1984ൽ ഇൻഡ്യ സാങ്കേതിക മേഖലയിൽ മറ്റൊരു കുതിച്ചുചാട്ടം നടത്തി. ആ വർഷം ഇൻഡ്യൻ ടെലികമ്യൂണികേഷൻ ശൃംഖല സ്ഥാപിക്കുന്നതിനായി ഇൻഡ്യ സെന്റർ ഫോർ ഡെവലപ്‌മെന്റ് ഓഫ് ടെലിമാറ്റിക്‌സ് (C-DOT) സ്ഥാപിച്ചു. ഈ ഉദ്യമത്തിലൂടെ ഇൻഡ്യയിലെ ജനങ്ങളിലേക്ക് നഗരം മുതൽ ഗ്രാമങ്ങൾ വരെ ഫോണും ഇന്റർനെറ്റും എത്തി.
എന്താണ് C-DOT
ഇൻഡ്യ ഗവൺമെന്റിന്റെ ടെലികോം ടെക്‌നോളജി ഡെവലപ്‌മെന്റ് സെന്ററാണ് സെന്റർ ഫോർ ഡെവലപ്‌മെന്റ് ഓഫ് ടെലിമാറ്റിക്‌സ്. ഇൻഡ്യൻ ടെലികോം ശൃംഖലയുടെ ആവശ്യകതകൾ നിറവേറ്റുന്നതിനായി അത്യാധുനിക ടെലികമ്യൂണികേഷൻ സാങ്കേതികവിദ്യ വികസിപ്പിക്കാനുള്ള പൂർണ അധികാരം ഇതിന് നൽകി. ടെലികമ്യൂണികേഷൻ ടെക്‌നോളജി മേഖലയിൽ മികവിന്റെ ഒരു കേന്ദ്രം സ്ഥാപിക്കുക എന്നതായിരുന്നു ഇതിന്റെ ലക്ഷ്യം. ഈ മേഖലയിൽ വളരെക്കാലമായി ഇത് പ്രവർത്തിക്കുന്നു. 1984-ൽ സി-ഡോടിന്റെ പ്രവർത്തനം തുടക്കത്തിൽ പ്രധാനമായും ഡിജിറ്റൽ എക്സ്ചേഞ്ചുകൾ രൂപകല്പന ചെയ്യുകയായിരുന്നു. ഇതിനുശേഷം, 1989-ൽ ആശയവിനിമയ ഉപകരണങ്ങളുടെ വികസനവും അതിലൂടെ തുടങ്ങി.
C-DOT ന്റെ പ്രവർത്തനങ്ങളിലേക്ക് വരുമ്പോൾ, C-DOT ഒപ്റ്റികൽ, സ്വിചിംഗ്, വയർലെസ്, സെക്യൂരിറ്റി, നെറ്റ്‌വർക് മാനജ്‌മെന്റ്, M2M/IoT, 5G, AI തുടങ്ങിയ മേഖലകളിൽ ഏറ്റവും പുതിയ സാങ്കേതിക ഉൽപന്നങ്ങൾ തുടർച്ചയായി വികസിപ്പിച്ചുകൊണ്ടിരിക്കുന്നു. ഭാവി സാങ്കേതികവിദ്യകളിലും പ്രവർത്തിക്കുന്നു. ഡിജിറ്റൽ ഇൻഡ്യ, മെയ്ക് ഇൻ ഇൻഡ്യ, ഭാരത് നെറ്റ്, സ്‌കിൽ ഇൻഡ്യ, സ്റ്റാർടപ് ഇൻഡ്യ, സ്‌മാർട് സിറ്റികൾ തുടങ്ങിയ ഇൻഡ്യ ഗവൺമെന്റിന്റെ പദ്ധതികളിലും സി-ഡോട് പ്രവർത്തിക്കുന്നുണ്ട്.
Kewyords: 1984: India taken important step in communication revolution, National, News, Top-Headlines, Newdelhi, Post-Independence-Development, Mobile Phone, Internet, Development, Government, Digital India.
< !- START disable copy paste -->