ഡിസൈൻ
ആദ്യമായി ഇത് കയ്യിൽ എടുക്കുമ്പോൾ തന്നെ ഇത് വളരെ ഭാരമുള്ള ഉപകരണമാണെന്ന് നിങ്ങൾക്ക് തോന്നും. കംപനി പറയുന്നതനുസരിച്ച്, 2.4 കിലോഗ്രാം ഭാരം. എന്നിരുന്നാലും, രൂപത്തിലും ഭാവത്തിലും, ഈ ഉപകരണം മികച്ചതാണെന്ന് തോന്നുന്നു. ചൂട് നിയന്ത്രിക്കുന്നതിനായി രണ്ട് ബിൽറ്റ്-ഇൻ ഫാനുകൾ ഇതിലുണ്ട്. ഇതിന് മൂന്ന് USB-A പോർടുകൾ, ഒരു USB-C പോർട്, ഒരു HDMI ഔട്, ഒരു ഇഥർനെറ്റ് പോർട് എന്നിവയും ഉണ്ട്. ഈ ലാപ്ടോപിന്റെ അതേ വിലയിൽ വരുന്ന നിരവധി ഡെസ്ക്ടോപുകൾ ഉണ്ട്, എന്നാൽ അവയ്ക്കും അത്രയധികം പോർടുകൾ ലഭ്യമല്ല. ഇതാണ് ഈ ലാപ്ടോപിന്റെ പ്ലസ് പോയിന്റ്.
ഡിസ്പ്ലേയും ഓഡിയോയും
വലിയ സ്ക്രീനോടുകൂടിയാണ് അവതരിപ്പിച്ചിരിക്കുന്നത്. 144Hz റിഫ്രഷ് റേറ്റും 1080p ഡിസ്പ്ലേയുള്ള 16 ഇഞ്ച് FHD സ്ക്രീനാണ്. ഡിസ്പ്ലേയും ഡിസ്പ്ലേ വലുപ്പവും മികച്ച ഗെയിമിംഗ് അനുഭവം സമ്മാനിക്കും. സ്പീകറുകളുടെ ശബ്ദ നിലവാരം മികച്ചതാണെങ്കിലും, ഗെയിമിംഗിൽ മൊത്തത്തിലുള്ള അനുഭവം വളരെ മികച്ചതാണെന്ന് പറയാനാവില്ല. നിങ്ങൾക്ക് ഇതിലും വലിയ സ്ക്രീനിൽ ഗെയിമിംഗ് താൽപര്യമുണ്ടെങ്കിൽ, വിക്റ്റസിന് അതിനുള്ള പരിഹാരമുണ്ട്. അതിൽ HDMI പോർട് ഉപയോഗിച്ച്, നിങ്ങൾക്ക് ഇത് മറ്റൊരു മോണിറ്ററിലേക്ക് എളുപ്പത്തിൽ പ്ലഗ് ചെയ്യാം. വീഡിയോകൾ കാണുന്നതിനും പാട്ടുകൾ കേൾക്കുന്നതിനും ഇതിന്റെ സ്പീകർ തികച്ചും അനുയോജ്യമാണ്.
കീബോർഡും ടച് പാഡും
ടചിന് വലിയ ഇടമുണ്ട്, ഉപയോഗിക്കാൻ സൗകര്യപ്രദവുമാണ്. കീബോർഡിനെക്കുറിച്ച് പറയുകയാണെങ്കിൽ, വിക്ടസ് ഒരു മുഴുവൻ നമ്പർ പാഡുമായാണ് വരുന്നത്. എന്നിരുന്നാലും, നിങ്ങളൊരു സ്ഥിരം ലാപ്ടോപ് ഉപയോഗിക്കുന്ന ആളാണെങ്കിൽ, വിക്റ്റസ് കീബോർഡുമായി പരിചയപ്പെടാൻ കുറച്ച് സമയമെടുത്തേക്കാം.
ബാറ്ററി ലൈഫ്
വിക്ടസിന്റെ ബാറ്ററി ലൈഫ് മികച്ചത് തന്നെയാണ്. ദീർഘനേരത്തെ ഗെയിമിംഗിന് ശേഷവും ബാറ്ററി ലൈഫ് വളരെനേരം നിലനിൽക്കും.
വിധി
നിങ്ങൾ വിക്ടസ് വാങ്ങണമോ? ഇപ്പോൾ അത് നിങ്ങളുടെ ഉപയോഗത്തെ ആശ്രയിച്ചിരിക്കുന്നു. നിങ്ങൾക്ക് ന്യായമായ വിലയിൽ ഒരു ഗെയിമിംഗ് ലാപ്ടോപ് വേണമെങ്കിൽ, വിക്ടസ് നിങ്ങൾക്കുള്ള മികച്ച ഓപ്ഷനാണ്. ബജറ്റ് ഗെയിമിംഗ് ലാപ്ടോപ് എന്ന് ഇതിനെ വിളിക്കാം. ഡിസൈനിലും ബാറ്ററിയിലും നല്ലൊരു ഗെയിമിംഗ് മെഷീനാണിത്. എന്നിരുന്നാലും, ഒരു പോർടബിൾ കംപ്യൂടർ /ലാപ്ടോപിന് സമാനമായ സംഗതി ഇതിലില്ല. നിങ്ങൾ പ്രകടനത്തിൽ മാത്രം ശ്രദ്ധ കേന്ദ്രീകരിച്ചാലും, വിക്ടസിൽ സംതൃപ്തരാകും.
Keywords: News, National, Top-Headlines, Laptop-Reviews, Laptop, Technology, Price, HP Victus 16, HP Victus 16 Review.
< !- START disable copy paste -->