അപകടത്തില്‍ ആതിരയുടെ ഭര്‍ത്താവിനും മറ്റൊരു യാത്രക്കാരിക്കും പരിക്കേറ്റു. അപകടത്തില്‍ പരിക്കേറ്റ ആതിരയുടെ ഭര്‍ത്താവ് വിജയനെ (27) മുളക്കുഴയിലെ സ്വകാര്യ ആശുപത്രിയിലും യാത്രക്കാരിയായ പഴകുളം പ്ലാവിള വടക്കേതില്‍ സഫിയായെ (36) ആലപ്പുഴ മെഡിക്കല്‍ കോളജ് ആശുപത്രിയിലും പ്രവേശിപ്പിച്ചു.
മറ്റൊരു വാഹനത്തെ മറികടക്കവേ ബസ് ഓട്ടോയില്‍ ഇടിക്കുകയായിരുന്നെന്ന് പോലീസ് പറഞ്ഞു. ബസ് സമീപത്തെ ഓടയിലേയ്ക്ക് ചരിഞ്ഞു. ഓട്ടോ പൂര്‍ണമായും തകര്‍ന്നിട്ടുണ്ട്. ബേബി അടൂര്‍ ജനറല്‍ ആശുപത്രിയിലും ആതിര മുളക്കുഴയിലെ സ്വകാര്യ ആശുപത്രിയിലും വെച്ചാണ് മരിച്ചത്. ഏഴു മാസം ഗര്‍ഭിണിയായ ആതിരയെ കൊട്ടാരക്കര ജനറല്‍ ആശുപത്രിയില്‍ ഡോക്ടറെ കാണിച്ചശേഷം വെട്ടിക്കവലയിലുള്ള അവരുടെ വീട്ടില്‍ പോയി മടങ്ങുകയായിരുന്നു ദമ്പതികള്‍.
ബേബി സഹോദരന്റെ ഓട്ടോയുമായി കൊട്ടാരക്കരയില്‍ സ്വകാര്യ ആവശ്യത്തിനുപോയി തിരികെ വരുമ്പോഴാണ് മൂന്നു പേരെയും കയറ്റിയത്. വിദേശത്തായിരുന്ന ബേബി പത്ത് ദിവസം മുന്‍പാണ് അനുജന്‍ സല്‍മോന്‍ ജോലി ചെയ്യുന്ന അടൂരിലെത്തിയത്. മണക്കാലയിലെ ഒരു ചായക്കടയില്‍ ജോലി ചെയ്തുവരികയായിരുന്നു. സല്‍മാനാണ് ബേബിയുടെ മൃതദേഹം തിരിച്ചറിഞ്ഞത്. സംസ്ക്കാരം പിന്നീട്. ബേബിയുടെ മാതാവ് മേരി. ആതിരയുടെയും വിജയന്റെയും വിവാഹം കഴിഞ്ഞ മെയ് 4 നാണ് നടന്നത്.
Keywords: Auto Driver, Bus, Split, Adoor, Pregnant Woman, Accident, Kottarakkara, Thiruvananthapuram, Wife, Son, Obituary, Pregnant woman and driver killed in accident.