് ടൗണ് സ്ക്വയറില് സംഘപരിവാര് പ്രവര്ത്തകര്ക്ക് നേരെ കണ്ണൂര് ജില്ലയില് നടന്ന അക്രമങ്ങളുടേയും കൊലപാതകങ്ങളുടേയും നേര്ചിത്രം വരച്ച് കാട്ടുന്ന ഫോടോപ്രദര്ശനവും നടന്നുവരികയാണ്.
Keywords: Latest-News, Kerala, Kannur, Political-News, Politics, Police, Conference, Rally, KT Jayakrishnan Master, KT Jayakrishnan Master's Death Anniversary on December 1.
< !- START disable copy paste -->