'കുറഞ്ഞ കാര്‍ബണ്‍ ജീവിതശൈലിയെ അടിസ്ഥാനമാക്കിയായിരുന്നു മല്‍സരം. കൂടുതല്‍ സമാധാനപരവും സമൃദ്ധവും മനോഹരവുമായ നല്ലൊരു ലോകത്തിന് വേണ്ടിയുള്ള ആശയങ്ങള്‍ പ്രോത്സാഹിപ്പിക്കുന്ന ചിത്രങ്ങളാണ് ക്ഷണിച്ചത്. ഭൂമിയും മനുഷ്യനും, ജീവജാലകങ്ങളുടെ നിലനില്‍പ്പ്, ആഗോളതാപനം, പരിസ്ഥിതി സംരക്ഷണം ഇതൊക്കെ മനസിലാക്കി ഞാന്‍ 15 ചിത്രങ്ങള്‍ സമര്‍പിച്ചു', ഷിബു പറഞ്ഞു.
ആദ്യമായിട്ടാണ് മലയാളിക്ക് ആഗോളതലത്തില്‍ രണ്ടാം സ്ഥാനം ലഭിക്കുന്നത്. ഇതിന് മുമ്പ് മൂന്നാം സ്ഥാനം മാത്രമാണ് ലഭിച്ചിട്ടുള്ളത്. നേട്ടത്തോടെ സിബി ഷിബു ലോക പ്രശസ്തരായിട്ടുള്ള കലാകാരന്‍മാരുടെ കൂട്ടത്തിലെത്തി. മുമ്പും ഒട്ടേറെ രാജ്യാന്തര പുരസ്‌കാരങ്ങള്‍ ഷിബു നേടിയിട്ടുണ്ട്. ഹിന്ദുസ്താന്‍ ടൈംസിന്റെ ദേശീയ അംഗീകാരം, ചൈനയില്‍ നിന്ന് സ്‌പെഷ്യല്‍ പ്രൈസ്, സൗത് കൊറിയയില്‍ നിന്ന് നാലു തവണ ഹോണറബിള്‍ ബഹുമതി, ബെല്‍ജിയതില്‍ നടന്ന നോക് ഫീസ്റ്റ് അന്തര്‍ദേശീയ കാര്‍ടൂണ്‍ മേളയില്‍ രാജ്യത്തെ പ്രിതിനിധീകരിക്കാന്‍ ക്ഷണം തുടങ്ങിയവ നേട്ടങ്ങളില്‍ ചിലതാണ്.
2007 ല്‍ തുര്‍കിയില്‍ നടന്ന 24-ാമത് അയ്ഡിന്‍ ഡോഗണ്‍ അന്തര്‍ദേശീയ കാര്‍ടൂണ്‍ മത്സരത്തില്‍ മൂന്നാം സ്ഥാനം ലഭിച്ചതോടെ സിബി ഷിബു എന്ന കലാകാരന്‍ ലോകത്ത് കൂടുതല്‍ ശ്രദ്ധിക്കപ്പെട്ടു. ഈ അവാര്‍ഡ് ഷിബു ഇസ്താംബുളില്‍ വെച്ചാണ് വാങ്ങിയത്. വീണ്ടും തുര്‍കിയില്‍ തന്നെ 2018 -ല്‍ നടന്ന രണ്ടാമത് ഔവര്‍ ഹെറിറ്റേജ് ജറുസലേം ഇന്റര്‍നാഷ്ണല്‍ കാര്‍ടൂണ്‍ മത്സരത്തില്‍ മൂന്നാം സ്ഥാനം ലഭിച്ചു. 2019 ല്‍ ഡെല്‍ഹിയിലെ ഇന്‍സ്റ്റിറ്റിയൂട് ഓഫ് ലിവര്‍ ആന്‍ഡ് ബിലിയറി സയന്‍സിന്റെ പ്രഥമ അന്തര്‍ദേശീയ നോ ടൈം ഫോര്‍ ലിവര്‍ കാര്‍ടൂണ്‍ മത്സരത്തിലും മൂന്നാം സ്ഥാനം നേടി.
2022-ല്‍ ആഥന്‍സിലെ ഡാനിയിടോസ് മുന്‍സിപാലിറ്റിയുടെ ഒമ്പതാമത് ഇന്റര്‍നാഷ്ണല്‍ കാര്‍ടൂണ്‍ എക്‌സിബിഷനില്‍ മെറിറ്റ് അവാര്‍ഡും കരസ്ഥമാക്കി. തുര്‍കി, ജപാന്‍, ചൈന, കൊറിയ, ഇറാന്‍, പോളന്‍ഡ്, ഇറ്റലി, ഗ്രീസ്, ബെല്‍ജിയം, മെക്‌സികോ എന്നിങ്ങനെ ഒട്ടേറെ രാജ്യങ്ങളില്‍ ഷിബുവിന്റെ ചിത്രങ്ങള്‍ പ്രദര്‍ശിപ്പിച്ചിട്ടുണ്ട്. നേരത്തെ കലാരംഗത്തെ അംഗീകാരങ്ങളും നേട്ടങ്ങളും മാനിച്ചുകൊണ്ട് അദ്ദേഹത്തെ എറണാകുളം ജില്ലാ ഭരണകൂടം ഒരു ലക്ഷം രൂപ ക്യാഷ് അവാര്‍ഡ് നല്‍കി അനുമോദിച്ചിരുന്നു.
ഡ്രോയിംഗിലും പെയിന്റിംഗിലും ഫൈന്‍ ആര്‍ട് ഡിപ്ലോമ നേടിയിട്ടുണ്ട്. ചെറിയപാടത്ത് പരേതനായ സി എന്‍ ബാലന്‍ - ശാന്താമണി ദമ്പതികളുടെ മകനാണ്. ചിത്രരചന, ഫോടോഗ്രാഫി, ഡ്രോയിംഗ് അധ്യാപകനാണ്.
Keywords: Latest-News, Kerala, Ernakulam, Top-Headlines, Award, Cartoon, International Cartoon Exhibition, Award to Malayalee in international cartoon exhibition.
< !- START disable copy paste -->